Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 10 Сентябр 2015 Кӯришлар: 2079
Печат

 

istiqloliyatЁшлигимиздан ота-боболаримизнинг: -Мана, яна бир баҳорга эсон-омон етдик,- деган гапларини кўп эшитганмиз. Ўша пайтлар, шоир айтганидек:  -Бир қадар ёш бўлганимиз учун ҳам, ҳа, бобом омади гап, шунчаки айтдилар-қўйдилар-да, деб ўйлаган бўлишимиз мумкин. Аммо бугун “балоғат пайти етиб”, англаймизки, бу шунчаки айтилган гап эмас, бутун бошли сарҳисоб экан.

Шу биргина сўзнинг замирида ўтган баҳордан бу баҳоргача бўлган бир йил давомида юз берган воқеа-ҳодисалар хотирланар, шу муддат давомида қўлга киритилган ютуқ ва камчиликлар кино тасмасидай инсон шуурида бир-бир гавдаланиб ўтар экан...

Давлатимиз ўз мустақиллигини қўлга киритгандан сўнг, 9 сентябр ана шундай бир йиллик ютуқ ва камчиликлар сарҳисоб қилинадиган муҳим санага айланди. Мустақиллик куни назарда тутилиб, байрамдан байрамгача, деган ибора ҳам кенг ишлатила бошланди. Агар ҳар бир инсон туғилган куни ёки қутлуғ ёши арафасида ўз ҳаёти сарҳисобини хаёлидан ўтказса ёки ёр-дўстлар унинг ҳаётда эришган ютуқ ва камчиликларига баҳо беришса, Мустақиллик куни арафасида ёш давлатимизнинг босиб ўтган йўли, қўлга киритган ютуқлари хаёлимизни банд этади.

Дарҳақиқат, давлатимиз мустақиллигининг 24 йиллиги арафасида ўтган бир йиллик муддатни хаёлдан ўтказсак, бунёдкорлик ва ободончиликнинг ранг-баранг ютуқлари кўзга ташланади.

Тарих дарёсининг бир тўлқини мисол ўтган шу бир йил ичида минглаб километр йўллар қайта қурилди, юз гектарлаб боғлар яратилди, юзлаб иншоотлар қад ростлади. Қишлоқлар, посёлкалар ва ҳатто, мустақил мамлакатимиз тарихида илк бор Сайҳун мисол шаҳарчалар бунёд этила бошланди...

Буларнинг ҳаммаси тинчлик, тўқлик ва фаровонлик  натижасидандир. Юртдаги фаровонлик яна бир ҳолатда яққол намоён бўлади. Бу бозорларимизда! Сотувчи билан харидор юз кўришадиган макон – бозорга ҳар бир киши бир юмуш билан тушади. Бозорларимиз ҳамиша гавжум. Ҳаёт қайнайди. Айниқса, қишлоқ ҳаётини бозорсиз тасаввур этиб бўлмайди. Бутун бошли оиланинг етти кунлик тирикчилиги ҳафтада бир бўладиган бозор билан чамбарчас боғлиқ. Бугунги кунда ҳар бир қишлоқ бошида бир бозорнинг амал қилиши ҳам мустақиллик шарофати ила. Мустақиллик бизга тенгсиз имкониятлар берди. Мустақил Тожикистон тарихи, деб номланган дафтарнинг ҳар бир варағи – истиқлолиятимизнинг ҳар бир йилини муносиб нақшлар ила безаш эса, ўз қўлимизда!

istiqloliyat 1Истиқлолиятнинг 23 йиллигидан 24 йиллигигача бўлган фурсат орасида юртимизнинг шаҳру ноҳияларида бунёд этилаётган юзлаб халқ ва жамият учун муҳим иншоотлар қатори  Хўжанд-Fафуров магистрал йўли ёқасида ҳам яна бир янги «Ваҳдат» номли бозор қуриб, битказилди.

Мамлакат Ҳукуматининг иқтисодий сиёсат йўналишидаги оқилона  мақсадларидан бири кичик ва ўрта ишбилармонлар учун қулай шароит яратиш, маҳсулотнинг эркин сотилиши ва шу асосида иқтисодиётни ривожлантириш ҳамда иш жойлари яратиш бўлиб, ушбу йўналишда арзирли ишлар амалга оширилмоқда.

