Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 27 Октябр 2016 Кӯришлар: 730
Печат

 

x xolboboevҲаёт – чексиз уммон. Бу уммонда ҳар ким ўз билганича сузади. Кимлардир Парвардигорнинг бебаҳо неъмати – умри азизини савоб, эзгу ишларга бағишласа, бошқа бировлар ўзгача йўлдан кезишади. Ҳаётида халқу Ватанга астойдил хизмат қилишдек савоб ва хайрли ишлар, жўяли амаллар этагини тутганлар ҳамиша эъзоз топиб келганлар.

Холмуҳаммад Холбоев ҳам сизу бизга замондош бўлган маърифатпарвар инсон. У киши 1946 йилнинг 1 ноябрида Хатлон вилоятининг Мир Сайид Али Ҳамадоний (собиқ Москва) ноҳиясида деҳқон оиласида туғилган. Холмуҳаммад аканинг ўсмирлик йиллари Хўжамўмин тоғининг ён бағирларида жойлашган ғаллазор ва водийни кезиб, Панж дарёсининг шифобахш сувларидан шимиб, эл ризқига-ризқ улашаётган пахтазор ва боғу токзорларда ўтди. У 1952 йили шу қишлоқда жойлашган тўлиқсиз ўрта мактабнинг биринчи синфига ўқишга кирди. Кичкиналигидан ўқишга меҳр қўйиб, ташналик билан билим ўрганди. Ва билим ўрганиш, изланишга бўлган бу меҳру муҳаббат бутун умри давомида унинг юрагини тарк этмади. 1959 йили бу мактабда еттинчи синфни тугатгандан сўнг, ўқишни 8-синфдан ноҳия марказида жойлашган С. Айний номли ўрта мактабда давом эттирди. Холмуҳаммад ака мазкур умумтаълим муассасасида 8-синфдан 11-синфгача таълим олди ва мактабни аъло баҳолар билан тугатгандан сўнг, 1963 йили Тожикистон қишлоқ хўжалик институтининг агрономлик факултетига ўқишга кирди. Бу олий даргоҳ таҳсилини 1968 йилнинг январ ойида аъло диплом билан тугатиб, тақсимот бўйича иш фаолиятини Ҳисор ноҳиясида жойлашган Тожикистон қишлоқ хўжалик илмий текшириш институтида илмий ходим сифатида бошлади.

Холмуҳаммад Холбоев 1968 йилнинг 7 майидан 1969 йилнинг июн ойигача Қуролли кучлар сафида она-Ватан хизматини ўтади. Украинанинг Закарпатйе вилояти ҳамда Чехословакиянинг Оломоус шаҳрида ҳарбий хизматини ўтаган йигит яна ўз иш жойига қайтди. Ҳисор ноҳиясида жойлашган Тожикистон қишлоқ хўжалик илмий текшириш институтида илмий ходим сифатида меҳнат фаолиятини давом эттирди.

1970-1973 йиллар у киши мазкур институтда аспирантурада таҳсил олди. Аспирантурадаги ўқишдан сўнг, 1978 йилгача Холмуҳамад ака институтдаги фаолиятини давом эттириб, қишлоқ хўжалиги, айниқса, пахтакорлик соҳасида талайгина илмий тадқиқотлар олиб борди. Ва қувонарли натижаларни қўлга киритди.

1978 йили Тожикистон Қишлоқ хўжалиги вазирлиги даъватига биноан, вазирликнинг техник зироатлар бошқармаси бош агрономи сифатида иш бошлади.

Холмуҳаммад ака 1986 йилнинг январ ойидан Тожикистон Республикаси Давлат агросаноат комитетида пахта ишлаб чиқаришни шакллантириш мутахассиси сифатида фаолият юритди.

1986 йилнинг март ойида Холмуҳаммад акани Тожикистон Республикаси Вазирлар Кенгаши агросаноат комплекси бўлимига катта референт сифатида ишга таклиф этишди. Ва кейинги 20 йил давомида Холмуҳаммад ака мазкур бўлимда бош мутахассис, зироатпарварлик бўйича маслаҳатчи, пахта ва бошқа маҳсулотларни қайта ишлаш сектори мудири, бўлим мудири ўринбосари ва бўлим мудири сифатида 2006 йилгача самарали меҳнат қилди. Шу йиллар давомида у киши Тожикистон Республикаси Президенти Ижроия аппаратида бир қатор Ҳукумат Дастурлари лойиҳасини ишлаб чиқишда фаол қатнашди. Жумладан, Агросаноат комплексини инқироздан чиқариш йўллари, «Ғалла», «Боғу токпарварлик», «Пахта», «Пилла», «Асал» ва Ҳукуматнинг бошқа дастурлари ишлаб чиқилишида, шунингдек, Тожикистон Республикасининг ўнлаб Қонунлари лойиҳаси, Тожикистон Президенти Фармонлари ва Ҳукумат қарорлари лойиҳаси ишлаб чиқилишида фаол иштирок этди.

Қаҳрамонимиз 2006 йилнинг апрел ойидан 2010 йилгача пахтакор хўжаликлар қарзлари муаммосини ҳал этиш лойиҳасида фаолият кўрсатди. Х. Холбоев 2010 йили нафақага чиқди. У киши республика аҳамиятидаги нафақахўр ҳисобланади.

