Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 14 Май 2015 Кӯришлар: 838
Печат

 

ota izidan1977 йилнинг баҳори. Ёвонлик мулло Омон Кароматов оиласи ҳозирги Хуросон ноҳиясининг «Ғаллаобод» жамоатига қарашли Меҳнатобод қишлоғига кўчиб келди.

Ерга меҳр қўйган мулло Омон ўша вақтдаги «XXIV-партсъезд» совхозидан ижарага ер олиб пахта, пиёз ва  бошқа қишлоқ хўжалик экинларини экиб,  мўл ҳосил олгач,бошқалар хўжалик юритишнинг бу усули деҳқон учун манфаатли эканини англашди.

Ёвонда ҳам «ижара»нинг катта нонини  еб ўрганган одам бу ерда ҳам бошқаларга ибрат бўлди.

Маҳалла масжитида имомлик  қилиб, халқни ҳақ йўлига ва ҳалол меҳнатга руҳлантиргани ҳурмат-эътиборини янада зиёда қилди.

У киши рўзғор юритиш, болалар тарбиясида ҳам намуна эди. Турмуш ўртоғи  «Қаҳрамон она» Кўкай опа билан бирга баракали умри азизи давомида 11 нафар фарзанд (6 ўғил ва 5 қиз)ни оқ ювиб, оқ тараб вояга етказди. Уларга касб-хунар, маълумот олиш шароитини яратди.

Болаларни уйли-жойли қилгач, 2004 йили аввалига ўзи, кейин орадан беш йил ўтиб умр йўлдоши билан ҳаж зиёратига бориб, ҳалол меҳнат самараси эзгулик эканини қишлоқ аҳлига яна бир бор исботлади.

1994 йили тиббиёт олийгоҳининг стомотология факултетини битиргач, тўнғич ўғиллари Раҳмонқул ноҳияда тиш духтури бўлиб меҳнат қилмоқда. Олий тоифали мутахассис.

Иккинчи ўғиллари Раҳимқул ёшлигидан диний таълимни тўлиқ  эгаллаб, бугун маҳалла масжитида имом – отанинг жамоатчилик вазифасини қўлидан олди. Бундан ташқари деҳқон  хўжалиги механизатори, моҳир ошпаз ва пайвандчи ҳам. «Қўлни ишга, юракни ёрга» берган тақволи кишилардан бири

Укаси Абдусалом унга ҳар ишда ёрдамчи, маслаҳатчи.

Отанинг кейинги ўғиллари Абдураҳмон  ва Абдумўмин Россияда меҳнат муҳожирлиги билан машғул.

Раҳмонқулнинг тўнғич ўғли Абдуғаффор Осимий номли политехника университетининг бешинчи босқичида ўқийди, кичиги Абдуманнон эса, отасига ўхшаб шифокор бўлмоқчи. У - учинчи курс талабаси.

2008 йили колхоз ва совхозлар парчаланиб кичик-кичик деҳқон хўжаликларига бўлиниб кетаётган вақтда Абдусамад ака ва укалари маслаҳати билан 7 гектар ерни ажратиб падари бузрукворлари шарафига «Мулло Омон» номли деҳқон хўжалигини туздилар.

Кароматовлар оиласидаги тотувлик, ҳамжиҳатлик билан бир ёқадан бош чиқариб меҳнат қилиш ўз самарасини кўрсатмоқда. Уларнинг деҳқон хўжаликлари пахта ва бошқа қишлоқ хўжалик экинларидан юқори ҳосил олиб Хуросон ноҳиясида пешқадамлар сафидан ўрин  олган. Қатор  йиллардан буён «Мулло Омон» деҳқон хўжалиги намуна сифатида танланиб  семинарлар ўтказилиб, унинг илғор тажрибалари оммалаштирилмоқда.

Бу деҳқон  хўжалиги билан яқиндан танишиш учун борганимизда, Хўжамастон тоғидан кўтарилган қуёш ўз заррин нурларини энди соча бошлаганди. Оқ, пушти  ва қизил рангда товланаётган дарахт гуллари ажиб бир манзарани намоён этар, эрта бўлишига қарамасдан кенг далада иш қизғин эди.

