Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 12 Феврал 2019 Кӯришлар: 12
Печат

 

ёхуд Бирлашган Араб Амирликларида 5 январдан 1 февралгача бўлиб ўтган "Осиё кубоги-2019" турнири якунларига бир назар

futbol 2Футбол - спорт турлари орасида нуфузлиларидан бири.

Йиллар ўтиши билан "миллионлар ўйини", дея таърифланган турнинг "миллиардлар ўйини"га айланиб бораётгани, шубҳасиз.

Бирлашган Араб Амирликлари стадионларида бўлиб ўтган қитъанинг энг юқори даражадаги мусобақаси ўзининг баъзи жиҳатлари билан олдингиларидан

тубдан фарқ қилди.

Биринчидан, Осиё футболи тарихида илк маротаба мазкур турнирнинг финал босқичида 24та терма жамоа иштирок этди.

Иккинчидан, биринчи марта "Осиё кубоги" беллашувларида учинчи жой, яъни бронза медали соҳибини белгилаб берувчи учрашув ўтказилмади.

Ана шу икки нарса жорий йилги "Осиё кубоги" турнирини илгаригиларидан ажратиб турди.

Ўтказиладиган ҳар бир халқаро мусобақадан олдин унинг ғолиблари соҳа мутахассислари томонидан башорат қилинади. "Осиё кубоги" турнири ҳам бундан мустасно бўлмади.

Футбол мутахассислари турнир олдидан Эрон Ислом Республикаси, Япония, Жанубий Корея ва Австралия терма жамоаларидан иборат "сариқ қитъа" чемпионлиги учун асосий даъвогарлар рўйхатини тузиб қўйишган эди.

Афсуски, мусобақа якунлари бу башоратларнинг барчасини чиппака чиқарди.

Масалан, Осиё кубогининг амалдаги эгаси-Австралия термаси турнирнинг чорак финалидан нарига ўтолмади. Улар мусобақа мезбони-Бирлашган Араб Амирликлари футболчиларига кичик-1:0 ҳисобида имкониятни бой бериб, майдондан ташқарига чиқиб қолишди.

Турнирнинг, айнан, шу босқичида қатарликлар Жанубий Корея тўптепарлари бошига ана шундай "қора кунлар"ни солиб, бош соврин учун курашни давом эттириш ҳуқуқидан маҳрум қилишди.

Қитъа биринчилигининг энг қизғин беллашувлари турнирнинг ярим финал босқичида бўлиб ўтди десак, хато қилмаган бўламиз.

Қатар терма жамоаси мусобақа мезбони-Бирлашган Араб Амирликлари вакилларини бир неча ўн минглаб нафар мухлислари кўзи ўнгида йирик- 4:0 ҳисобида "тор-мор" этди.

Ярим финалнинг иккинчи ўйинида ҳам японияликлар йирик ҳисобдаги ғалабани қайд этишди. "Самурайлар" мусобақанинг асосий фоварити саналган Эрон термасини 3:0 кўринишидаги ҳисобда мағлуб қилиб, "кулини кўкка совуришди".

"Форслар" қитъа биринчилиги мусобақаларида бир неча бор финал босқичига чиққан бўлсалар-да, ҳеч қачон бундай шармандали ҳолатни бошдан кечиришмаганди.

Бундай қақшатқич зарбали, аламли мағлубиятга юраги дош бермаган эронликлар устози, португалиялик мутахассис Карлос Кейрушнинг истеъфога чиққани турнирнинг "шов-шув"ли воқеаларидан бирига айланди.

Шуни алоҳида таъкидлаш жоизки, Карлос Кейруш эронликларни кўплаб маротаба "Жаҳон чемпионати"нинг финал босқичига олиб чиқишга муваффақ бўлган эди.

Шундай қилиб, Осиё кубоги тақдирини ҳал қилиш, яъни финал босқичида учрашиш Япония ва Қатар термалари чекига тушди.

Бош учрашувнинг 27-дақиқасидаёқ "бадавийлар" тўрт карра Осиё чемпиони дарвозасига иккита жавобсиз тўп йўллашди. Чемпионлик матчининг биринчи қисмидаги ҳисобда ўзгариш бўлмади.

Иккинчи таймда эса, томонлар биттадан гол урди. Умумий-3:1 ҳисоби қайд қилиниб, қатарликлар манфаатига хизмат қилди.

"Осиё кубоги-2019" турнирининг якуний натижалари шуни кўрсатдики, қитъа чемпионлигига даъвогар терма жамоалар мусобақанинг турли босқичларида "синди", Қатар эса, кутилмаган чемпион бўлди.

Турнирнинг яна шу жиҳати эътиборга моликки, Қатар термаси мусобақанинг энг самарали жамоасига ҳам айланди.

Қатарликлар турнир давомида еттита учрашув ўтказиб, рақиблар дарвозасини 19 марта аниқ нишонга олишди. Ва ўз дарвозаларидан атиги битта гол ўтказиб юборишди.