Холмуҳаммад Холбоев иш фаолияти давомида кўплаб хорижий мамлакатларда хизмат сафарларида бўлган. Хорижий мамлакатларда қишлоқ хўжалиги соҳасини тараққий эттиришнинг илғор тажрибаларини ўрганиб келиб, уларни республикамиз шароитида йўлга қўйишда изчил иш олиб борган. Жумладан, 1993 йилнинг октябр ойида у киши пахтакорлик соҳасини тараққий эттириш бўйича халқаро конференцияда иштирок этиш учун Ҳиндистонда, 1996 йилнинг январ ойида пахтакорлик соҳасида тажриба ўрганиш учун Америка Қўшма Штатларида, 2005 йилнинг январ ойида жамоатчиликни тараққий эттириш бўйича тажриба ўрганиш учун яна Ҳиндистонда, май ойида ердан фойдаланиш бўйича тажриба ўрганиш учун Хитой Халқ Республикасида ва август ойида ерга ишлов бериш бўйича тажриба ўрганиш учун Швецияда хизмат сафарларида бўлди. Албатта, бу сафарларнинг ҳар бири Тожикистонда қишлоқ хўжалигини тараққий эттириш учун ҳисса қўшганлиги табиий.

Давлат ва Ҳукумат Холмуҳаммад Холбоевнинг Тожикистон халқ хўжалиги тараққиётидаги муносиб меҳнатларини ҳисобга олиб, у кишини 1981 йили «Меҳнатда ўрнак кўрсатган» медали ва 2003 йили «Тожикистонда хизмат кўрсатган ходим» унвони билан тақдирлади.

Бугунги кунда ҳам Холмуҳаммад Холбоев нафақада бўлишидан қатъий назар, ўзи севган соҳа - қишлоқ хўжалиги тараққиёти йўлида ёшларга жўяли маслаҳатлар бериб, соҳа ривожига ўз ҳиссасини қўшиб келмоқда.

Холмуҳаммад Холбоев умр йўлдоши Ҳожи ая Холдона Баротова билан тўртта фарзандни тарбиялаб, вояга етказдилар. Қурбонали, Фарҳоджон, Сурайё ва Дилафрўзларнинг ҳар бири бугун оталарига муносиб фарзанд, элу юртга холисона хизмат қиладиган ўз даврининг кишилари бўлиб етишиш илинжида иштиёқ билан ёнадилар. Ҳожиликдек саодатли мартабага эришган Холмуҳаммад Холбоев ҳамда у кишининг умр йўлдошлари ҳожи ая Холдона Баротовалардек эзгуликни пеша этган инсонларнинг фарзандлари ҳам халққа хизмат қилишда садоқат кўрсатишларига ишонч бор.

Умри азизининг етмишинчи поғонасига қадам қўйиш арафасида бўлган Холмуҳаммад Холбоев Ватанни севади, халқимизга эҳтироми катта. Ҳаётида босиб ўтган йўлларга тикилиб, кўнглида қониқиш ҳиссини туяди.

- Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон олиб бораётган адолатли сиёсат, кекса-ю ёшларга кўрсатилаётган ғамхўрликлар, элу юрт келажаги тўғрисида қайғуришлар  азиз Тожикистонимизни ёрқин келажак сари бошлаётганлиги қувонарли ҳолдир, - дейди Холмуҳаммад Холбоев. – Халқимиз ўзининг фидойи фарзанди – мамлакатимиз Президенти атрофида жипслашиб, жаҳон ҳамжамияти қошида Ватанимизнинг обрў-эътиборини янада юксак кўтарганликлари юксак тафаккуримизнинг олий кўринишидир.

Маърифат ва маънавиятни ҳамиша қадрлаб келган Холмуҳаммад Холбоев умри азизининг нурли чўққисидан таралаётган жилоларга шукрона қилади. Ҳамиша Ватанимиз тинчлиги, халқимиз фаровонлигини тилаб эзгу дуога қўл очади. Биз - фахрий замондошимиз, маърифат фидойиси, газетамизнинг фаол жамоатчи мухбири Холмуҳаммад Холбоевни табаррук ёшга етганликлари билан қутлаш бахтига эришган ижодкорлар у кишининг самимий дуолари ижобат бўлишига тилакдошмиз…

 

Искандар МАҲМАДАЛИЕВ.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

"ГИННЕС КИТОБИ"ГА ДАЪВОГАР БОЛАКАЙ

 

Рўдакий ноҳияси Гулистон қишлоқ жамоатига қарашли Болошаҳр маҳалласида истиқомат қилувчи 166-ўрта умумтаълим муассасаси 1-синф ўқувчиси Эмомҳусейн Умаровнинг спортга қизиқиши, унинг 6 соату 20 дақиқада 11 минг марта спорт тили билан айтганда, "отжимание" қила олишлиги ҳақидаги хабар халқ орасида тарқала бошлагач, биз ҳам ушбу мавзуга қизиқдик.

Муфассал...

ОНАНГ СЕНГА - КАЪБА, ДЎСТИМ!

 

Фахриддин Маҳмуд 1991 йилнинг 25 февралида Суғд вилоятидаги Жаббор Расулов ноҳиясининг Ғўлакандоз қишлоғида туғилган. 1998 йили 16-ўрта умумтаълим мактабига қабул қилиниб, 2009 йили тамомлади. Маълумоти ўрта, мактабдан сўнг, 2009-2011 йиллар ҳарбий хизматни ўтаб қайтган.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465740

ӮҚУВЧИЛАР СОНИ

2218955
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1006
1417
10941
2199519
25947
46701
2218955

Сизнинг IPнгиз: 18.206.15.215
Бугун: 18-08-2019 16:14:23

ҲАМКОРЛАР

 

 

   

2015