Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 25 Август 2016 Кӯришлар: 614
Печат

 

dilshod-nazarovБразилия пойтахти Рио-де-Жанейро шаҳрида ўтказилган XXXI ёзги олимпиада ўйинлари мусобақасида Тожикистон байроғи остида чиқиш қилган енгил атлетикачи Дилшод Назаров давлатимиз жамғармасига олтин медал келтирди.

Босқон ирғитиш мусобақаларининг ҳал қилувчи финал босқичида иштирок этган юртдошимиз босқонни энг узоқ масофа- 78,68 метрга ирғитиб, олимпиаданинг олтин медалини қўлга киритди.

Босқончилар ўртасида қизғин кечган курашларнинг кумуш медали белоруслик Иван Тихонга насиб этди. У босқонни 77,79 метрга улоқтира олди.

Полшалик Войцех Навицки снаряд ирғитишда 77,73 метрлик натижа қайд этиб, олимпиада совриндорларининг кучли учлигидан жой олди.

Эслатиб ўтиш жоизки, битта олтин медал соҳиби бўлган юртдошларимиз умумжамоа ҳисобида 54-ўринни ишғол этдилар.

Спортнинг дзюдо, бокс, сузиш ва югуриш турлари бўйича Ватанимиз шарафини ҳимоя қилган спортчилар - Комроншоҳи Устопириён, Муҳаммадмурод Абдураҳмонов, Анвар Юнусов, Олим Қурбонов, Анастасия Тюрина ва Кристина Пронженколарга омад кулиб боқмади. 

 

----------    Футбол    ----------

ЧОРАК ФИНАЛ УЧРАШУВЛАРИ

Бир қатор шаҳарлар стадионларида футбол бўйича Тожикистон кубоги турнирининг чорак финали илк учрашувлари бўлиб ўтди.

Душанбедаги «Авиатор» стадионида Тожикистон кубогининг амалдаги эгаси, пойтахтнинг «Истиқлол» ҳамда Ваҳдат шаҳрининг «Хайр» жамоалари ўзаро ҳисоб-китоб қилишди.

Тенг курашлар асосида ўтган беллашувда дуранг - 1:1 ҳисоби қайд этилди.

Турсунзода шаҳридаги «Металлург» стадионида маҳаллий «Регар-ТадАЗ» ва Хўжанднинг «Хўжанд» клублари ўртасидаги учрашув 3:1 ҳисобида майдон эгалари фойдасига ҳал бўлди.

Чорак финал босқичининг қолган учрашувлари қуйидаги натижалар билан якун топди: «Ваҳдат»-«Равшан»-0:0, «Ҳосилот»-«Барқчи»-4:2.

Тожикистон кубоги турнири чорак финали жавоб учрашувлари 10-11 сентябр кунлари ўтказилади.

 

----------    Дзюдо    ----------

ҲОКИМ КУБОГИ СОВРИНДОРИ

Россия Федерациясининг Иркутск шаҳрида курашнинг дзюдо тури бўйича 1997-99 йилларда туғилган ёшлар ўртасида шаҳар ҳокими кубоги турнири бўлиб ўтди.

Мазкур халқаро мусобақада дунёнинг 27 давлатидан 321 нафар спортчи ўзаро ғолиблик учун майдонга тушди.

Тожикистонлик Хуршид Мажидов эса, ғолиблик шоҳсупасининг энг юқори поғонасига кўтарилди.

Гиламга 100 килограммдан ортиқ вазн тоифасида тушган ёш тожик полвони финалгача Россия, Мўғулистон ва Япония давлатлари намояндаларини доғда қолдирди.

Бош соврин учун кечган курашда у қозоғистонлик дзюдочига қарши курашди ва ўн дақиқада рақиби курагини ерга теккизди.

Ушбу мусобақада иштирок этган яна икки нафар ёш курашчимиз саралаш босқичидаёқ мағлубиятга учрашди.

 

======    Жаҳонда    ======

------------    Олимпизм    ------------

«РИО-2016» НИҲОЯСИГА ЕТДИ

Икки ҳафта Рио-де-Жанейро шаҳрида давом этган XXXI ёзги олимпиада ўйинлари мусобақаси ўз ниҳоясига етди.

Олимпиада ўйинлари жараёнида дунёнинг 206 давлатидан ташриф буюрган 12 минг нафарга яқин намоянда спортнинг 28 тури бўйича 306та медаллар мажмуаси учун кураш олиб борди.

Иштирокчи 86 давлат вакиллари олимпиада медаллари соҳибига айланишди, шулардан 59 мамлакат спортчилари мусобақалар олтин медалларига мушарраф бўлишди.

Медалларни қўлга киритиш бўйича америкаликлар энг юқори натижага эришишди. Улар жами 121та - 46та олтин, 37 кумуш, 38 бронза медалларига эгалик қилишди.

Бу кўрсаткич бўйича англияликлар иккинчи ўринни ишғол этишди. Буюк Британия намояндалари ўз жамғармаларига 27та олтин, 23та кумуш, 17 бронза - умумий ҳисобда 67та медал тўплашди.

Ёзги олимпиада ўйинларида хитойликлар учинчи бўлди. Чин давлати намояндалари 26та олтин, 18та кумуш, 26 бронза, ҳаммаси бўлиб, 70та медал соҳиби бўлишди.

Мустақил Давлатлар Ҳамдўстлигига аъзо мамлакатлар ўртасида биринчи ўринни россияликлар илиб кетишди. Улар 56 марта ғолиблик шоҳсупасига кўтарилишди. Шундан 19 марта биринчи, 18 марта иккинчи, 19 марта учинчи поғоналар ташкил этди.

Мусобақалар давомида 13та - 4та олтин, 2та кумуш, 7 бронза медалига етишган ўзбекистонликлар иккинчи ўрин билан кифояланишди.

Фахрли учинчи жой қозоқларга (17=3-5-9) тегишли бўлди.

Ниҳоясига етган «Рио-2016» XXXI ёзги олимпиада ўйинлари жараёнида спортнинг турфа турлари бўйича олимпиада ва жаҳон рекордлари ўрнатилди. Иштирокчи давлатлар спорт тарихида янги иқтидорлар кашф этилди.

Умуман олганда, бу халқаро спорт байрами кимларгадир қувонч олиб келган бўлса, кимларнидир қайғуришга мажбур қилди…

«Халқ овози» спорт шарҳловчиси.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Халқлар дўстлиги мангудир

 

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмоннинг Ўзбекистонга давлат ташрифи тожик ва ўзбек халқларининг муносабатлари гултожига айланди. Бу ташриф халқлар орасидаги дўстона муносабатларнинг янги уфқлари очилишига катта ишонч пайдо қилди. Бу шундай ишончки, келгусида ҳаққоний воқелик тарих зарварақларида олтин ҳарфлар ила

Муфассал...

Миллат пешвосининг Падамжа Хандевал хоним билан мулоқоти

 

12 март куни Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Халқаро валюта фонди делегацияси раҳбари Падамжа Хандевал хонимни қабул қилди.

Мулоқот чоғида Тожикистон Республикаси Ҳукумати ва Фонд ўртасида "Кенг қарз бериш механизми" доирасида келгусидаги дастур бўйича икки

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465633

ӮҚУВЧИЛАР СОНИ

2218576
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
627
1417
10562
2199519
25568
46701
2218576

Сизнинг IPнгиз: 3.226.251.81
Бугун: 18-08-2019 09:51:01

ҲАМКОРЛАР

 

 

   

2015