Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 18 Август 2016 Кӯришлар: 630
Печат

 

 

k ustopiriyonnБразилия пойтахти Рио-де-Жанейро шаҳрида бўлиб ўтаётган XXXI ёзги олимпиада ўйинлари мусобақалари ҳам ўзининг "экватор чизиғи"ни кесиб ўтиб, якунланиш босқичига кириб борди.

Инсоният тарихининг кейинги 120 йилдан ортиқ даври бадалида ўтказиб келинаётган бу халқаро тадбирда ёзги спорт турлари мухлислари қалбига олам-олам қувонч бағишлаш билан бирга, уларнинг кўнглини ранжитиб қўядиган кўнгилсиз воқеалар ҳам рўй бермоқда.

Хуллас, кутилган ва кутилмаган натижалар…

Сербиялик ва америкалик теннис ишқибозлари жуда катта умид билан кўз тиккан эркаклар ва аёллар ўртасида дунёнинг биринчи ракеткалари саналган Новак Жокович ва Сирена Уэлямслар олимпиаданинг дастлабки саралаш мусобақаларида имкониятларини бой бериб, тарафдорлари умидларини пучга чиқариб қўйишди.

Новак Жокович аргентиналик Хуан Мартин дел Потрога таслим бўлди, Сирена Уилямс эса, украиналик Элина Свутолина қаршилигига дош беролмади.

Олимпиада ўйинлари жараёнида спорт мухлисларининг ўз юртдошлари мувафаққиятидан мақтаниб, "ғоз юриш"ларига сабаб бўладиган қувончли натижалар ҳам қайд этиляпти.

Шулардан бири франциялик 100 килограммдан ортиқ вазн тоифасида чиқиш қиладиган дзюдочи Тедди Ринер қучган улкан зафардир. У олти йиллик мағлубиятсиз "юришидан" сўнг, мутлақ вазн тоифасида олимпиада қаҳрамони бўлди.

Америкалик афсонавий сузувчи Майкл Фелпс 23-марта олимпиада чемпионлигини қўлга киритди. Мазкур ёзги олимпиада ўйинлари мусобақалари жараёнида у бешта олтин ва битта кумуш медали соҳибига айланди.

Венгриялик сузувчи аёл Катинка Хоссу юқори натижаларга эришиб, уч марта олтин медалга эгалик қилди.

Америкалик Кэтлин Ледески эркин усулда сузиш бўйича 800 метр масофани 8,04,79 дақиқада "забт этиб", жаҳон ва олимпиада рекордини янгилади.

Ўзбекистон спорт тарихида биринчи марта аёл боксчи ёзги олимпиада ўйинларида ўз кучини синаб кўрди.

Ёзги олимпиада ўйинларида иштирок этган энг кекса спортчи янги зеландиялик Жулия Броукхэм бўлиб, у 62 ёшида от спорти бўйича ўз ватани шарафини ҳимоя қилди.

Намояндалари олимпиада ўйинларида энг кам иштирок этган давлат бу - Тувалудир, унинг бир нафар вакили Этимони Тимуани 100 метр масофага югуриш мусобақаларида иштирок этди.

Голландиялик гимнастикачи Дрий ван Гелдер маст ҳолатда мусобақаларда иштирок этгани учун олимпиада ўйинларидан четлаштирилди.

Рио-де-Жанейрода ўтказилаётган халқаро спорт тадбири олимпиада тарихида янгилик сифатида қабул қилишга арзийдиган воқеаларга ҳам гувоҳ бўлмоқда.

Ёзги олимпиада ўйинлари тарихида биринчи марта бир йўла уч нафар спортчи кумуш медалга даъвогарлик қилди. Америкалик Майкл Фелпс, Жанубий Африка Республикаси вакили Чадм Кяс ва венгриялик Ласло Чехлар 100 метр масофага баттерфляй усулида сузиш бўйича бир хил (51,14 секунд) натижа кўрсатишди ва ғолиблик шоҳсупасининг иккинчи поғонасига кўтарилишди.

Америкалик Симоне Мэниуэл ёзги олимпиада ўйинлари тарихига сузиш бўйича ғолибликни қўлга киритган биринчи қора танли спортчи бўлиб ёзилади.

Тарихий деб аташга арзийдиган муносиб воқеалардан яна бири шуки, XXXI ёзги олимпиада ўйинларида илк бор "Қочоқлар терма жамоаси" қатнашди. Ушбу жамоа таркибига ўз юртларини тарк этган ва расман қочоқ мақомига эга бўлган 10 нафар спортчи жалб қилинган бўлиб, уларнинг беш нафари кенияликлардир.

Олимпиада ўйинлари жараёнида иштирокчиларнинг саломатлигига жиддий зарар етказадиган ачинарли ҳодисалар ҳам кўзга ташланмоқда.

Голландиялик велопойгачи Анномек ван Влетен беллашувларда биринчи ўринда бораётган бир пайтда ёмғир ёққанлиги сабабли сирпанчиқ бўлган йўлкада йиқилиб тушди ва мияси чайқалиб, ғолиблик имкониятидан маҳрум бўлди.

Арманистонлик оғир атлетикачи Андраник Карапетян оғир тошни ўзига бўйсундиришга уриниши пайтида қўли тирсагидан синиб кетди.

Бразилиялик гимнастикачи Жейд Барбозани кураш майдонидан ногиронлар аравачасида олиб чиқиб кетишди…

Ёзги олимпиада ўйинлари киши кайфиятини туширадиган воқеалардан ҳам холи бўлмаяпти. Журналистлар олиб кетилаётган автобус номаълум шахслар томонидан ўққа тутилди.

Рио-де-Жанейрода Португалия таълим вазири Тиагу Брандау Родригесни тунаб кетишди…

Ёзги олимпиада ўйинлари ҳали уч кун давом этади. Бу катта халқаро спорт тадбири яна кутилган ва кутилмаган натижалар, ажойибу ғаройиб, шунинг бараварида дилни хуфтон қиладиган воқеаларга бундан-да бой бўлса, ажаб эмас…

 

Абдуҳафиз МИРЗААҲМЕДОВ, спорт шарҳловчиси.  

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

2019-2021 йиллар самарали бўлади

 

Миллат пешвоси ўзининг навбатдаги Паёмида таъкидлаганидек, 2018 йилнинг Сайёҳлик ва халқ ҳунармандчилигини ривожлантириш йили, дея эълон қилиниши халқ ижтимоий-иқтисодий ҳаётида мазкур йўналишлар аҳамиятини англашга жиддий туртки берди.

Зикр этилган масалалар ҳал этилишини тезлаштириш ва қишлоқлар инфратузилмасини ривожлантириш заруратини ҳисобга олган ҳолда, 2019-2021

Муфассал...

МОЗИЙГА АЙЛАНГАН ЙИЛЛАРГА БОҚДИМ...

 

ЗЕБОСАНАМга

Бир зебосанамга бердим дилимни,

Четда қолди мени севган дилдорлар.

Мен уни жонимдан севардим ортиқ,

Ҳажридан дилимда қолди озорлар. Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
467344

ӮҚУВЧИЛАР СОНИ

2223688
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2022
1709
3731
2208014
30680
46701
2223688

Сизнинг IPнгиз: 34.204.169.76
Бугун: 20-08-2019 19:40:17

ҲАМКОРЛАР

 

 

   

2015