Хўжалик аъзолари Адолат, Улфатой, Орзигул, Махсумой ва Ойбаҳорлар кузги картошка чопиғи билан машғул.

Ишбоши Абдусамад акаси Раҳмонқул билан пайванд қилинган дарахтларни кўздан кечирар, хўжаликнинг пахта экинига ажратилган қисмида механизатор Раҳимқул «Т-28» трактори билан ишлов бермоқда.

Биз билан суҳбатда «Мулло Омон» деҳқон хўжалиги раиси Абдусамад Кароматов шундай деди:

-«Бузрукворимиз мулло Омон ҳазратлари нафақат уламо, балки, ҳақиқий деҳқон эдилар. Мен отам изидан бориб бир неча йилдан бери шу деҳқон хўжалигини бошқариб келмоқдаман. Ака-укаларим яқиндан ёрдам қўлини чўзиб турибдилар. Катта акам шифокор бўлишига қарамасдан, дарахтларнинг янги-янги навларини пайванд қилишга ҳам уста. Мана, кўриб турганингиздек барча дарахтлар пайвандланган. Бу - акамнинг иши. Деҳқон хўжалигимиз 7 гектардан иборат бўлиб, 1 гектари боғ, 3 гектари полиз экинлари учун ажратилган ва қолган 3 гектарига «флора» навли оқ пахта уруғини қадашни режалаштирдик.

Сифатли шудгор, сара уруғ, кетма-кет ишлов беришга қатъий риоя қилиб, минерал ва маҳаллий ўғитлардан меъёрида фойдаланиш ҳамда заҳарли химикатлар ўлчамини билишлик, қишлоқ хўжалиги экинларидан юқори ҳосил олишнинг асосий омиллари деб биламан.

Ўтган йили пахтадан мўл ҳосил  олиб яхши натижаларга эришдик. Жорий йилда пахта ҳосилдорлигини 35 центнерга етказиш ниятидамиз.

Масъулиятни ҳис қилиб, эл фаровонлиги йўлида тинмай меҳнат қилаётган бундай азамат-фидойи деҳқонларга каттадан-катта муваффақиятлар тилаб хайрлашдик.

 

Тоғаймурод Бадалов,

Хуросон ноҳияси, Ғаллаобод жамоати.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ҲАЁТНИ СЕВИБ ЯШАГАН АЁЛ

 

Шаҳристон ноҳияси ўзининг такрорланмас манзараси, тоза ҳавоси, бағрикенг, меҳнаткаш халқи билан алоҳида ажралиб туради. Шоира, журналист, ёзувчи Тўтинисо Юсуфбекова ана шу гўзал юртнинг фарзанди. У 1948 йил 22 апрелда Юсуфбек Каримқул ўғли ва Хонпошшо Шодибек қизи оиласида дунёга келган. Уларнинг оиласида беш нафар фарзанд-тўрт ўғил бўлиб, Тўтинисо оилада ягона қиз эди.

Муфассал...

ҚАЛДИРҒОЧОЙ, КЕЛ, БИТАЙИН ҚАНОТИНГГА БАЙТ…

 

Ижод аҳли орасида Султон Чори тахаллуси билан танилган Нодирсултон Махатов бетакрор овози, нафис шеърияти билан ўз ўрни, мақомига эга. Султон Чори шеърлари дарё каби тўлқинланиб, кишини ҳайратга солади. Шунинг учун ҳам, унинг шеърларини қайта-қайта ўқигингиз келаверади. Шоир шеърлари кўнгилларга қуйилиб, руҳиятга олам-олам қувонч, соф туйғу, орзу бағишлай олишига шубҳа йўқ.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465642

ӮҚУВЧИЛАР СОНИ

2218606
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
657
1417
10592
2199519
25598
46701
2218606

Сизнинг IPнгиз: 3.226.251.81
Бугун: 18-08-2019 10:04:42

ҲАМКОРЛАР

 

 

   

2015