Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: БОШ САҲИФА
Чоп этилган 16 Июл 2015 Кӯришлар: 48719
Печат

 

indiya13 июл куни Тожикистон Республикаси Президенти Эмомали Раҳмон Миллат қасри ёнида мамлакатимизга давлат ташрифи билан келган Ҳиндистон Республикаси Бош вазири Нарендра Модини қабул қилди.

Учрашув маросими бошланишидан аввал икки мамлакат давлат мадҳиялари янгради.

Учрашув расмий маросими давомида Тожикистон раҳбари Эмомали Раҳмон ва Ҳиндистон Бош вазири Нарендра Моди икки мамлакат расмий делегациялари билан танишишди.

Тожикистон ва Ҳиндистон дўстона муносабатларини мустаҳкамлаш ва ўзаро фойдали ҳамкорликларини кенгайтириш билан боғлиқ масалалар муҳокамаси Тожикистон Республикаси Президенти Эмомали Раҳмон ва Ҳиндистон Бош вазири Нарендра Модиларнинг тор доирадаги учрашувларида, сўнгра делегациялар иштирокидаги расмий сўзлашувларда давом этди.

Ҳиндистон Республикаси Бош вазири Нарендра Модини илиқ кутиб олган Давлат бошлиғи Эмомали Раҳмон икки дўст мамлакат муносабатлар даражаси ва мазмунидан қониқиш билдирди.

Ҳиндистон Бош вазири ўз мамлакати ташқи сиёсатида Тожикистоннинг нуфузини ҳисобга олган ҳолда, ўзининг юртимизга давлат ташрифи икки мамлакат муносабатлари мустаҳкамланиши ва ривожланишида муҳим рол ўйнашига ишонч билдирди.

Қарийб 60 та ҳукуматлараро ва идоралараро ҳужжатлардан ташкил топган Тожикистон ва Ҳиндистон ўртасидаги ҳамкорликнинг шартнома-ҳуқуқий асосларидан қониқиш изҳор этилди.

Амалдаги ҳужжатларни самарали амалга ошириш ва ўзаро фойдали алоқаларни келгусида кенгайтириш мақсадида савдо-иқтисодий ва илмий-техник ҳамкорликлар бўйича ҳукуматлараро қўшма комиссияси фаолиятини жонлантириш муҳимлиги қайд қилинди. Сиёсат, хавфсизлик ва энергетика соҳаларидаги самарали ҳамкорликлар натижалари ҳақида эслатилар экан, савдо-иқтисодий ва сармоявий алоқаларнинг янада кенгайиб бораверишига ишонч билдирилди. Ишлаб чиқариш қўшма корхоналари ташкил этиш ва ҳинд компанияларининг Тожикистон сармоявий лойиҳаларини амалга оширишдаги иштироки иқтисодий алоқаларни кенгайтириш йўлларидан бири сифатида айтиб ўтилди.

Асосий эътибор минтақавий ҳамкорликларни ривожлантириш, жумладан, Марказий ва Жанубий Осиё давлатлари минтақавий энергетик ва транспорт тармоқларини бирлаштиришга йўналтирилган йирик миқёсли транспорт-энергетик лойиҳаларни амалга оширишда иштирок масалаларига қаратилди.

Бундан ташқари, хавфсизлик ва мудофаа, жумладан, биргаликда терроризм ва экстремизмга қарши кураш йўлидаги ҳамкорликларни мустаҳкамлаш суҳбат бош мавзусига айланди.

Шунингдек, бир қатор минтақавий ва дунё масалалари юзасидан ҳам мазмунли суҳбат қурилди.

Олий даражадаги учрашув ва сўзлашувлар охирида турли, жумладан, сиёсат, маориф ва маданият соҳаларида учта янги келишув имзоланди.

Хусусан, Тожикистон ва Ҳиндистоннинг шерикчиликни кенгайтириш тўғрисидаги қўшма баёноти; 

Тожикистон Республикаси ва Ҳиндистон Республикаси Ҳукуматлари ўртасида Тожикистон ўрта умумтаълим муассасаларида компютер лабораториялари ташкил этиш тўғрисида меморандум алмашиш ҳақидаги келишув;

Тожикистон Республикаси Маданият вазирлиги ва Ҳиндистон Республикаси Маданият вазирлиги ўртасида 2016-2018 йиллар маданият ва санъат соҳасида ҳамкорликлар дастури шулар жумласидандир.

Таъкидлаш жоизки, бу ҳужжатларнинг имзоланиши икки мамлакат кўп қиррали ҳамкорликларини кенгайтириш фойдаланилмаган имкониятларини амалга оширишда зарур ва муҳим қадамлардан бирига айланади.

Матбуот анжумани чоғида Эмомали Раҳмон ва Ҳиндистон Бош вазири Нарендра Моди учрашув ва сўзлашувлар якуни, икки дўст мамлакат муносабатлари истиқболига юқори баҳо беришди.  Хусусан, икки мамлакат раҳбарияти ўртасида олий даражадаги ишонч таъминлангани ҳамда икки томонлама ва кўп қиррали муносабатлар босқичма-босқич кенгайиб бораётгани қониқиш билан қайд қилинди.

 

«Ховар» ТМАА.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Эмомали Раҳмон ва ёшлар йили

 

 (Давоми. Бошланиши ўтган сонларда)

26 октябр куни Тожикистон Республикаси Президенти республика Ҳукуматининг стратегик мақсадларидан бири – мамлакатни коммуникацион боши берк кўчадан чиқаришга ёрдам бериш ва бунга тез муддатда эришиш мақсадида “Душанбе-Қўрғонтепа” автомобил йўлининг қайта қурилиши лойиҳаси билан танишиб, қурилиш ишларини бошлаб берди.

Муфассал...

Парвиз Шаҳчароғий: - Тожикистонда ҳам «тақия» қилишларига йўл қўйманг!

 

ёки нега улар наздида ҳижоб байроқ кабидир?

Таниқли журналист Бахтиёр Ҳамдамнинг маърифатли ва ҳур фикрли шахс, Канада фуқароси жаноб Парвиз Шаҳчароғий билан сиёсат ва дин, бузғунчилик илдизларининг пайдо бўлиши, мутаассибликнинг халқ онгидан жой олиши каби масалалар атрофида уюштирган суҳбатини сиз, азиз муштарийлар, эътиборига ҳавола қилмоқдамиз.

-Жаноб Парвиз Шаҳчароғий, Тожикистон Республикасига хуш келибсиз. Дастлаб Тожикистон ҳақидаги таассуротларингизни билмоқчиман. Эсимда, бундан ўн йил олдин

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2621702

ӮҚУВЧИЛАР СОНИ

10390394
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
4022
3713
33010
10316547
125906
161581
10390394

Сизнинг IPнгиз: 216.73.217.43
Бугун: 22-11-2026 20:09:37

ҲАМКОРЛАР

 

 

   

2015