Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 08 Июн 2018 Кӯришлар: 542
Печат

 

usta 2018Қўлида ҳунари бор кишини мевали дарахтга ўхшатиш мумкин. Дарахт ўзининг мўл-кўл ҳосили, ҳузурбахш сояси-ла одамларни баҳраманд этганидек, ҳунарманд ҳам ўз ижод маҳсули билан элу юртга манфаат келтиради. Шу боисдан ҳам, ҳунармандлар барча давру замонларда эъзозда бўлганлар, халқ ҳурматини қозонганлар. Мамлакатимизда миллий ҳунармандчилик ривожига ҳар қачонгидан-да кўпроқ эътибор қаратилаётган бугунги кунда ўзининг самарали меҳнати ҳамда

бой тажрибаси билан бошқаларга ўрнак бўлаётган ҳунармандлар оз эмас. Спитаменлик моҳир уста Маҳкам Солиевни бунга мисол қилиб кўрсатиш мумкин.

usta 2018 11978 йили С.М.Киров номидаги ЛДПИ (ҳозирги академик Бобожон Ғафуров номидаги Хўжанд Давлат университети)нинг рассомчилик ва графика факултетини тамомлаган Маҳкам Солиев рассом, наққош, ҳайкалтарош, меъмор ва ўймакор уста сифатида танилган. У ҳозирда Спитамен ноҳиясидаги 22-ўрта умумтаълим мактабида меҳнат таълими ва чизмачилик фанидан ўқувчиларга дарс бермоқда. Ёшлар қалбида касб-ҳунарга меҳр уйғотиш, уларни меҳнатсевар қилиб тарбиялашда унинг хизмати катта бўляпти. Айниқса, иншоотлар лойиҳасини тайёрлаш, уйларга безак бериш, наққошлик ва ҳайкалтарошлик борасидаги сабоқлари ёшларда ижодий қобилият ва бадиий тасаввурнинг шаклланишига хизмат қилмоқда.

- Айни пайтда бир шогирдим Германияда таҳсил олмоқда. Бундан ташқари, қурувчилик ва меъморчилик соҳаларида фаолият юритаётган кўплаб шогирдларим бор, - дейди уста издошлари билан фахрланиб.

Ҳунарманд устанинг ҳайкалтарошлик фаолияти таҳсинга лойиқ. У, асосан, йиртқич ҳайвонлар ва қушлар ҳайкалларини ясаш билан шуғулланади. Унинг ҳафсала ва ўта нозиклик билан тайёрлаган ижод маҳсули ҳар қандай кишини ўзига жалб этади. “Шоҳамбари” санаторийсининг янгича қиёфа касб этишида ҳам Маҳкам Солиевнинг ҳиссаси бор. Зеро, санаторий ҳовлиси ва ичкарисидаги кенг қамровли безак намуналарига айнан у ишлов берган.

–Бир неча йил олдин Россия Федерациясининг Новосибирск шаҳрига ишга таклиф қилишди. У ерда ҳайвонот боғини безадим. Турли ҳайвонлар ҳайкаллари, сунъий ғор ва тепаликларни ясадим. Қисқаси, ҳайвонот боғининг умумий ҳолати ва кўринишини ижодий фантазиям ёрдамида бойитишга ҳаракат қилдим. Ишим маъқул бўлди, шекилли, шаҳарнинг марказий кўчасига катта ҳажмда оқ айиқ ҳайкалини ясаб беришимни сўрашди,- дейди ўз ҳунари билан русларни ҳам лол қолдирган уста.

usta 2018 2Маҳкам Солиев мамлакат жанубидаги истироҳат масканларидан бири учун Ибн Сино бюстини ясаб берганини айтади. У сўзини давом эттириб, яқин кунларда замонавий тожик адабиёти асосчиси, улуғ ёзувчи Садриддин Айний ҳайкалини яратишга киришишини таъкидлайди:

–Ҳайкалнинг ҳажми унча катта бўлмайди. Унда адиб икки ўқувчи болага ўгит бераётган ҳолат гавдаланади. Ҳайкални ҳозир ўзим ишлаётган мактабнинг киравериш қисмига ўрнатмоқчиман. Бу ишим бироз кечикиб бўлса-да, устоз Садриддин Айний таваллудининг 140 йиллигига муносиб совға бўлади.

