Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 26 Январ 2018 Кӯришлар: 669
Печат

 

nihol 20182018 йилнинг 21 январ куни Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Душанбе шаҳри раиси Рустами Эмомали билан биргаликда пойтахтнинг Наврўзгоҳ боғида кипарис, Лейланд сарв ва секвойя каби ноёб, манзарали ва сояли дарахтлар кўчатини ўтқазиб, кўчатлар ўтқазиш, атроф-муҳитни ободонлаштириш ва кўкаламзорлаштириш ишларини бошлаб

берди.

Кўчатлар ўтқазиш ишлари мамлакат пойтахти - Душанбе шаҳрини ободонлаштириш, бунёдкорлик ва қайта тиклаш асосий режасига мувофиқ, шаҳар кўчалари ва хиёбонларини ободонлаштириш мақсадида, Наврўзгоҳ боғида олиб борилаяпти. Бир вақтнинг ўзида инсон саломатлиги учун фойдали, пойтахт аҳолиси ва меҳмонлари кайфиятига ижобий таъсир кўрсатадиган манзарали ва ҳамишабаҳор дарахтлар кўчатлари ўтқазилди.

Пойтахтнинг Наврўзгоҳ боғида мамлакат Президенти сояли ва манзарали дарахтлар парвариши ҳолати, бу ерда янги хиёбонлар ташкил этиш лойиҳасининг амалга оширилиши билан танишди.

Давлат бошлиғи муҳтарам Эмомали Раҳмон давлат ҳокимияти Душанбе шаҳри ижроия органи раҳбарияти ва тегишли муассасаларга ушбу ҳудудни янада кўркамлаштириш ҳамда уни гўзал масканга айлантириш, фавворалар ва шаршараларнинг доимий ишлаши, боғни ёритиш ва пойтахт аҳолиси-ю меҳмонларининг сайру саёҳат масканига айлантириш, инсон саломатлиги учун фойдали бўлган чиройли дарахтлар ва ноёб кўчатларни ўтқазиш, улар парвариши устидан назорат ўрнатиш борасида топшириқлар берди.

Мамлакат Президенти давлат ҳокимияти Душанбе шаҳри ижроия органи раҳбарияти ва давлатнинг бошқа муассасалари масъул шахсларига Халқаро Наврўз байрами тантаналарига тайёргарлик кўриш, ободончилик ва яратувчанлик ишларини кучайтириш, кўчатлар ўтқазиш тадбирларини ташкил этиш, кўча ва хиёбонлар, Рўдакий боғи, Миллий кутубхона, Миллий музей, Тожикистон Байроғи ва Давлат нишони ёнидаги гулзорлар, аэропорт атрофидаги хиёбонлар, С.Айний номидаги майдон ва ёдгорлик, пойтахтнинг Ёшлар боғи ҳамда шаҳарнинг бошқа маданий-маиший марказлари ва марказий кўчаларини ободонлаштириш учун тартиб ва тозаликка риоя этиш борасида топшириқ ва кўрсатмалар берди.

Шунингдек, Миллат пешвоси  муҳтарам   Эмомали Раҳмон Душанбе шаҳри раиси Рустами Эмомали билан бирга пойтахтнинг Исмоил Сомоний ва Шоҳмансур ноҳияларида Болалар боғи ҳамда Садриддин Айний номидаги Тожикистон Давлат опера ва балет академик театри ёнидаги боғни ободонлаштириш бўйича ишларнинг бориши билан танишдилар.

Шириншоҳ Шоҳтемур кўчасидаги болалар боғи Миллат пешвоси муҳтарам Эмомали Раҳмон, Наврўзгоҳ боғи - Душанбе шаҳри раиси Рустами  Эмомали, Садриддин Айний номидаги Тожикистон Давлат опера ва балет академик театри ёнидаги боғ - Давлат моддий захиралар агентлиги раҳбари Нурмаҳмад Аҳмадзода ҳисобидан қурилмоқда. Давлат бошлиғи ушбу ва бошқа иншоотлардаги ишларнинг бориши билан танишди.

