Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 24 Октябр 2019 Кӯришлар: 1223
Печат

 

kuz 2019КУЗ

Куз ҳам келди ҳаш-паш дегунча,

Чимирибди офтоб қошини.

Кузатади сарғайган ғунча,

Булутларнинг жулдур лошини.

 

Ўтар қушлар галаси оқиб,

Поёни йўқ мискин хаёлнинг.

Пойидаги хазонга боқиб,

Йиғлагиси келади толнинг.

 

МЕН КАРВОНМАН

Мен - карвонман, юким кўп оғир,

Йўлда ўтар ёзим ва қишим.

Ҳураётган қопағон, олғир,

Итлар билан йўқ зарра ишим.

 

Мен - карвонман, минг бора рози,

Ташрифимни қутлаган элдан.

Фақат бахил, лайча ва този

Итлар мени қизғанди йўлдан.

 

Мен - карвонман, тинмадим бир пас,

Саҳроларда қолгандир изим.

Ҳураётган итлар кўролмас,

Олисларга қадалган кўзим.

 

Мен - карвонман, менинг юкимдан,

Тузиш билан қуриш қолади.

Итдан эса (сир бўпти кимдан)

Итдан фақат ҳуриш қолади.

 

***

Сўлар экан одам гул мисол,

Кетар экан умридан омад.

Лекин бунга бўлма хастаҳол,

Чекма бундан зарра надомат.

 

Ёмон эмас ғуссадан толиб,

Бир гул каби бевақт сўлганинг.

Ёмон лекин уятга қолиб,

Ё номусга қолиб ўлганинг.

 

ОЙНИНГ ЎН БЕШИ

Ўн беш куни бўлса қоронғу,

Ёруғ дерлар ойнинг ўн беши.

Яъни бахтин топади, ёҳу

Аввал хешу кейин дарвеши.

Фарёдимни тинглагил бирров,

Ёруғ куннинг бўлмадим хеши.

Сочларимга қўндирди қиров,

Ойнинг ўша қора ўн беши.

 

АВТОПОРТРЕТ

Бўйсинмадим қасдим - ўчимга,

Кулиб турдим гарчи кўзда нам.

Ғазабимни ютдим ичимга,

Томоғимга тиқилди алам.

 

Минг бир куйга соларкан турмуш,

Жуфтлар ичра ёлғизман - тоқман.

Гоҳ - ғазабдан тугилган бир мушт,

Гоҳ - ғилофда ётган пичоқман.

 

ОЗГИНА ОҒРИҚ

Ҳеч не бўлгани йўқ, хазон фаслида,

Озгина оғриди кўнгил гул учун.

Оғримоқ одатдир унга аслида,

Зоғлар ичидаги бир булбул учун.

 

Унга бўла билмас шодлик нўшдору,

Ўзи хабар берар дард борлигидан.

Озгина оғриди баъзида ёру,

Баъзида ағёрнинг ағёрлигидан.

 

Шунингдек, урушни қилмасдан канда,

Киприкка илдириб томчи-томчи нам,

Озгина оғриди укам кетганда,

Озгина оғриди кетганда онам.

 

Қоладиган гап йўқ, дўстим, ўзингдан,

Энди кор қилмайди, дам урма, дум ур.

Шунчаки ўқ каби отган сўзингдан,

Озгина оғриди бу кўнгил қурғур.

Бу бориш-келишнинг қизиғи бўлмас,

Карвон орқасидан итлар ҳурмаса.

Мен соғлиқ қадрига етмасдим, хуллас

Бу кўнгил озгина оғриб турмаса.

 

ПОРТРЕТ

Наталя Шабановага

 

Менга Беҳзод сурати марғуб,

Сенга Ван Гог ва "Кунгабоқар".

Сен шимолсан, мен эса жануб,

Менга Шарқу сенга Ғарб ёқар.

 

Сенга қандай гулларни терай,

Кўрпа солай қисқами, узун?

Сенга қандай куй чалиб берай,

Дилхуш оҳанг бўлсинми, дилхун?

 

Сен - шимолда - узоқсан ойдан,

Шарқда туриб кўнгил ёрайми?

Ё кўнгил деб аталган жойдан,

Сен томонга учиб борайми?

 

Кел, яхшиси чизай расмингни,

Шакл ва ранг завқини татиб.

Унда моҳтоб дейин исмингни,

Чизай сени ойга ўхшатиб.

 

Наталя, сен ром ичра жосан,

Иккимизни мен чиздим ёндош.

Мана бу сен - бир бўлак ойсан,

Мана бу мен - бир бўлак қуёш!

Сайфулло Қулаев,

Душанбе шаҳри.

КАЛЕНДАР

« Январ 2022 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

Яна куз, яна сентябр…

 

ёхуд «Муносабат»нинг ҳам озгина мантиққа мос келгани яхши

Кечагидек эсимда. Болалигимизда бошланғич синфда сабоқ берадиган ўқитувчимиз Янги йил байрами арафасида қайсидир болалар шоирининг: - Яна қиш, яна январ, яна келди Янги йил,- деб бошланувчи шеърини онгимизга қўрғошиндек қуйиб, хор билан айттирарди.

Шу хотирадан таъсирланиб, мен ҳам мақолага "Яна куз, яна сентябр, яна келди Билимлар байрами" деб, сарлавҳа қўйишга қарор қилдим. Бироқ хор билан

Муфассал...

Экологик маърифат юксалмоқда

 

Экологик маърифат ва тарбияни юксалтириш мамлакат мустақиллигининг илк йиллариданоқ Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг диққат марказидан ўрин олганди. Тожикистон Республикаси Ҳукуматининг 1996 йил 23 февралдаги қарори билан «2000 ва 2010 йилларгача Тожикистон Республикаси аҳолисининг экологик маърифати ва тарбияси давлат дастури»нинг қабул

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1248869

ӮҚУВЧИЛАР СОНИ

4852464
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
146
3227
9535
4810107
66603
81289
4852464

Сизнинг IPнгиз: 54.91.62.236
Бугун: 20-01-2022 01:03:17

ҲАМКОРЛАР

 

 

   

2015