Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 21 Апрел 2016 Кӯришлар: 774
Печат

 

kapli-vodyСайфулло Қулаев Фархорда туғилган.

У бир чеккаси Ҳиротга ва бир чеккаси Қоратоғ ўнгирларига туташиб кетган Ўртабўз қишлоғида вояга етди.

Сайфулло - туғма шоир. Бу талотўмли дайри фанода унинг битикларидан ҳаққонийлик бўй кўрсатиб туради.

Чилтандаги XV асрга тааллуқли Саксонохурдан топилган локи-белбоғининг суврати у чизган ташбеҳларда аксланади.

У ўзининг дарвишона битикларида:

- …Мен деюрман ёрни бергил, эътибордан кечдимо, - дейди.

Қуйида Сайфуллони ўқинг ва уқинг.

 

Кел, менинг ёнимга келгин, ўзга ёрдан кечдимо,

Сенсиз ўлган ул сумансо  гул баҳордан кечдимо.

 

Чашми чорим  йўлларингга  гар қадалган бўлмаса,

Нетгум охир чашми чорни, чашми чордан кечдимо.

 

Нортуяда келмасанг гар мен томон маркабсавор,

Бир тугулким, мингта  маркаб, мингта  нордан  кечдимо.

 

Шайх дегайки, хеш-таборни айладинг сархам, нечун,

Ёр учун иллоки бул дам хеш-табордан кечдимо.

 

Сарзаниш қилдинг мени сабру қароринг йўқми, деб,

Ёри жоним, мен бу кун сабру қарордан кечдимо.

 

Сайфи  дейди,  ёр керакми ёки обру эътибор,

Мен деюрман ёрни бергил, эътибордан кечдимо.

 

Шамчироқ

Ким сафарга чиқса ҳар дам  йўли оқ бўлсин, дедим,

Унга ўнғай ҳамма ёну, ҳамма ёқ бўлсин дедим.

 

Келди меҳмон, мен дедимки, кипригим устига қўн,

Сенга  меҳмонхона  бу кўзу қароқ бўлсин, дедим.

 

Ул кичик бошин силаркан  моҳитоб тож бошга-ю

Сочга офтобдан таралган нур тароқ бўлсин, дедим.

 

Катта мансаб олдию дўст, кўп такаббур бўлди, мен

Мансаби  бундан-да  юксак, каттароқ бўлсин, дедим.

 

Ташлади йўлимга ёғий дамба-дам қопқон, тузоқ,

Дамба-дам ёғийга  йўлинг бетузоқ бўлсин, дедим.

 

Ул  бахил дерки ишингда бўлмасин  ҳосил, унум,

Ул бахилнинг  қасдма-қасди,  мен бироқ, бўлсин, дедим.

 

Ким ўлимни пеша қилди  менга  бадлик важҳидан,

Унга неклик важҳидан умринг узоқ бўлсин, дедим.

 

Шеър, ғазални тунда ёзган  Сайфи Оллоҳим  учун,

Мир Алишер шамчироғи шамчироқ бўлсин, дедим.

ххх

Бу пари гулфом экан, гул фомини тасвирладим,

Ҳамда кўп хушном экан, хуш номини тасвирладим.

 

Мўйқаламга ранглар олдим тунги ой андомидан,

Сўнг  гўзалнинг ой каби андомини тасвирладим.

 

Шоиро, кокил эмас бу доми сайёддир аниқ,

Гарданимни чирмаган ул домини тасвирладим.

 

Шоиро лаб ҳам эмасдир, май тўла жомдир лаби,

Бўз матода май тўла ол жомини тасвирладим.

 

Шеър билан рассомчилик илҳомини берди пари,

Менга берган икки шу илҳомини тасвирладим.

 

Лабларидан бўса инъом айлади  ағёрга у,

Рашк  бўёғи бирла ул  инъомини тасвирладим.

Сайфи Оллоҳ севгига оғозу анжом мингтадир,

Бунда битта севгининг анжомини тасвирладим.

 

ххх

Изласанг гар яхши гапни, яхши гап Қуръонда бор,

Лаб очибсан нурли сўздан, очма лаб, Қуръонда бор.

 

Бунда хушруйлар билан базму тараб йўқдир, вале

Ҳуру ғилмонлар билан базму тараб Қуръонда бор.

 

Не сабаб комил эмасман, деб бу кун бердинг савол,

Ул саволу, ул жавобу, ул сабаб Қуръонда бор.

 

Нек билан бадлар ишини сен важаблаб юрмагин,

Ҳақ томондан барқарор меъёр, важаб Қуръонда бор.

 

Бўлма ўч ному насабга, рутбадан қилма ҳавас,

Рутбаи шоиста бирла ном, насаб Қуръонда бор.

 

Сайф, адабдан янги сўз айтдим, дея мақтанмагил,

Ул фазилат бирла  ул ахлоқ, адаб Қуръонда бор.

 

Май

Эй муғанний созни чалгин, жўш урар кўнгилда май,

Созу куйга завқу шавқни уйғотибди дилда май.

 

Шоиро, сен фасли гулда гул баҳорга олқиш айт,

Бир қиёс-бир гулда шарбат, бир қиёс-бир гулда май.

 

Эй биродар майни ичгин, лек тилингни тоза тут,

Баски асрори дилингни фош этаркан тилда май.

 

Кўзагар гилдан ясабди бир мунаққаш гил қадаҳ,

Келтирингиз кўзагарга ҳамда менга гилда май.

 

Эгри йўлми, тўғри йўлми, фарқи йўқ майхўрга ҳеч,

Майлига ич эгри йўлда, ҳамда тўғри йўлда май.

Чиққил, эй пири муғонким Сайфи Оллоҳ йўлига,

Келди у бир қўлда хома, келди у бир қўлда май.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Миллат пешвоси халқаро симпозиумда иштирок этди

22 октябр куни Миллий кутубхонада Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмон «Қадимги маданият бўйича тадқиқот: кечадан бугунгача» халқаро илмий симпозиумда иштирок этиб, нутқ сўзлади.

Унинг ишида мамлакат зиёлилари ва хорижий мамлакатлардан меҳмонлар – халқаро симпозиум иштирокчилари қатнашишди.

Муфассал...

Эмомали Раҳмон ва ёшлар йили

 

(Давоми. Бошланиши ўтган сонда)

Иншоот очилиш маросимида Давлат бошлиғи давлат ва Ҳукумат раҳбарияти бундан кейин ҳам моддий-техник базани мустаҳкамлаш, махсус бўлинмалар ва ҳарбий қисмларни замонавий ҳарбий техникалар, ҳарбий ускуналар билан таъминлаш, ҳарбий хизматчилар ижтимоий муаммоларини ҳал этиш учун барча зарур чора-тадбирларни қабул қилиб, чегара хизмати шароитини

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
553373

ӮҚУВЧИЛАР СОНИ

2482240
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1715
2131
15110
2448083
37018
71175
2482240

Сизнинг IPнгиз: 3.226.243.226
Бугун: 15-12-2019 13:38:48

ҲАМКОРЛАР

 

 

   

2015