Ноҳия марказидаги “Ваҳдат” хиёбонида яққол кўзга ташланиб турадиган давлат гербини ҳам Маҳкам Солиев ишлаган. Бундан ташқари, у бир нечта иморатлар лойиҳасини тайёрлаган, шунингдек, сиёсий арбоб, меҳнат ва уруш фахрийларининг портретини чизган. Унинг табиат манзаралари акс этган этюдлари кишига айрича завқ бағишлайди. Албатта, буларнинг барчаси ҳунарманд уста ижодининг кўламдорлигини таъминлайди.

Миллий совғаларни ясаш орқали яхшигина даромадни қўлга киритиш мумкин. Чунки юртимизга келган сайёҳлар энг кўп харид қиладиган совғалар ҳам айнан шулардир. Маҳкам Солиев бирорта ҳомий ёрдамида лойни пиширишга мўлжалланган замонавий хумдон сотиб олса, миллий қадриятларимиз акс этган митти ҳайкалчаларни ясаб сотувга чиқариш ниятида. Ҳамма гап ҳомийнинг топилишида.

Суҳбат асносида халқ амалий санъатининг жонкуяр тарғиботчиси Маҳкам Солиевдан “Сайёҳлик ва халқ ҳунармандчилигини ривожлантириш йили” доирасида амалга оширилаётган чора-тадбирларга қандай муносабатда эканлигини сўрайман. Суҳбатдошимнинг жавоби қуйидагича бўлди:

-Бир ҳунарманд сифатида бундан мамнунман. Шу ўринда бир нарсани айтмасам бўлмайди. Бугун давлат томонидан ҳунармандларни ҳар томонлама қўллаб-қувватлашга алоҳида эътибор қаратилаётган экан, менга ҳам амалий ёрдам кўрсатилиб, озгина ер ажратилса, у ерда халқ амалий санъати устахонасини ташкил қилиб, шогирдлар етиштиришни йўлга қўярдим. Чунки ноҳиямизда миллий ҳунармандчиликка қизиққан болалар жуда кўп-да. “Мени шогирдликка олинг, менга шу ҳунарни ўргатинг”,- деганлар қанчадан-қанча.

Уста ҳунарманднинг бу нияти тез кунларда амалга ошишига ишонамиз.

 

Нозимжон ЭРГАШЕВ, Спитамен ноҳияси.

Суратларда уста Маҳкам Солиев ва у киши яратган санъат асарларидан намуналар акс этган.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

БУНЁДКОРЛИК – ВАТАН ОБОДЛИГИ

 

2 апрел куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон ҳамда Душанбе шаҳри раиси Рустами Эмомали пойтахтнинг Исмоил Сомоний ноҳиясидаги Рўдакий хиёбонининг ғарбий қисмидаги боғда қурилиш ишларининг бориши билан танишишди.

Дастлаб Давлат бошлиғи Тожикистон Республикаси Ҳукуматининг шаҳар

Муфассал...

Бир жуфт нигоҳ…

 

Бир жуфт нигоҳ…

Бир-бирига масрур термулган кўзлар…

Қароғлар нам…табассумнинг соясидан…

Табассумнинг соясида икки чўғ ўзин олиб қочади, ёндиргувчи бу ўтга дош беролмай…

Муфассал...

СТАТИСТИКА

Сайтга кирганлар
1
Мақолалар
787
Мақолаларни кӯрганлар сони
470816

ӮҚУВЧИЛАР СОНИ

2233801
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1572
2019
13844
2208014
40793
46701
2233801

Сизнинг IPнгиз: 18.206.15.215
Бугун: 25-08-2019 22:47:52

ҲАМКОРЛАР

 

 

   

2015