Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 13 Декабр 2018 Кӯришлар: 346
Печат

 

archa 2018- Пойтахтимиз марказида ўрнатилган Янги йил арчаси, ҳақиқатдан ҳам, ҳашаматли ва гўзал бўлибди, - дейди Рўдакий ноҳияси, Фалакон қишлоғида яшовчи Даврон Ҳасанов. - Бундан ташқари, Душанбенинг тўртта ноҳиясида ҳам Янги йил арчалари безатилаётганлиги кўнгилларга қувонч улашади.

Дарҳақиқат, Душанбе шаҳри раиси Рустами Эмомалининг топшириғи билан пойтахт маркази - "Дўстий" майдонида ҳашаматли ва гўзал Янги йил арчаси

ўрнатилди. Мазкур Янги йил арчасининг баландлиги 27 метр ва эни 14 метрга тенг. Кўнгилларга қувонч олиб келувчи Янги йил рамзи 10 декабрданоқ турли ўйинчоқлар билан безатилиб, пойтахтликлар ва меҳмонларнинг севимли масканига айланиб бораётганлиги - рост. Бу жойга ташриф буюрганингизда, фуқароларнинг арчани завқ билан томоша қилишаётганлиги, гуруҳ-гуруҳ бўлиб унинг ёнида расмга тушаётганлигининг гувоҳи бўлишингиз мумкин.

Шунингдек, пойтахтнинг тўртта ноҳиясида ҳам йирик-йирик Янги йил арчалари безатилмоқда. Душанбе шаҳри раиси Рустами Эмомалининг мазкур ташаббуси кўпчиликнинг олқишига сазовор бўлмоқда.

- Милодий йил якунида Янги йил арчасини безатиш - анъана тусига кирган, - дейди пойтахтлик Мирзо Гадоев. - Янги йил кириб келишига ҳали уч ҳафта борлигига қарамасдан, пойтахтнинг турли гўшалари безатилиши фуқароларимизнинг эстетик завқини оширишга хизмат қилиши турган гап. Қолаверса, гўзал нарсалар кишида ҳамиша яхши кайфият уйғотади. Мустақиллик йилларида, айниқса, кейинги уч-тўрт йил ичида мамлакатимиз пойтахти - Душанбе шаҳрида юз бераётган ижобий ўзгаришлар, замонавий биноларнинг қад кўтариши, кўча ва хиёбонларнинг турли гуллар билан бурканганлиги, жамият нақлиётида ўрнатилаётган тартиб-интизомлар - барча-барчаси шаҳар маъмуриятининг саъй-ҳаракатлари туфайли эканлиги табиий. Ишончим комилки, Душанбе шаҳри бундан-да, обод ва гўзал бўлади.

- Жорий ойнинг бошидан шаҳар кўчаларида ўсмирлар томонидан хлопушкалар портлатилиши биз - кекса кишиларнинг безовталигимизга сабаб бўлмоқда, - дейди Улуғ Ватан уруши қатнашчиси, яккачинорлик тўқсон тўрт ёшли отахон Ҳусейн бобо Ишанов. - Бизнинг миллий урф-одатларимиз ва қадриятларимизга тамоман ёт бўлган хлопушка-ю турли пиротехник воситалар шовқини бир неча йилдан буён ўртадан кўтарилганди. Афсуски, айни пайтда онда-сонда, айниқса, кечки пайтлар уларнинг қулоқни қоматга келтирувчи ва кўнгилларга даҳшат солувчи овози эшитилмоқда. Тинчлик ва миллий бирлик асосчиси - Миллат пешвоси, Тожикистон Республикаси Президенти, халқимизнинг фидойи фарзанди муҳтарам Эмомали Раҳмоннинг саъй-ҳаракатлари туфайли ўтган асрнинг тўқсонинчи йилларида юртимизда ҳукмрон бўлган тартибсизликларга барҳам берилди. Азиз Тожикистонимизда осойишталик барқарор бўлди. Бунга шукрона қилишимиз, кўп қийинчиликлар эвазига қўлга киритилган тинчлигимизнинг қадрига етмоғимиз лозим. Бу тинчлик, осойишталикнинг қадр-қиймати ва моҳиятини ёшларимизга тўлиқ етказа олишда, энг аввало, ота-оналар, таълим-тарбия муассасалари ва биз - ёши катталар вазифадормиз. Давлатимиз сарвари ташаббуси билан 2011 йилнинг августида "Фарзандлар таълим ва тарбиясида ота-оналар масъулияти тўғрисида"ги Тожикистон Республикаси қонуни қабул қилинди. Бу қонун ҳаётимизга татбиқ этилаётганлигига ҳам яқин саккиз йил бўлаяпти. Энг аввало, ота-оналар қонун моҳиятини яхши англаб етишлари, унинг талабларини фарзандларига тушунтиришлари зарур. Китоб ўқиш, ўлкамизнинг бой маданий тарихини ўрганиш, замонавий технологияларни ўзлаштириш, хорижий тилларни ўрганиш ўрнига айрим ўсмирларнинг хлопушкалар портлашидан завқланиши миллатимиз қадриятларига тўғри келмайдиган амалдир.

