Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 17 Апрел 2020 Кӯришлар: 310
Печат

 

r abdulahadov 2020Шамолларга бериб бағримни

Рутубатли туманлар аро.

Феруза тонг ифорларини

Туйдим сармаст ва ғазалсаро.

Хаёлимнинг сўқмоқларида

Тағин мени айладинг хумор.

Майин, иссиқ тупроқларингда

Менинг изим қолгандир, Фархор?

Водийларинг кўкаряптими?

Қизилеринг босмадими сув?

Тўқайзоринг дарахтларини

Кўрмоқликни қиляпман орзу.

Қандай роҳат зовурларингда

Балиқлардек юрсам чўмилиб.

Пишинсаму олов бағримда

Армонларинг ётса кўмилиб.

Тирикмикан Хурсанд боболар,

Юрганмикан сигир, қўй боқиб.

Тургандир-ов, қари момолар,

Субҳидамда говмишин соғиб.

Эрин ғийбат қилаётгандир

Ойдиннисо хола ҳам ҳозир.

Кўкрагимга қаттиқ ботгани

Соғинчингнинг маъюс овози...

Олисларда юрибди дайдиб,

Ҳануз менинг ўтли қобирғам.

Билдим, меҳринг чизиб бўлмайди

Жиндаккина шеърларим билан.

Рўпарамда азамат тоғлар,

Қоратоғинг эслатди уч қур.

Қўлларимдан маҳкам қучоқлаб,

Юр-юрлайди насимлар учқур.

Теваракда санқир изғирин,

Тепаликда мудрайди қор, муз.

Муздай ҳаволарни симириб

Фазодаги булутлар - Қорқиз.

Кечир, бугун бироз ичикдим,

Мужмаллигим балким, шул боис.

Кўксим мунча майин майишди,

Саҳроларда қолганда ёлғиз.

Дашту тоғлар оқарди бирам,

Оқпарқувнинг силсиласида.

Ойдинлашди бирдан хотирам

Учқунларнинг ёйилмасидан.

Тарновлардан томчи тинмади

Чак-чаккилаб марвориддек соф.

Қолгин, дединг сира кўнмадим,

Кўзларингга ашк тўлар ғарқоб.

Ҳузурингдан шамолдай лоқайд

Келишимга берганча ваъда,

Кетдим қобирғамнинг бир чети

Узилгандай бўлди тўсатдан.

Учқунлади юрагимда ғам,

Қор ёғилди яна фалакдан.

Атроф шундай ёрқин бўлса ҳам,

Қил ҳам сиғмай қолди юракка.

Қил ҳам сиғмай қолди юракка…

 

***

Бақирай бор овозим билан,

Фарёд урай юрак-юракдан.

Гоҳ қайғудан, гоҳо шодликдан,

Ҳайқирайин: "Менга кераксан!"

Эшитяпсанми? Гулим, бормисан?

Ҳисларимнинг хуружларидан.

Огоҳмисан, интизормисан,

Хаёлотнинг оғушларида?

Ўтгандан сўнг Чилучорчашмадан.

Олтинсойга олганимда йўл,

О, ҳайқирай муҳаббат билан,

Исминг айтиб чақирайин Гул!

О, майлига мардум тингласин,

Телба, дея ўйласин майли.

Майли бугун кўнглим йиғласин,

Офтоб кулди, тоғлар жилмайди.

Коинотга сочгайман аксу

Садо берган овозларимни.

Нигоҳларинг кўрмайди, афсус,

Юрагимнинг парвозларини…

 

***

Ёришмади тун янглиғ кўксим,

Ғолиб келди гўзал қайғулар.

Келмайсиз, деб йиғладинг ўксиб,

Юрагимга солиб ғулғула.

Орадаги олис масофа

Тағин солди ишқимга раҳна.

Тағин сени қўйдим азобга,

Яна ўзим айрилдим бахтдан.

Хиралашди фалакдаги ой,

Чеҳрасини чулғади булут.

Сенинг ойдин кўнглинг ҳойнаҳой

Зулумотда қолдирдим, Сулув.

Жиринглади қўққис телефон,

Чечакларин очди хаёлот.

Бироқ яна авзоим бешон

Дағал сўзлар

айлади ижод.

"Аввал бундай эмасдингиз, сиз,

Ўзгарибсиз, анча чўзилиб. "

Сўнг гўшакни қўйганинг кези,

Дилда недир кетди узилиб…

 

Раҳматулло Абдулаҳадов,

Носир Хусрав ноҳияси.

 

Раҳматулло Абдулаҳадов 1994 йили Фархор ноҳиясида туғилган. Бохтар шаҳридаги Носир Хусрав номли дорилфунуннинг филология факултетида таҳсил олган. Айни пайтда Носир Хусрав ноҳиясининг 25 ва 5-умумтаълим муассасаларида ўқитувчи бўлиб ишламоқда.

"Орзу гуллари" китоби муаллифи.

КАЛЕНДАР

« Октябр 2020 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Наврўз шодиёналари

 

22 март, куннинг иккинчи ярмида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Душанбе шаҳри раиси Рустами Эмомали билан биргаликда пойтахт «Наврўзгоҳи»да ўтказилган халқаро Наврўз тантаналарида иштирок этди ва нутқ сўзлади.

Муфассал...

Қуёш ботмайди

 

Журналистика соҳасидаги фаолиятим давомида давримизнинг кўплаб машҳур кишилари, жамоат ва сиёсат арбоблари, дипломатлар, вазирлар ва бошқа таниқли шахслар билан учрашиб, очерку мақолалар, эссе-ю интервюлар ёзишимга тўғри келган. Шулардан икки нафарининг матбуотга муносабати менга алоҳида таассурот бағишлаган эди.

Биринчиси – Доғистон Республикасининг собиқ Президенти Рамазон

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
880540

ӮҚУВЧИЛАР СОНИ

3509822
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
4101
5263
13823
3465263
75026
97897
3509822

Сизнинг IPнгиз: 35.168.62.171
Бугун: 21-10-2020 16:14:10

ҲАМКОРЛАР

 

 

   

2015