Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 10 Март 2016 Кӯришлар: 807
Печат

 

sportХалқаро футбол ассоциациялари федерацияси (ФИФА) март ойи учун жаҳон миллий терма жамоаларининг янги рейтинг варақасини эълон қилди.

Унга кўра, Тожикистон миллий терма жамоаси икки поғона пастлади ва аввалги 148-ўриндан 150-жойга тушиб қолди.

Айни пайтда миллий термамиз ҳисобида 143 очко бор.

Осиё футбол конфедерациясига аъзо 46 давлат ўртасида эса, 26-поғонани сақлаб турибди.

Тожикистон миллий терма жамоаси ўзининг навбатдаги ўйинини 24 март куни "Жаҳон чемпионати-2018" турнирининг саралаш босқичи доирасида Австралия термасига қарши ўтказади.

Ана шу ўйин натижасига қараб, терма жамоамиз мавқеи навбатдаги рейтинг варақаси рўйхатида пастлаши ёки кўтарилиши мумкин.

 

-------------    Кураш    -------------

ЙЎЛЛАНМАЛАР НАСИБ ҚИЛМАДИ

Чехия давлати пойтахти Прага шаҳрида курашнинг дзюдо тури бўйича халқаро мусобақа якунига етди.

Бу ҳақда Тожикистон миллий олимпиада қўмитасидаги манба хабар тарқатди.

Унда тўрт нафар: Фарҳод Раҳимов (81 килограмм вазн тоифасида), Комроншоҳ Устопириён (90 килограмм), Саиджалол Жалолов (100 килограмм) ва Муҳаммадмурод Абдураҳмонов (+100 килограмм) каби дзюдочилар мамлакатимиз байроғи остида чиқиш қилишди.

Беллашувларда Фарҳод Раҳимов ва Муҳаммадмурод Абдураҳмоновлар дастлабки чиқишларида рақибларни доғда қолдириб, иккинчи босқичда имкониятни бой беришди.

Комроншоҳ Устопириён ҳамда Саиджалол Жалоловлар эса, илк курашдаёқ майдондан бош эгиб чиқишди.

Дунёнинг 52 давлатидан 268 нафар курашчи қатнашган ушбу халқаро турнирнинг аҳамияти шунда эдики, ғолибларга "Рио-де-Жанейро-2016" ёзги олимпиада ўйинларида иштирок этиш ҳуқуқи берилди.

 

-------------    Олимпизм    -------------

СУҒДДА СТУДЕНТЛАР СПАРТАКИАДАСИ

Мамлакатимизнинг шимолий минтақаси - Суғд вилояти маъмурий маркази Хўжанд шаҳрида Тожикистон Республикаси давлат мустақиллигининг XXV йиллигига бағишланган студентлар спартакиадаси ўтказилади.

Март-апрел ойларида ташкил этилиши режалаштирилган бу тадбирда студентлар спортнинг баскетбол, шаҳмат, стол тенниси, мини-футбол ва волейбол турлари бўйича ўзаро куч синашадилар.

Вилоят ҳокими матбуот хизматидан маълум қилишларича, бу тадбир ёшлар ўртасида спорт турларини оммалаштириш ва соғлом турмуш  тарзини жорий этиш мақсадига йўналтирилган.

 

=======    Жаҳонда    =======

-------------    Теннис    -------------

ХИТОЙЛИКЛАР - ЖАҲОН ЧЕМПИОНИ

Малайзия пойтахти Куала-Лумпур шаҳрида спортнинг стол тенниси тури бўйича терма жамоалар ўртасидаги жаҳон биринчилиги мусобақалари ўз ниҳоясига етди.

Нуфузли турнирнинг ҳал қилувчи финал босқичида Хитой ва Япония терма жамоалари бош соврин учун ўзаро беллашдилар.

Шиддатли курашлар асосида ўтган учрашув 3:0 ҳисобида хитойлик стол теннисчилари фойдасига ҳал бўлди.

Жаҳон чемпионатининг бронза медаллари Буюк Британия ва Жанубий Корея намояндаларига насиб этди.

 

-------------    Бокс    -------------

"ОҚ ТАЙСОН" МАҒЛУБ БЎЛДИ

Россия Федерациясининг Чеченистон Республикаси пойтахти Грозний шаҳридаги "Колизей" спорт қасрида касбий бокснинг WBA (Бутунжаҳон боксчилар ассоциацияси) йўналиши бўйича чемпионлик жанги бўлиб ўтди.

Унда мазкур йўналиш бўйича жаҳон чемпиони, "Оқ Тайсон" лақабли ўзбекистонлик боксчи Руслан Чагаев ва чемпионликка даъвогар австралиялик Лукас Браунлар рингга кўтарилишди.

Муштлашув ўзбекистонлик "чарм қўлқоп" устаси устунлигида бошланди. Ва олтинчи раундда, ҳатто, у рақибини нокдаун ҳолатига туширди.

Ўтказган барча 23 учрашувида мағлубиятга учрамаган Лукас Браун ҳам бўш келмади. Аввалига вазиятни тенглаштирди, кейин эса, аста-секин ташаббусни ўз қўлига олди.

Ўнинчи раундга келиб, "Оқ Тайсон"ни техник нокаут ҳолатига туширди ва чемпионлик камари соҳибига айланди.

 

-------------    Шаҳмат    -------------

ДАЪВОГАРНИ АНИҚЛАШ ТУРНИРИ

Москва шаҳридаги Марказий телеграф биносида шаҳмат бўйича 2016 йилда жаҳон чемпионлигига даъвогарлик қилувчи "дона сурувчи"ни аниқлаб олиш турнирига старт берилди.

Унда икки ватандош - россиялик Сергей Корякин ва Пётр Свидлерлар ўзаро рақиблик қилмоқдалар.

Бу турнир март ойининг охиригача давом этади ва ўтказилган партиялар натижаларига кўра, жаҳон чемпионлигига даъвогар шаҳматчи маълум бўлади.

Ғолиб эса, жорий йилнинг 10-30 ноябр кунлари Ню-Йорк шаҳрида ташкиллаштириладиган мусобақада амалдаги жаҳон чемпиони, норвегиялик Магнус Карлсен билан "шаҳмат тожи" учун курашади.

"Халқ овози"нинг спорт шарҳловчиси. 

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Тонгга ишониб яшамоқ бахти

 

Ҳаловатсиз тунлар

Тун яримдан оғганда ҳам кўзига уйқу келмади. У ёнига ағдарилди, бу ёнига ағдарилди, ёстиқни пастлатди, баландлатди. Қани энди, кўзлари юмилса-ю ухлаб қолса! Йўқ, кўзини юмди дегунча, бошига  устма-уст томчилар келиб урилар, лўқиллаётган боши ёрилгудай эди. Нима қилсин?! Бошини кўрпага ўраса ҳам, совуқ томчилар миясини тешгудай муттасил келиб уриларди.

Муфассал...

Аввал кассага, кейин киссага…

 

Бу дунё бозорга менгзайди…

Бунда ҳар бир нарсанинг, кўрсатиладиган хизматнинг ўз нарху навоси бор. Қийматнинг эса, кўрадиган кўзи, сийлайдиган қўли, бағишлайдиган меҳр-оқибати, эшитадиган қулоғи, раҳм-шафқатга тўла қалби, қийналадиган виждони йўқ.

Барчага бир хил…

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
598467

ӮҚУВЧИЛАР СОНИ

2598312
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
752
2538
9325
2566558
66408
86682
2598312

Сизнинг IPнгиз: 3.83.32.171
Бугун: 23-01-2020 10:56:34

ҲАМКОРЛАР

 

 

   

2015