Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 24 Август 2017 Кӯришлар: 1827
Печат

 

Ёхуд  жонфидо  аскарнинг  эзгу  амали  ҳақида

baxtovar 2017Инсон қаҳрамон бўлиб туғилмайди. Йиллар давомидаги дуруст тарбия уни қаҳрамон қилиб вояга етказади. Юрагида Ватанга, халққа, инсонга меҳру муҳаббати кучлилар қаҳрамонона амалларни содир этишга қодир бўладилар…

Бахтовар Азимов мустақил Тожикистонимизнинг ор-номусли йигитларидан бири эди. У ўз ихтиёри билан жорий йилнинг баҳорги чақириғи пайтида ҳарбий комиссариатга келди.

Она-Ватанга хизмат қилиш истагини оқ, оппоқ қоғозга ёзилган аризада баён этди.

Ҳарбий комиссариат ходимлари юрагида Ватан ишқи ёнган бу йигитнинг аризасини қабул қилишди. Тиббий кўрикдан ҳам муваффақият билан ўтди. У ҳам руҳан, ҳам жисмонан ҳарбий хизматни ўташга лойиқ, деб топилганди. Бахтоварга тенгқурлари қаторида ҳарбий хизматга жўнаш имконияти чексиз қувонч бағишлаганди…

Ўша машъум кунгача Бахтовар Азимов Тожикистон Республикаси Миллий хавфсизлик давлат комитетининг Чегара қўшинлари ҳарбий қисмида тўрт ой ҳарбий хизматни ўтади…

Жорий йилнинг 4 августи. Ўша куни ҳаво ниҳоятда иссиқ эди. Сомониён қишлоғининг гўдаклари эрталабки соат 8-9ларда, аллақачон, лиммо-лим тўлиб оқаётган  канал ёнида ўсган азим чинорнинг соясига тўпланишганди. Саратон қуёшининг ўткир нурларидан қочган болалар катта дарахт соясида бўлишларига қарамай, кўзларини каналнинг муздек зилол сувидан узолмас эдилар.

Каналнинг у томонидан хўжаликларнинг экин майдонлари, ундан-да нарироқда эса, қишлоқнинг пода боқиладиган даштлари ястаниб ётарди. Худди шу жойда канал устидан кўприк қурилган бўлиб, унинг нариги четида ҳарбий қисмнинг назорат пункти жойлашган.

Ўша куни назорат нуқтасида ҳарбий қисмнинг аскарлари Бахтовар Азимов ва Ҳаитбой Жалиловлар навбатчилик қилишарди. Ўз ҳарбий бурчларини садоқат ва зийраклик билан ўтаётган бу икки ёш аскарнинг диққатини қишлоқ болаларининг ўйинлари, уларнинг самимий қувончлари тортмай қолмасди, албатта. Эҳтимол, мустақил юртимизнинг бахтиёр болаларини кузатиб, аскарлар ўзларининг беғубор болаликларини эслаган бўлишса. Ҳар ҳолда улар ўзларидан 20-25 қадам узоқдаги болаларга онда-сонда кўз ташлаб қўйишарди. Ўйинқароқ болалар орасида 11 ёшли Меҳрубон ҳам борлигини улар ўша лаҳзада билишмасди…

- Бобо, бобожон… - ёш боланинг хавотирли ёрдамга чорлаган овози аскарларнинг диққатини тортди. Улар кўприк тепасига чопиб келишди. Каналнинг ғалаёнли суви болакайни бағрига олиб, аллақачон, кўприк тагидан олиб ўтаётганди. Кўпириб оқаётган сувда унинг боши гоҳ кўринар, гоҳ сув тагида кўринмай қоларди. Буни кўрган Бахтовар Азимов ҳеч иккиланмай, ўқдонни белидан ечиб, устига автоматини қўйди-да, ўзини каналга отди. Каналнинг ҳаётбахш суви қонсирагандек эди. Зудлик билан болани тўлқинлар гирдобидан тортиб олган Бахтовар уни соҳил сари улоқтирди. Чунки Панж дарёсининг муздек сувида кийимлари оғирлашиб, сузиш тобора мушкуллашаётганди. Бахтовар соҳилга томон яқинлаша олмади. Уни кўпириб оқаётган дарё суви ўз комига тортаётганди. Хизматдоши Ҳаитбойнинг уни қутқаришга уринишлари зое кетди. Ўша лаҳзаларда каналда ғалаён кўтариб оқаётган сув ўн гулидан бир гули очилмаган Бахтоварнинг жонига қасд қилган кўринарди. Ҳодисадан хабар топиб, бу ерга етиб келганлар ҳам иложсиз эдилар. Бахтовар сув юзида кўринмас, қонхўр дарё унинг танасини ўз комига тортганди…