2,5 гектар майдонда жойлашган Болалар боғи Миллат пешвосининг мамлакат бахтли болалари учун муносиб совғаси ҳисобланади.

Келажакда бу ерда сайру саёҳат, истироҳат, турли маданий ва спорт тадбирларини ўтказиш учун мўлжалланган 230 ўринли амфитеатр, фавворалар, хиёбонлар, спорт майдонлари, теннис корти, шаҳмат ўйинлари учун махсус ўринлар, кафе ва бошқа иншоотлар қурилиши  кўзда тутилган.

Ушбу боғ "Душанбе шаҳри болалар ва ўсмирлар маркази" давлат муассасаси яқинида жойлашган бўлиб, келажакда бу идора болалари Давлат бошлиғи уларга яратган барча шароитлардан фойдаланишлари, осуда ва тинч муҳитда беғубор болалик гаштини суришлари мумкин.

Мамлакат Президенти қурилиш ишлари билан танишув чоғида маиший марказлар узоқ йиллар ёш авлодга хизмат қилиши учун ишларни юқори сифатда ижро этиш  топшириғини берди.

Шоҳмансур ноҳиясида Давлат бошлиғи Давлат моддий захиралар агентлиги раҳбарига Садриддин Айний номидаги Тожикистон Давлат опера ва балет академик театри ёнидаги 8 гектар ҳудуддаги боғни тўлиқ қайта тиклаш учун топшириқлар берди.

Бу ерда келажакда Миллат пешвосининг кўрсатмасига биноан, кичик футбол майдони, теннис корти, бошқа спорт майдонлари, жумладан, стол тенниси учун майдон қурилади.

Мамлакат Президентининг топшириғига кўра, театр ёнидаги боғ 2018 йилнинг 1 сентябрида умуммиллий байрам - давлат мустақиллиги куни арафасида фойдаланишга топширилади.

Эслатиб ўтамиз, жорий йилда мамлакат пойтахти - Душанбе шаҳрида минтақавий ва халқаро аҳамиятга эга бир нечта тадбир ўтказилиши назарда тутилган.

 

"Ховар" ТМАА. 

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Дарахт остидаги тилло

 

Болаларнинг севимли адиби, «Устоз бўлган шогирд», «Жоним фидо музқаймоқ», «Кўча муаллими», «Театр кўз ёш тўккан пайтда», «Муаттар» ва шу каби ўнлаб ўқимишли қиссалар муаллифи Насим Ражаб шу кунларда ўзларининг қутлуғ саксон ёшларини нишонламоқдалар.

Биз тожикистонлик барча ўзбек китобхонлари номидан устоз-адибимизни бу муборак сана билан чин дилдан табриклаб, қуйида у кишининг қаламига мансуб бир ҳикояни газетхонлар диққатига ҳавола этмоқдамиз.

Муфассал...

Улуғ тоғлар залвори…

 

Дунёда яхши инсонлар кам, деган фикрга қўшила олмайман. Чунки мен билган, таниган яхши одамларнинг фазилатларини санасам, адоғи кўринмай қолади. Бугун қайсидир буюк даҳо, олим ёки машҳур бир кимса ҳақида ёзмоқчи эмасман, аксинча, оддий, камтарин бир инсон, бутун умрини эзгуликка, фидокорликка бағишлаган, 19 ёшида отадан етим қолиб, рўзғорнинг оғир юкини бўйнига олган, жондан азиз сингилларига отасизликни билдирмай,

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
594485

ӮҚУВЧИЛАР СОНИ

2588419
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2738
3237
21861
2546984
56515
86682
2588419

Сизнинг IPнгиз: 18.206.12.79
Бугун: 19-01-2020 19:08:34

ҲАМКОРЛАР

 

 

   

2015