Биз билан боғланинг:

   

Бизга қӯшилинглар

ХАБАРЛАР

НАСР

Муаллиф: Super user Категория: НАСР
Чоп этилган 16 Апрел 2015 Кӯришлар: 1123
Печат

 

ot yiglaganИнсоннинг болаликда эшитганлари ҳеч қачон ёдидан кўтарилмас экан. Онам унчалик саводли бўлмасалар-да, лекин эртак, ривоят ва бошларидан кечирган турли хил ҳикояларни маромига етказиб сўзлаб берардилар. Бундай эртак ва ривоятларни кўпинча қишнинг узун тунлари биз ака-укалар иссиқ кўрпага ўралганча, мароқ билан тинглардик.

Хотирамга абадий муҳрланиб қолган ўша воқеия ҳикоялардан бирини ҳукмингизга ҳавола қилмоқчиман.

Она томондан бобом Зомин районида туғилиб, ўз замонининг саводли кишиларидан бири бўлган. Шунингдек, бобом анча нуктадон, диёнатли, халқсевар киши бўлган эканлар. Ўтган асрнинг 20-йилларида ёш Шўролар давлати идораларида масъул лавозимларда ишлаган. У даврларда одамларнинг асосий улови  от экан. Дарвоқе, Зомин томонларда бизнинг Шаҳристон ва Истаравшан ноҳияларидек қишлоқлар, овуллар жуда кўп бўлган. Бобом шу қишлоқларга ҳукумат ишлари юзасидан ўзларининг тўриқларида бориб турганлар.

Онамнинг айтишларича, бобом бу жонворни жуда яхши кўрганлар, ўзи емай, унга едирган, яхши парваришни канда қилмаганлар. Табиийки, от буни ҳис этиб, бобомга меҳр қўйган. У кишининг овозини етти чақиримдан ҳам эшитиб: «Мен бу ердаман», дегандек кишнаркан.

Зомин ва бошқа жойларда бобом бу от билан кўпкари чопганда, ҳеч қачон совринсиз қолмаган. Ўша йиллари бобом ҳали қирқ ёшга ҳам тўлмаган экан. Айни вужудидан куч ёғилиб турган паллада бобом касал бўлиб қолади. Кўп ётиб қолмай, уч кун ичида вафот этади.

Энг таъсирли томони шундаки, у киши миниб юрган ўша тўриқ ҳовли ўртасидаги жаккамихга (жаккамих – арча ёки қаттиқ дарахтдан йўнилган каттакон қозиқ) боғланганча, эгаси касал бўлгандан буён ем-хашакка умуман қарамайди. Соҳибининг вафотини сезгач, кўзларидан ёш шашқатор бўлиб оқади.

Таъзияга келган одамлар аввалига отнинг бу ҳолатини унчалик сезишмади. Қачонки тобутни кўтариб, ҳовлидан чиқаётганларида, жонивор от икки олдинги оёқларини кўтариб чунонам қайғули кишнайдики, шунда бу айрилиққа чидай олмаган отнинг йиғлаганини ҳис қиладилар. Дарҳақиқат, ўша куни от эгасининг ўлимидан қаттиқ изтироб чекиб йиғлаган экан.

Онамнинг бу ҳикоялари қачон эсимга тушганда, бу забонсиз жониворнинг одамларга бўлган меҳри беқиёслигидан ҳайратга тушаман. Ахир, Хоразм шоҳи Жалолиддин Мангубердини ёв қўлидан қутқариб чиққан шу от эмасми? Ёки Алпомиш зиндондан, севган ёри Барчинойни рақиблар қутқусидан ажралиб ёрига етиштирган шу Бойчибор эмасми? Гапимнинг интиҳосида шуни айтмоқчиман, инсон зотига нисбатан шунчалик меҳру садоқатни қайдан олгансан, эй тили йўқ жонивор?!.

 

Бозор Норқулов,

Шаҳристон ноҳияси.

КАЛЕНДАР

« Июл 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Қисматимга айланган газета

 

- Почта келди! Газета-журналлар, - почтачи Ҳасан аканинг овози ҳовлида у, бу ишлар билан куйманиб юрганларни сергак торттирар ва почтачидан кунлик газета-журналларни олишга ундар эди.

Собиқ Қўрғонтепа вилояти Вахш (қишлоғимиз кейинчалик Бохтарга ўтказилган) райони (ҳозир Хатлон вилояти Кўшониён ноҳияси)нинг Байнал, Телман, Қизилгул, Чапаев ва Ленин йўли қишлоқларига кунлик газета ташувчи

Муфассал...

ҚАМАР ЖОВИД БАЖВА БИЛАН УЧРАШУВ

 

28 август куни Миллат қасрида Тинчлик ва миллий бирлик асосчисиМиллат пешвоси, Тожикистон Республикаси Президенти муҳтарам Эмомали Раҳмон Покистон Ислом Республикаси Армия штаби бошлиғи Қамар Жовид Бажвани қабул қилди.

Учрашувда дунёнинг кўпгина мамлакатлари, айниқса, мусулмон давлатларидаги беқарорлик ва нотинчлик билан боғлиқ масалалар ҳамда бошқа

Муфассал...

СТАТИСТИКА

Сайтга кирганлар
1
Мақолалар
869
Мақолаларни кӯрганлар сони
763366

ӮҚУВЧИЛАР СОНИ

3085426
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1388
3909
19882
3039633
13968
93022
3085426

Сизнинг IPнгиз: 18.206.238.176
Бугун: 05-07-2020 09:47:54

ҲАМКОРЛАР

 

 

   

2015