Бу шум хабар тезда Мир Саид Али Ҳамадоний ноҳияси раиси А. Вализодага етиб келди. Раис вилоят раиси Д. Гулмаҳмадзода ҳамда тегишли органларни бу воқеадан воқиф этиб, ҳодиса жойига етиб келди. Зудлик билан таъсис этилган штаб аъзолари ва Сомониён қишлоғи аҳли Бахтоварнинг жасадини излашга тушдилар. Вилоят раиси Д. Гулмаҳмадзода топшириғи билан канал суви қуритилди. Канал ичи уч марта қайта-қайта кўздан кечирилгач, кечки соат тўртларда Бахтоварнинг жасади қумлар орасидан топилди…

Оддий аскар Бахтовар Азимовнинг жўмардларча рафтори, унинг кўрсатган қаҳрамонлиги барчанинг олқишу таҳсинларига сазовор бўлди. Қаҳрамон аскарнинг жасади ҳарбий оркестр кузатувида туғилиб-ўсган жойи – Кўлоб шаҳрига келтирилди ва тупроққа топширилди.

- Мен деярли ҳар куни аскарларнинг ёнига борардим, улар билан ҳазил-мутойиба қилардим, - деб эслайди ўша машъум кунни 90 ёшли Рамазон Назаров. – Бахтсиз ҳодиса юз берган ўша кун эрталаб аскарлар ҳолидан хабар олдим. Уларга ўзим учун аскарлик шими топилмайдими, деб ҳазиллашдим. Кейин уйга келдим. Бир пайт неварам чопиб келиб, ўзининг сувга тушиб кетганлиги ва аскар бола уни қутқарганлигини ҳаяжон билан сўзлаб берди. Шошилиб ҳодиса жойига етиб келдим. Афсуски, кечиккандим. Шундай жасур ва меҳрибон фарзандни тарбиялаб, вояга етказган ота-онага минг раҳмат. Ўша жонфидо аскарни неварам - Меҳрубонни ўлимдан қутқарганлиги учун бағримга босиб, юзларидан ўпа олмаганлигимдан қайғуга ботаман. Кеча-кундуз унинг ҳақига дуо қилишдан ўзга иложим йўқ. Аллоҳнинг марҳамати Бахтоварга насиб айласин…

Ҳа, Бахтовар Азимов Ватан, элу юрт олдидаги қасамига содиқ қолди. Ўз жонини фидо айлаб, ўзга инсонни ўлимдан нажот берди. Бахтовар Азимовнинг бу қаҳрамонона амали мустақил юртимиз ёшлари учун ўрнак бўлишга арзийди. Эзгу амалларнинг умри боқий бўлади!

Т. ИБРОҲИМОВ,

И. МАҲМАДАЛИЕВ,

Мир Сайид Али Ҳамадоний ноҳияси.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Апрел 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

МАҚОЛАЛАР

Шонли етти йил самараси

 

Ёхуд "Тожикистон ва жаҳон" кўрсатувига оид мулоҳазалар

Азиз Ватанимиз мустақилликка эришгандан сўнг, барча соҳаларда юз бергани каби оммавий ахборот воситалари жабҳасида ҳам улкан ўзгаришлар юз берди. Истиқлолиятнинг илк йиллариданоқ мамлакатимизда Ҳукумат нашрияларидан ташқари хусусий газета-журналлар нашр этила бошланди. Шунингдек, мамлакат ахборот муҳитида бир қатор радиотўлқинлар мавж ура бошлади. Юз бераётган ўзгаришлар бошида Тинчлик ва миллий бирлик асосчиси

Муфассал...

Янги кадрлар президент қабулида

 

18 сентябр куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Тоғли Бадахшон мухтор вилояти раиси ўринбосарлари, Тоғли Бадахшон мухтор вилояти суд ва ҳуқуқ тартиботи органларида масъулиятли ва раҳбарлик лавозимларига тайинланган кадрларни қабул қилди.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2074543

ӮҚУВЧИЛАР СОНИ

8069048
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2314
2794
10588
8024732
8138
108045
8069048

Сизнинг IPнгиз: 3.21.166.125
Бугун: 03-04-2025 22:54:04

ҲАМКОРЛАР

 

 

   

2015