Қарийб тўрт гектар майдонни эгаллаган  «Ваҳдат» бозорининг қурилишидан асосий мақсад мамлакатда саноат ва қишлоқ хўжалиги маҳсулотлари савдосини йўлга қўйишга алоҳида эътибор қаратилаётганлигидандир.

«Фароз» ёпиқ типдаги ҳиссадорлик жамияти томонидан янги қурилган ушбу бозорда икки қаватли маъмурий бино, 130 та қурилиш материаллари магазини, 300 та шундай нуқталар, 2 та замонавий ошхона, пайвандлаш цехи, ёнилғи сотиш нуқтаси, машиналар турар жойи ва техник назорат нуқтаси мавжуд бўлиб, ходимларнинг сифатли иш фаолиятини кузатиш учун 58 та назорат видео камералари ўрнатилган.

Шунингдек, аҳолига баланд сифатли маиший хизмат кўрсатиш ва одамларнинг узоғини яқин, оғирини енгил қилиш мақсадида бозор ҳудудида «Амонатбонк», вилоят атроф-муҳитни ҳимоялаш бошқармаси, ижтимоий суғурта ва нафақа агентлиги бошқармаси хизмат кўрсатиш хоналари ташкил этилган бўлиб, «Равзанаи ягона» («Ягона дарича») усулида фаолият олиб боради.

Масъулларнинг айтишларича, янги қурилган «Ваҳдат» бозори тўлиқ ишга тушиши баробарида бу ерда 1000 нафардан ортиқ ҳамюртларимиз қулай шароит ва яхши маошли доимий иш ўринларига эга бўлишади.

Юртимизда бозорларнинг ва турли-туман хизмат кўрсатиш ва савдо марказлари сонининг кундан-кунга ортиб бораётгани Истиқлолият берган кенг имкониятлар туфайлидир.

Истиқлолият мислсиз имкониятлар бераётганлиги сир эмас. “Ваҳдат” бозори Истиқлолиятнинг 24-йили бўсағасида эришилаётган ютуқларнинг “хамир учидан патири”. Истиқлолиятнинг бир ёки бир неча йилида юртимизда юз йилликлар давомида эришилмаган ютуқларга эришилаётганлигини инобатга оладиган бўлсак, бу юртнинг келажаги нақадар порлоқ эканлигини англагаймиз.

 

Озод МЕЛИБОЕВ,

“Халқ овози”.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Август 2025 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

МАҚОЛАЛАР

ХАЛҚЛАР ДЎСТЛИГИ КУЙЧИСИ

 

Ҳасанбой Ғойиб жуда сермаҳсул шоир ва публицист. У йигирма йилдан ортиқ ижодий фаолияти давомида саккизта китоб нашр этиб, бадиий сўз ихлосмандларига тавсия этган. Шунингдек, унинг мақола ва қиссалари доимий равишда «Халқ овози» республика газетаси ҳамда маҳаллий матбуотда чоп этилиб келинади. Унинг шеър ёки насрда ёзган ҳар бир мисраси Ватан, Тожикистон, она, яхшилик, хайрихоҳлик, қадр, бирлигу жипслик, ватанпарварлик фахри каби

Муфассал...

Дарахт остидаги тилло

 

Болаларнинг севимли адиби, «Устоз бўлган шогирд», «Жоним фидо музқаймоқ», «Кўча муаллими», «Театр кўз ёш тўккан пайтда», «Муаттар» ва шу каби ўнлаб ўқимишли қиссалар муаллифи Насим Ражаб шу кунларда ўзларининг қутлуғ саксон ёшларини нишонламоқдалар.

Биз тожикистонлик барча ўзбек китобхонлари номидан устоз-адибимизни бу муборак сана билан чин дилдан табриклаб, қуйида у кишининг қаламига мансуб бир ҳикояни газетхонлар диққатига ҳавола этмоқдамиз.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2178515

ӮҚУВЧИЛАР СОНИ

8551057
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
5538
3144
19145
8510082
105036
94590
8551057

Сизнинг IPнгиз: 216.73.216.118
Бугун: 29-08-2025 19:12:27

ҲАМКОРЛАР

 

 

   

2015