2 январ куни Тожикистон Республикаси Президенти Намояндалар мажлиси қабул қилган ва Миллий мажлис қўллаб-қувватлаган иккита мукаммаллаштирилган қонун ҳамда ўзгартиш ва қўшимчалар киритиш тўғрисидаги бир нечта қонунларни имзолади.
Жумладан, Тожикистон Республикасининг "Тожикистон Республикаси Жиноят кодексига ўзгартиш ва қўшимчалар киритишга оид" ва "Тожикистон
Республикаси Маъмурий ҳуқуқбузарлик кодексига ўзгартиш ва қўшимчалар киритишга оид" қонунлари санитария-гигиена ва санитария-эпидемиология меъёрларига риоя қилмаган, инсонларнинг иммун танқислиги синдромига мубтало бўлишига ё улар ўлимига сабабчи бўлган дўхтирлар, гўзаллик салонлари ходимлари, сартарошхоналар, хизмат кўрсатиш корхоналарига нисбатан жавобгарликни кучайтириш, шунингдек, Тожикистон Республикаси ҳудудига қалбаки (сохта), сифатсиз ва белгиланган стандартларга жавоб бермайдиган, ишлатилиш муддати ўтган дори-дармонларни ноқонуний олиб кириш, ишлаб чиқариш, муомалага чиқариш билан машғул бўлганларга йўналтирилган. Жиноят кодексига киритилган яна бир ўзгариш бошқа бир шахсни иммун танқислиги синдромига атайлаб мубтало этишга нисбатан ҳам жавобгарликни кучайтирилиши бўлиб, айни пайтда одам савдосига боғлиқ масала ҳам ҳуқуқий низомга солинди.
Тожикистон Республикасининг «Ҳаракатланувчи мол-мулк гарови ва таъминланган мажбуриятларни қайдга олиш тўғрисида»ги қонуни ҳаракатланувчи мол-мулкдан гаров сифатида фойдаланиш ва таъминланган мажбуриятлар қайди тартиби билан боғлиқ меъёрларни тартибга солади.
Тожикистон Республикасининг «Тожикистон Республикаси Фуқаролик кодексига ўзгартиш ва қўшимчалар киритиш тўғрисида», «Тожикистон Республикасининг Процессуал кодексига ўзгартиш ва қўшимчалар киритиш тўғрисида», «Тожикистон Республикасининг Жиноий-процессуал кодексига ўзгартиш ва қўшимчалар киритиш тўғрисида», «Тожикистон Республикасининг Иқтисодий процессуал кодексига ўзгартиш ва қўшимчалар киритиш тўғрисида», «Тожикистон Республикасининг «Молиявий ижара (лизинг) тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Банкротлик тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Ижро истеҳсоли тўғрисида»ги қонунига ўзгартиш ва қўшимчалар киритиш тўғрисида»ги қонунларига киритилган ўзгартишлар Тожикистон Республикасининг «Ҳаракатланувчи мол-мулк гарови ва таъминланган мажбуриятлар қайди тўғрисида»ги қонуни меъёрлари ижроси ҳамда мажбуриятлар таъминланиши тартибини соддалаштириш, кредит мажбуриятларини ўз вақтида бажаришни назарда тутади.
Тожикистон Республикасининг «Тожикистон Республикасининг «Суғурта фаолияти тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Жисмоний шахслар ва хусусий тадбиркорлар давлат қайди тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Жамоатчилик бирлашмалари тўғрисида»ги қонунига ўзгартиш ва қўшимчалар киритиш тўғрисида»ги қонунларига жиноий йўл билан олинган даромадларни ювиш олдини олиш, терроризм ва оммавий қирғин қуроллари тарқатишни молиялаштириш соҳасида меъёрлар киритилган.
Шунингдек, Тожикистон Республикасининг «Тожикистон Республикасининг «Одам савдосига қарши туриш ва одам савдоси қурбонларига ёрдам кўрсатиш тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Озод иқтисодий минтақалар тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Географик ишоралар тўғрисида»ги қонунига ўзгартиш ва қўшимчалар киритиш тўғрисида», «Тожикистон Республикасининг «Савдо белгилари ва хизмат кўрсатиш белгилари тўғрисида»ги қонунига ўзгартиш ва қўшимчалар киритиш тўғрисида»ги қонунлари ва бошқа қонунчилик ҳужжатларига ўзгартишу қўшимчалар киритилиб, такомиллаштирилди.
Имзоланган қонунлар аҳоли саломатлигини ҳимоялаш, фуқаро ва инсон ҳуқуқу эркинликларини сақлаш, мамлакат банк тизимини ривожлантириш, тадбиркорликни давлат томонидан қўллаб-қувватлаш, жамоатчилик ҳаёти турли соҳалари тараққий этиши ва гуллаб-яшнашига йўналтирилган.
Қабул қилинган қонунларнинг тўлиқ матни яқин кунларда мамлакат расмий матбуотида эълон қилинади.
«Ховар» ТМАА.
Шоир Омон Ражаб Тожикистон ўзбек шеърияти дарғаларидан бири. Ўтган аср 70-80- йилларида ғазал, умуман, аруз камситилиб турган бир паллада Омон ака ғазал бита бошлаган эди. Унинг битиклари улуғ устозлар томонидан ҳам юксак баҳоланган. Мана узоқ йилларким, касби шифокор бўлган акамиз кишиларнинг ташқи дардларини даволаб келмоқда, балки улар ички олами қалбларига ҳам ҳақиқий малҳам ўлароқ юксак пафосдаги ғазаллар ижод этиб келмоқдалар.
Муфассал...
Ҳикоя
Ёз шамоли димоққа чанг-ғубор ҳидини урар, ҳаво борган сайин қизиб, юз-кўзларни куйдирар эди. Қурғоқчилик ўз ҳукмини ўтказган: гул-гиёҳ, ўт-ўланлар аллақачон қуриб, сарғайиб қолган, гўё аланга тили ҳамма нарсани ялаб юборган эди. Ернинг ҳар-ҳар жойи ёрилиб, унчалик чуқур бўлмаган ариқчалар пайдо бўлган. Баланд-паст адирлар узра ўткинчи булутлар увадалари айланиб юрибди.
Муфассал...2015
1-2015
2-2015
3-2015
4-2015
5-2015
6-2015
7-2015
8-2015
9-2015
10-2015
11-2015
12-2015
13-2015
14-2015
15-2015
16-2015
17-2015
18-2015
19-2015
20-2015
21-2015
22-2015
23-2015
24-2015
25-2015
26-2015
27-2015
28-2015
29-2015
30-2015
31-2015
32-2015
33-2015
34-2015
35-2015
36-2015
37-2015
38-2015
39-2015
40-2015
41-2015
42-2015
43-2015
44-2015
45-2015
46-2015
47-2015
48-2015
49-2015
50-2015
51-2015
52-2015