Араблар ҳужумчиси Али ал-Моез ўз номига 9та гол ёзиб қўйди ва илгари эронлик Али Дайи (8та гол) томонидан ўрнатилган ҳужумчилар рекордини янгилади. У мусобақанинг энг яхши футболчиси ва тўпурари, деб топилди ва "Олтин бутса", "Олтин тўп" совринларига эгалик қилиб, 30 минг Америка доллари миқдоридаги мукофот пулига эга чиқди.

Қатар термаси дарвозабони Саад аш-Шийб эса, мусобақанинг энг яхши дарвозабони, дея тан олинди ҳамда "Олтин қўлқоп" соврини билан тақдирланди.

Ҳалол ўйин мукофоти Япония терма жамоасига насиб қилди.

Арабларнинг қитъа чемпиони бўлгани ҳечам тасоддиф эмас ёки Осиё футболининг Эрон Ислом Республикаси, Япония, Жанубий Корея ва Австралия каби гигант давлатларида спортнинг ушбу тури таназзулга юз тутаяпти, деган маънони англатмайди. Аксинча, қитъанинг бошқа мамлакатларида ҳам футболнинг тараққий этаётганидан далолатдир.

Қатар терма жамоасининг турнир ғолиби бўлгани, испаниялик футбол мутахассиси Феликс Санчеснинг бу юртга испан футболини муваффақият билан олиб киргани ва уни муносиб тарзда ривожлантира олгани билан боғлиқ.

Якун топган "Осиё кубоги-2019" турнири шуни исботладики, бугунги кунда футбол, нафақат, сайёрамизнинг Европа ва Жанубий Америка минтақаларида, балки Осиёда ҳам жадал суръатларда ривож топмоқда.

 

Абдуҳафиз МИРЗААҲМЕДОВ,

"Халқ овози"нинг спорт шарҳловчиси.

КАЛЕНДАР

« Феврал 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

МАҚОЛАЛАР

ҲУНАРЛИ ОДАМ ХОР БЎЛМАС

 

Жорий йилнинг Сайёҳлик ва халқ ҳунармандчилигини ривожлантириш йили, деб эълон қилиниши муносабати билан Панж ноҳияси қишлоқ жамоатлари, муассаса, ташкилотларида меҳнат қилаётган халқ ҳунармандлари билан учрашиб, 2018 йилнинг Сайёҳлик ва халқ ҳунармандчилигини ривожлантириш йили, деб эълон қилиниши борасидаги фикрлари билан қизиқдик.

Муфассал...

Насрдаги туйғулар

 

МУАЛЛИМА

Яқинда сизни учратиб қолдим. Ўқувчиларингиз орасида ёшариб кетгандайсиз. Сизни кўрдим-у болалигим ёдимга тушди. Дарсни:

-Болажонларим, деб бошлардингиз. Ўйинқароқ  эдик, сизни кўпинча койитиб қўйсак-да, кенг феъл, меҳрибон нигоҳ билан бизга сабоқ беришни давом эттирардингиз. Мулойим овозингиз ҳали-ҳануз қалбимда акс-адо бериб турибди. Биринчи ўқитувчимга, деб олиб борган даста гулларим  кўз ўнгимда.

Кейин йиллар ўтди. Сўнгги қўнғироқнинг жарангдор садоси юрагимизга жо бўлди. Беғубор болалик, ўсмирлик даври ортда қолди. Сиз каби устозлар дуоси билан мустақил ҳаётга дадил қадамлар қўйдик, муаллима.

Мана кеча сизни учратиб қолдим.  Ширинтой болажонларингиз атрофингизда парвона.

...Мен шу лаҳза ўз болалигим билан учрашгандай бўлдим.

 

ШАМОЛ ВА МУСИЧА

Шамолнинг қаҳри – қаттиқ. Бунча ҳам қаттиқ эсмасанг, деб ёлборарди мусича, ахир инимни бузиб, полапонларимни…

Мусичанинг илтижолари зое кетди. У бузилган уяси атрофида бир-икки айланди-да, ерга қўнди. Ўлиб ётган полапонларига боқаркан, яна гир айланди. Шамол ҳамон қутурар, хас-чўпларни турли томонларга  учирарди.

Орадан вақт ўтиб, мусича яна жўжа очди. Шамол эсарди. Энди мусича унга парво қилмайди – шамолдан панада полапонларига меҳр билан емиш улашади. Шамол қанча ғазаб отига минмасин, мусича хотиржам болаларига андармон бўлади. Тоза ҳаводан тўйиб-тўйиб нафас оларкан, мусича: -Бир вақтлар сизлардай полапонларим, акаларинг бор эди, бу шамол…- деб қўяди ғу-ғулаб. Ва панароқда ин қурганидан хурсанд бўлади. 

 

Раҳмат БЕК.

СТАТИСТИКА

Сайтга кирганлар
1
Мақолалар
689
Мақолаларни кӯрганлар сони
367327

ӮҚУВЧИЛАР СОНИ

1941173
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1149
3043
15292
1910548
36408
73014
1941173

Сизнинг IPнгиз: 34.229.175.129
Бугун: 17-02-2019 13:44:33

ҲАМКОРЛАР

 

 

   

2015