Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 10 Май 2018 Кӯришлар: 1807
Печат

 

a abdullo 2018Акбар Абдулло 1950 йил 9 июнда Хатлон вилоятининг Шўрообод (ҳозирги Шамсиддин Шоҳин) ноҳияси Даштижум қишлоғида туғилган. Восе ноҳиясидаги ўрта умутаълим муассасасини тугатгач, Душанбе шаҳридаги Индустриал педагогика техникумида таҳсил олган. 1972-1976 йилларда Совет Иттифоқи Ички ишлар вазирлигининг Тошкент шаҳридаги Олий мактабини битирган.

Шеърлари рус тилига таржима қилиниб, кўплаб алманахларда чоп этилган. «Ёлғизлик сирлари», «Дил эҳтиёжи», «Дард шоири» каби китоблар муаллифи. Айни пайтда Тожикистон Ёзувчилар иттифоқи раисининг ёрдамчиси вазифасида ишламоқда.

 

БАРГ

Дарахт шохидаги танҳо тиллабарг

Шамол таъсирида ялтирар эди.

Билганим шу онда менинг вужудим

Танҳо тилла баргдек қалтирар эди.

 

Барг узилиб тушди шохидан буткул,

Хазон ўз ҳукмини ўқиб ногаҳон,

Гўё нокасларнинг найрангларидан

Ерга йиқилгандек, титрадим шу он.

 

ШОИР ИШҚИ

Хаёл оғушида кўча кезаркан

Шеъримни пичирлаб айтиб юраман.

Девона кўнгилнинг орзуларини

Ботинимда қайта тиклаб бораман.

 

Ногаҳон бир дилбар ёнма-ён юриб,

Нозли нигоҳи-ла менга боқади.

Зорли юрагимни бепичоқ тилиб,

Озурда жонимда олов ёқади.

 

Шу онда у менинг яшнаб очилган

Ижод гулбоғимнинг янги гулидир.

Сарвдек келишган қадди қомати

Тоза хаёлимнинг тик устунидир.

 

Қалбимда кина-ю адоватим йўқ,

Дунёга меҳр бор содда дилимда.

Уйсиз бир девона каби бўлсам-да,

Шукрким, муҳаббат яшар кўнглимда!

 

***

Азалдан ошиғинг эрдим, англармисан?

                                                     Англамайсан,

Кўксимда куйиклар кўрдим, англармисан?

                                                     Англамайсан.

 

Висолингга етмоқ учун

                                умри жоним фидо айлаб,

Давлатим, ганжимсан дердим,

                           англармисан? Англамайсан.

 

Сен менинг бетакрор бахтим,

                         сен менинг давлатим, тахтим,

Аҳдимда жовидон турдим, англармисан?

                                                      Англамайсан.

 

Ёлғиз тунлар фиғон этдим,

                                 бағримни доғу қон этдим,

Шу ҳолда ҳам ҳолинг сўрдим,

                           англармисан? Англамайсан.

 

Сендан олисдаман эй жон,

                          дилим тиғлар ҳар он ҳижрон,

Бағрим аро доғлар кўрдим, англармисан?

                                                     Англамайсан.

 

ДИЛ САВДОСИ

Илк бахтим тарк айлади,

Орзуга тўла дилим.

Илк бахтим тарк айлади,

Ишқингга тўла дилим.

 

Рангин гуллари ила

Умрим баҳори ўтди.

Азиз жон баҳосида

Дилнинг хумори кетди.

 

Кўзимдан нурлар қочди,

Қолди унда нигоҳинг.

Бахтинг гул атрин сочди,

Бахтим - жигарим оҳи.

 

Қолди ишқу умидим

Бу жоним дунёсида.

Лек сенинг меҳринг яшар

Жонимнинг савдосида.

 

Ҳасанбой Ғойиб таржимаси.

КАЛЕНДАР

« Март 2025 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

Ҳунар – аёл зийнати

Мамлакатимиз жанубидаги энг чекка Носир Хусрав ноҳияси халқи азалдан ҳунарсевар, хусусан, аёлларнинг қўл ҳунари кўзга кўринарли бўлиб, уларнинг жун, ипак ва пахта матоларидан тўқиган буюм-ашёлари узоқ-яқин мамлакатларда маълум ва машҳурдир. Хом ашёдан қўлда тайёрланадиган гилам, атлас, беқасам, бахмал, банорас ва бошқалар бақувват, пухта бўлиб, бу уларнинг ажиб санъатидан дарак беради.

Муфассал...

Тўртинчи миллий мақсад йўлидаги шахдам қадамлар

 

Вилоят маркази - Хўжанд шаҳрида йил давомида халқ хўжалигининг ҳар бир соҳасида ривожланиш бўлганини кўриш мумкин. Масалан, шаҳар саноатчилари ўтган йилдагига қараганда деярли 150 миллион сомонийлик кўп маҳсулот ишлаб чиқаришга муваффақ бўлдилар. Ҳозирда шаҳардаги катта-кичик корхоналар сони 168тага етди. Хўжандлик саноатчилар тўртинчи миллий мақсад - мамлакатни тез суратда саноатлаштириш йўлида янги-янги шахдам қадамлар

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2069381

ӮҚУВЧИЛАР СОНИ

8026287
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1555
2363
1555
8001650
73422
91363
8026287

Сизнинг IPнгиз: 18.97.14.84
Бугун: 24-03-2025 15:53:39

ҲАМКОРЛАР

 

 

   

2015