Ким бўлса нафсига қарам,
Фарқ қилмайди ҳалол-ҳаром,
Заққум есада, дам-бадам,
Тарки одат қилолмаскан.
Кимки тўймас юҳо экан,
Баднафсликда даҳо экан,
Яккамахов, танҳо экан,
Тарки одат қилолмаскан.
Ҳар таомни суйиб ейди,
Текин топса тўйиб ейди,
Яна борми экан, дейди,
Тарки одат қилолмаскан.
Тўйми-аза фарқ қилмайди,
Ёрилишини билмайди,
Унга тенг келиб бўлмайди,
Тарки одат қилолмаскан.
ҲОЛИ ХАРОБ
Билгин банда, ким ҳаромдан ҳазар қилмас,
Гўри куйиб кетганини ўзи билмас.
Пул турганда, иймон-Ислом керак демас,
Қиёмат кун шундайларнинг ҳоли хароб.
Пул деганда ўзин томдан ташлаганлар,
Мискинларнинг кўзларини ёшлаганлар.
Шайтон-лаъин этагидан ушлаганлар,
Қиёмат кун шундайларнинг ҳоли хароб.
Умр ўтиб қолибди-ю парвоси йўқ,
Қилиқларин кўрсанг ундан расвоси йўқ.
Қайдин пора келар дея, кўзлари лўқ,
Қиёмат кун шундайларнинг ҳоли хароб.
Дерлар дўзах оловига чидаш қийин,
Молу дунёнг иш бермайди, нархинг бир тийин.
Дўстни алдаб, кимки қора қилса рўйин,
Қиёмат кун шундайларнинг ҳоли хароб.
ТЎРТЛИКЛАР
Ҳурмат қилган, албат ҳурмат кўради,
Кеккайган-чи? Мудом кулфат кўради.
Одам ўғли, кўкка эмас, ерга боқ,
Кўрганмисан, эгилганин пуч бошоқ?!
***
Ёмонликни раво кўрманг душманга,
Ёмонликдан озор етадир жонга.
Билса одам ҳар ёмонлик касрати,
Юртга урар, урар бутун Ватанга.
***
Доно одам мудом ақлин пешлайди,
Нафсин миниб, меҳнат қилар-ишлайди.
Дангаса-чи? Мингта баҳонаси бор,
Иш десангиз,уни дарди ушлайди.
***
Ишонмангиз ёлғончилар сўзига,
Улар ростни раво кўрмас ўзига.
Бу дунёни ёлғончи, деб эшитган,
Шундан ёлғон рост кўринар кўзига.
Худойберди Қодиров, Бохтар ноҳияси.
Ҳар бир ота-она фарзандларини уйлантириш ёки узатиш чоғида ёшларнинг яхши яшаб кетишлари, биргаликда қўша қаришларини орзу қилади. «Синалмаган отнинг сиртидан ўтма»,- деган мақол бежизга айтилмаган. Бирор оила билан қуда-андачилик ришталарини боғлашни ният қилган кишилар, албатта, уларнинг етти пуштигача суриштиришади. «Ота-онаси ким? Оиласи бизга тўғри келадими?»- каби бир қатор саволларга жавоб топилгачгина, совчиликка отланадилар.
Муфассал...
Тун… нақадар сокин. Мен эса, сени излайман, эй ишқ. Эй менинг бевафо севгим, нега ташлаб кетдинг ёки ранжидингми. Не сабаб бўлдики, сен мендан ранжиб, озор топдинг. Сўзлагин ахир, бутун вужудим билан тинглайман сени. Эй Худо, бу қандай шафқатсизлик… Мен ва менинг севгимга нисбатан раво кўрдинг бу азобни. Буни қандай қабул қилай Худойим... Тақдир дейму ёки ҳаёт имтиҳони. Бу сукунатли кечада жавоб излайман.
Муфассал...2015
1-2015
2-2015
3-2015
4-2015
5-2015
6-2015
7-2015
8-2015
9-2015
10-2015
11-2015
12-2015
13-2015
14-2015
15-2015
16-2015
17-2015
18-2015
19-2015
20-2015
21-2015
22-2015
23-2015
24-2015
25-2015
26-2015
27-2015
28-2015
29-2015
30-2015
31-2015
32-2015
33-2015
34-2015
35-2015
36-2015
37-2015
38-2015
39-2015
40-2015
41-2015
42-2015
43-2015
44-2015
45-2015
46-2015
47-2015
48-2015
49-2015
50-2015
51-2015
52-2015