Тожикистон Республикаси Ички ишлар вазирлигининг расмий сайтида тарқатилган хабарга кўра, яқинда Душанбе шаҳрида катта ҳамждаги протехник воситалар қўлга олинган. Ўтказилган тезкор-қидирув амалиёти пайтида пойтахтнинг Фирдавсий ноҳиясида балоғатга етмаган 16 ва 17 ёшли ўғил болалар ва А. Ғуломов кўчасида яшовчи 33 ёшли аёл пиротехник воситалар билан қўлга олинган. Пойтахтлик фуқаронинг уйини кўздан кечириш жараёнида 19 минг 250 дона "хлопушка" портловчи воситаси топилган ва мусодара этилган.

Шуни ҳам қайд этиш ўринлики, Тожикистон Республикаси Ҳукуматининг 1999 йил чиқарган "Пиротехник воситаларни олиб кириш ва уни сотишни тақиқлаш тўғрисида"ги қарори билан бундай воситаларни мамлакатга олиб келиш ва сотиш тақиқланган. Шунингдек, Тожикистон Республикаси Жиноят кодекси 199-моддасига биноан, пиротехник воситаларнинг ноқонуний муомаласи билан шуғулланган шахслар мазкур модданинг биринчи бобида кўрсатилганидек, "пиротехник воситаларни ноқонуний олиб келиш, сақлаш, сотиш ёки уни бошқа кишига бериш ҳисоблар учун кўрсаткичнинг 100дан 200гача бўлган миқдорида жаримага тортилади".

Афсуски, қонунчилик билан белгиланган чораларга қарамай, шахсий манфаатни кўзлаган айрим "тожир"лар ноқонуний равишда мамлакатга олиб кираётган ва қинғир йўллар билан сотувга чиқараётган портловчи воситалар фуқароларимизнинг ташвишига сабаб бўлибгина қолмай, балки кўплаб оилаларнинг бюджетига ҳам ўзининг салбий таъсирини ўтказаётганлиги табиий.

Жамиятимизда кўзга ташланаётган бундай нохуш кўринишларга қарши курашда тегишли органлар ва маҳаллий ҳокимиятларга кенг жамоатчилик ёрдам қўлини чўзиши керак. Ҳар бир ота-она ўз масъулиятини унутмаса, жамият тартиби сақланади. Ва ҳаётимиз янада гўзал бўлади.

Милодий Янги йил байрами остонасида мамлакатимиз пойтахти - Душанбе шаҳрида бунёдкорлик ва ободончилик ишлари кенг кўламда олиб борилмоқда. Демак, кириб келаётган йил ҳам ҳаётимизга янги қувончлар олиб келади…

 

Искандар МАҲМАДАЛИЕВ,

"Халқ овози".

P.S.:

Мақола чопга тайёр бўлгач, "Ховар" ТМАА расмий сайтида Тожикистон Республикаси Ички ишлар вазирлигидан берилган қуйидаги маълумот чоп этилди: "Тожикистон Республикаси Ички ишлар вазирлиги Конибодом шаҳри бўлими ходимлари ўтказган тезкор-қидирув амалиёти пайтида шаҳарнинг 36 ёшли фуқароси, "Арабо" озиқ-овқат магазинининг сотувчиси портловчи воситалар ноқонуний муомаласида гумонланиб, қўлга олинди. Сотувчи аёлдан 1 минг 560 дона "Титаник", "Трения" тамғали портловчи воситалар ва 136 дона "Снайпеш" тамғаси остидаги дастали мушаклар топилиб, мусодара этилди".

Тожикистон Республикаси ИИВ Конибодом шаҳри бўлими маълумотига кўра, портловчи воситалар ноқонуний муомаласига қўл урган аёлга нисбатан Тожикистон Республикаси Жиноят кодекси 199-моддаси, 1-қисмида кўрсатилган жиноятни содир этганликда айбланиб жиноий иш қўзғатилган.

КАЛЕНДАР

« Ноябр 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

МАҚОЛАЛАР

СУВ ЖАНЖАЛИ

 

Улар замин бошига етиб келганларида, устознинг димоғи куйди. Эккан буғдой, пиёзу сабзилари ҳали тупроқдан бош кўтармай, пажмурда бўлган эди.

Хол Машраб, Рўдакий ноҳияси раиси, бир куни устозни кўриб деди:

-Вазият оғир. Биламан, серфарзандсан. Уларни едириш, кийдириш осон иш эмас. Кел. Сенга озгина ер ажратиб бераман. Яхшигина деҳқон ҳам топаман. Нафсга эрк бермаслик туғма одати бўлган устоз дедилар:

Муфассал...

ЭЪЗОЗДА БЎЛИШ БАХТИ

 

1938 йил…

Олтин кузнинг хазонрезли кунларидан бири - 17 ноябр.

Ғўлакандоз қишлоғидаги деҳқон оиласида фарзанд дунёга келди. Ўғил…

Деҳқончилик ортидан кун кечирадиган Мирзамаҳмуд ота Ҳасанов ва Жаҳонраъно она Ҳасанова оиласидаги хушхабардан барча қариндош-уруғлару

Муфассал...

СТАТИСТИКА

Сайтга кирганлар
1
Мақолалар
817
Мақолаларни кӯрганлар сони
527553

ӮҚУВЧИЛАР СОНИ

2404492
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2095
2281
11805
2379391
30445
67884
2404492

Сизнинг IPнгиз: 100.24.115.253
Бугун: 15-11-2019 23:05:09

ҲАМКОРЛАР

 

 

   

2015