Биз билан боғланинг:

   

Бизга қӯшилинглар

ХАБАРЛАР

ХАБАРЛАР

Муаллиф: Super user Категория: ХАБАРЛАР
Чоп этилган 09 Феврал 2017 Кӯришлар: 2173
Печат

 

sh salimzoda 2017- Ўтган йили мамлакатимиз бўйлаб 62та жиноий гуруҳ фаолиятига чек қўйилди, - деди яқинда бўлиб ўтган матбуот конференциясида Тожикистон Республикаси Президенти қошидаги Наркотикларни назорат қилиш агентлиги бошлиғи Шерхон Салимзода. - Жумладан, 4та уюшган жиноий гуруҳ ошкор қилинди.

Агентлик бошлиғи берган маълумотларга кўра, 2015 йил 60та жиноий гуруҳ фаолиятига чек қўйилганди. Шунингдек, ўтган йили халқаро қидирувда бўлган 14 нафар шахс қўлга олинган.

Ҳисобот даврида Наркотикларни назорат қилиш агентлиги ходимлари бошқа ҳуқуқ ҳимояси органлари билан ҳамкорликда 13та, хорижий кучга эга тизимлар билан биргаликда 11та амалиёт ўтказиб, натижада 319 килограмм наркотик моддалар ноқонуний муомаладан мусодара қилинган.

Шунингдек, агентлик ходимлари томонидан ноқонуний муомалада бўлган 3 дона ўт очиш қуроли ва 152 дона жанговар ўқ-дорилар мусодара этилган.

Агентлик бошлиғининг айтишига кўра, Тожикистон-Афғонистон чегарасида назорат кучайтирилгач, наркотик моддалар ноқонуний савдоси билан шуғулланувчилар йўналишларини ўзгартиришга ҳаракат қилишмоқда.

- Мисол учун, ўтган йили мамлакатимиз фуқароси Озарбайжон-Эрон чегарасида 137,2 килограмм героин билан қўлга олинди, - деди Шерхон Салимзода. - Жиноятчи - республикамизнинг фуқароси. Шунинг учун, наркотиклар контрабандаси йўналишларини жуда яхши билади. У эски йўналишлар билан қўлга тушишдан чўчиб, контрабанда йўналишини ўзгартиришга қарор қилганга ўхшайди.

Агентлик бошлиғининг айтишича, наркотик моддалар ноқонуний муомаласини ошкор этиш ҳажми камайганлигининг асосий сабабларидан бири - контрабандачилар йўналишларини ўзгартираётганликларида бўлса керак.

- Ўтган йили мамлакатимизда 7 минг 67 нафар наркотик моддаси истеъмолига ўрганиб қолганлар расмий тарзда қайдга олинган, - деди Ш. Салимзода. - 2015 йили бу кўрсаткич 7 минг 313 нафарни ташкил этарди. Албатта, биз жамиятимиз доғига айланган мазкур муаммога қарши барча имкониятлардан фойдаланиб, аёвсиз курашамиз.

Шунингдек, матбуот конференцияси жараёнида ёшлар ўртасида синтетик наркотик моддалар истеъмолига ружу қўйиш ҳолатлари кўпаяётганлиги ва уларга қарши кураш усуллари ҳақида журналистларга кенг маълумот берилди.

 

 И.Маҳмадалиев,

"Халқ овози".  

КАЛЕНДАР

« Январ 2022 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

Қор ёғса…

       Қор ёғишини энг гўзал табиат ҳодисаларидан бири сифатида кимлардир жуда интизорлик билан кутадилар. Бунинг боиси шундаки, қор улар учун қандайдир, фақат ўша кишиларнинг ўзигагина маълум бўлган бир мўъжизага сабаб ёки туртки бўлади.

Агар бошқа фасл бўлганда, балким, улар баҳор келиб, илк дарахтлар гуллашини, ёзнинг иссиқ кунлари тезроқ етиб келишини, куз фасли келиб, пахта терими бошланишини ёки бошқа кўплаб воқеа-ҳодисаларни кутган бўлишармиди?

Муфассал...

Устозлик фидойиликдир

 

Ҳар гал Хўжанд шаҳри, у ердаги оқибатли одамлар ҳақида ўйлаганимда талабалик даврининг ширин хотиралари кўз ўнгимда бирма-бир намоён бўлади. Айниқса, биз шогирдларни тўғри йўлга ҳидоят этиб, эзгулик сари чорлаган яхшилик тимсолидаги фариштанамо устозларимга, илм ва маърифат бобида Табризу Боғдод, Самарқанду Бухородан нуфузи асло кам бўлмаган Хўжанд шаҳрига ҳамиша таъзим қилгим келади.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1248843

ӮҚУВЧИЛАР СОНИ

4852409
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
91
3227
9480
4810107
66548
81289
4852409

Сизнинг IPнгиз: 54.91.62.236
Бугун: 20-01-2022 00:37:11

ҲАМКОРЛАР

 

 

   

2015