Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 09 Март 2018 Кӯришлар: 879
Печат

 

prezidentlar 2018ДўстликЯратганнинг бандаларига кўрсатган энг улуғ инояти

Дўстликни ардоқлаб, қадрига етган инсон ҳам, халқ ҳам шон-шуҳрат топади. Шарафларга кўмилади…

Дўстлик бобида тожик ва ўзбек миллатларини ҳеч иккиланмай, Аллоҳнинг назари тушган халқлар, деб аташ мумкин. Чунки қондошу жондош,

дилдошу диндош бўлган халқлар ўртасидаги қудратли дўстликнинг тарихи узоқ ўтмишга бориб тақалади.

Бу халқлар дўстлиги ернинг остида илдизлари, ернинг устида шохлари чирмашиб кетган икки улкан чинорни эслатади.

Аслида, ҳаёт ҳақиқати ҳам шундай: қардош икки миллатнинг пийри комиллари Нуриддин Абдураҳмон Жомий ва Низомиддин Мир Алишер Навоийларнинг меҳр-оқибат, муҳаббатдан яралган абадий дўстликлари, ҳали-ҳануз ўз қийматини йўқотган эмас.

Аксинча… Янада гуллаб-яшнаб, мустаҳкамланишнинг янги поғонасига кўтарилмоқда.

Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмон ўз чиқишларидан бирида шундай деган эди:

- Тарихда тожигу ўзбек халқлари каби қондош, жондош бўлиб кетиш ҳолати жуда кам учрайди. Марказий Осиёнинг энг қадимий халқлари бўлган миллатларни мустаҳкам дўстлик ва қариндош-уруғчилик муносабатлари бир-бирига янада яқинлаштиради…

Бизнинг анъаналаримиз, урф-одатларимиз ва ҳатто, феъл-атворимиз - бир хил. Ҳеч иккиланмай, муболағасиз айтиш мумкинки, икки қўшни мамлакат ташқи сиёсатида очиқ эшиклар усулининг кенг татбиқ этилиши ҳамда замонавий руҳдаги янгича қараш ва муносабатларнинг юзага келиши ўлароқ, халқларимиз ўртасидаги жонажон дўстлик равнақининг олий чўққисига элтувчи давр бошланди, иншооллоҳ.

Бунинг дебочаси сифатида, ҳар икки давлатда ўтказилган маданият кунлари ва саноат маҳсулотлари кўргазмаларини қайд этиш мумкин. Бундан ташқари, Душанбе-Тошкент йўналишлари бўйича ҳаво алоқаларининг ўрнатилиши, Хатлон-Термиз темир йўлларининг қайта тикланиши, темир йўл транзити бўйича тарифларнинг пасайтирилиши, Тожикистон-Ўзбекистон чегарасидаги мавжуд назорат-ўтказиш нуқталарининг ўз фаолиятини қайта йўлга қўйиши, томонларнинг электр энергияси, табиий газ экспорти борасидаги келишувларнинг амалга ошаётгани, мамлакатлар пойтахтларида савдо уйларининг очилиши ҳам фикримизнинг далили бўла олади.

Яқинда ўзи олиб бориши зарур бўлган ташқи сиёсат ҳақида гапириб, Ўзбекистон Республикаси Президенти Шавкат Мирзиёев шундай деган эди:

- Биз Тожикистон билан катта-катта шартномаларга қўл қўйиб, темир йўлни ҳам очамиз, электр энергияси узатишга келишиб олдик. Бошқа-бошқа масалалар ҳам шундай.

Ҳамма ўтади, бу дунёдан, аммо қўшни билан ёмон бўлганни ҳеч ким кечирмайди…

Дарҳақиқат, қўшни давлат сарвари башорат қилганидек, ишлар олдинга силжий бошлади.

Жорий йилнинг 10 январ куни Ўзбекистон Республикаси Бош вазири Абдулла Арипов расмий иш сафари билан мамлакатимизга ташриф буюрди.

Икки давлат бош вазирлари иштирокида Тожикистон пойтахти – Душанбе шаҳрида ўтказилган савдо-иқтисодий ҳамкорлик ҳамда давлатлар чегараларини делимитация ва демаркация қилиш масалаларига бағишланган ҳукуматлараро комиссиянинг мажлиси самара бобида истиқболли ўтиб, чегара масалалари тўлиқ ижобий ҳал қилинди.

Тожикистон Республикаси Президенти муҳтарам Эмомали Раҳмон ва Ўзбекистон Республикаси Бош вазири Абдулла Арипов ўртасидаги мулоқотнинг ҳам ўзаро тушуниш ва дўстона муҳитда ўтганлигини алоҳида таъкидлаш мумкин.

Мазкур суҳбат чоғида, Миллат пешвоси Тожикистон сув захиралари, энергетика ва экология соҳасида ҳеч қачон ўз манфаатларини қўшни давлат манфаатларидан юқори қўйиб, қийинчиликлар туғдирмаслигига астойдил урғу бериб ўтди.

Шу улуғ айём, баҳорнинг муборак қадами кўнгилларга чексиз фараҳ бахш этиб, кириб келган кунларда Тожикистон ва Ўзбекистон президентлари учрашуви жараёнида имзоланиши мақсад қилинган «Фуқароларнинг ўзаро ташрифи тўғрисида»ги ҳужжат муҳим келишувлардан бири бўлади.

Бу эса, чегарадош юртлар вакиллари ўртасидаги қондошлик, қуда-андачилик алоқаларининг янада яхшиланишига, умуман, одамларнинг муносиб турмуш шароитларида умргузаронлик қилишларига хизмат қилиши, шак-шубҳасиз…

 

Абдуҳафиз МИРЗААҲМЕДОВ.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Январ 2021 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

МАҚОЛАЛАР

ОФТОБИМ – ОНАМ

 

Онажоним - юрагимнинг қуввати, кўзимнинг нури, дуогўйим. 

Бизни ташлаб кетганингиздан буён, юрагимни армонлар, аламлар қамраб олган.Босган изларингизга, меҳрли нигоҳларингизга зорман, онажон! Сизнинг ҳикматли сўзларингиз қулоғим остида жаранглайди, жаранглайверади. Рўмолингизни ўпиб, кўзга суртиб йиғлаб оламан. Онасини йўқотиб қўйганларда қўмсаш ҳисси, нақадар, ўзгача бўлар экан-а!

Муфассал...

МУШТИПАР ОНАМ

 

Куз...

Ташқарида ёмғир ёғади майин,

Кулба ичра маъюс ўтирар бир жон.

Йўлларга термулиб кун давомида,

Кимнидир кутади, кутар у ҳамон.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
952528

ӮҚУВЧИЛАР СОНИ

3779202
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2936
2970
18065
3736726
74439
82130
3779202

Сизнинг IPнгиз: 54.208.73.179
Бугун: 22-01-2021 16:44:00

ҲАМКОРЛАР

 

 

   

2015