Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 25 Феврал 2016 Кӯришлар: 719
Печат

 

futbboll «Тожикистон футбол федерацияси кубоги-2016» турнири тобора ўзининг қизғин палласига кириб бормоқда.

Душанбе минтақаси саралаш мусобақаларида иштирок этаётган Турсунзода шаҳрининг «Регар-ТадАЗ» клуби футболчилари муддатидан илгари финал босқичи йўлланмасини қўлга киритдилар.

«Металлург»лар ўтказилган олти учрашувнинг бештасида ғалаба қозониб, биттасида дуранг натижа қайд этдилар.

Олти имкониятдан 16 очко жамғариб, биринчилардан бўлиб финал босқичида иштирок этиш ҳуқуқига эга бўлдилар.

«Тожикистон футбол федерацияси кубоги-2016» мусобақаларининг саралаш босқичи Душанбе шаҳри, Суғд ва Хатлон вилоятлари минтақаларида ўтказилиб, унда иккинчи, биринчи ва олий лига жамоалари қатнашмоқда.

 

-----------    Футзал    -----------

КОНИБОДОМДА МИНИ-ФУТБОЛ МАЙДОНИ

Тожикистон Республикаси футбол федерацияси Конибодом шаҳри марказий маданият ва истироҳат боғида иккита мини-футбол майдони қурилишини режалаштирди.

Мамлакат футбол федерацияси президенти ўринбосари Дилшод Жўраевнинг маълум қилишича, бу тадбирлар шаҳар ёшлари орасида футболнинг оммавийлигини ошириш, соғлом турмуш тарзини кенг йўлга қўйиш мақсадига йўналтирилгандир.

Шунингдек, шаҳарда мини-футбол бўйича янги ёшлар жамоасини ташкил этиш ҳам кўзда тутилган.

Футбол ташкилоти мулозимининг айтишича, Конибодомда спортнинг мазкур турини ривожлантириш ва «Ёшлик» стадионини таъмирлаб қайта тиклаш учун 50 минг сомоний миқдорида моддий ёрдам кўрсатилади.

 

-----------    Кураш    -----------

СПОРТ – СОҒЛОМ ЖАМИЯТ ГАРОВИ

Тожикистон Республикаси Ички ишлар вазирлиги кубоги учун курашнинг касбий жанговар самбо тури бўйича ўтказилган мусобақалар ҳаяжонли лаҳзаларга бой бўлди.

«Спорт – соғлом жамият гарови» шиори остида ташкиллаштирилган ушбу турнирда вазирликнинг бошқарма ва бўлимлари, тез амал қилувчи ҳамда махсус топшириқли отрядлари намояндалари иштирок этишди.

Мусобақа якунларига кўра, қуйидаги спортчилар ғолибликка эришишди: Зулфали Латипов (68 килограмм), Шерзод Туйчибоев (74 килограмм), Маҳмадулло Искандар (82 килограмм), Умид Ҳамроев (86 килограмм), Далер Шарипов (100 килограмм) ва Худойдод Раҳмонов (ўта оғир вазн тоифаси). 

Ғолиблар вазирликнинг дипломлари ва қимматбаҳо совғалари билан  тақдирландилар.

 

=====     Жаҳонда    =====

-----------    Бокс    -----------

«ҚАСОС» ЖАНГИ ОМАДСИЗ КЕЧДИ

Германиянинг Дюсселдорф шаҳрида касбий бокснинг WBO (Бутунжаҳон боксчилар ташкилоти) йўналиши бўйича 76,2 килограмм вазн тоифасидаги спортчилар ўртасида «қасос» жанги бўлиб ўтди.

Унда ушбу йўналишнинг амалдаги чемпиони, россиялик Фёдор Чудинов ва немис боксчиси Феликс Штурмлар рингга кўтарилишди.

Ўтган йили Фёдор Чудинов Феликс Штурмни мағлуб этиб, чемпионлик камарини ўзиники қилиб олган эди.

«Қасос» жангида Россия намояндаси чемпионлик унвонини ҳимоя қила олмади.

Ўн икки раунд давом этган муштлашув натижасида ён ҳакамлар германиялик боксчини ғолибликка лойиқ кўрдилар.

 

-----------    Футзал    -----------

ЭРОН ТЕРМАСИ – ҚИТЪА ЧЕМПИОНИ

Тошкентда мини-футбол бўйича «Осиё чемпионати-2016» турнири ўз ниҳоясига етди.

Мусобақаларнинг бош соврин тақдири ҳал қилинувчи финал учрашувида майдон эгалари – ўзбекистонлик футзалчилар ўн карра қитъа чемпиони Эрон терма жамоасига қарши майдонга тушишди.

Қизғин ва шиддатли курашлар асосида кечган ўйинда 1:2 ҳисоби қайд этилиб, эронликлар ўз чемпионлик мавқеларини сақлаб қолишди.

Турнирнинг бронза медали учун Таиланд ва Ветнам терма жамоалари ўзаро куч синашдилар. Йирик - 8:0 ҳисобида устунликка эришган таиландликлар бронза медали соҳиби бўлдилар.

Қитъа биринчилиги низомномасига кўра, 1-5-ўринларни эгаллаган Эрон, Ўзбекистон, Таиланд, Ветнам ва Австралия терма жамоаларига жорий йилнинг сентябр-октябр ойларида Колумбияда бўлиб ўтадиган жаҳон чемпионатида қатнашиш ҳуқуқи берилди.

 

-----------    Теннис    -----------

АМЕРИКАЛИК – ХАЛҚАРО ТУРНИР ҒОЛИБИ

Америка Қўшма Штатларининг Делрэй-Бич шаҳрида теннис бўйича халқаро турнирга якун ясалди.

Соврин фонди 514 минг 65 долларни ташкил этган турнир ғолиблиги учун икки нафар америкалик теннисчи Сэм Керри ва Ражив Рам кураш олиб боришди.

Учрашув жараёни назоратини тўлиқ ўз қўлига олган Сэм Керри рақибини 6:4, 7:6 (8:6) доғда қолдириб, турнирнинг бош соврини соҳиби бўлди. 

«Халқ овози»нинг спорт шарҳловчиси.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Бойчечак

 

Абдусаид Кўчимов 1951 йили Самарқанд вилоятининг Ургут районида туғилган. 1968-1972 йилларда Низомий номидаги Тошкент Давлат педагогика институтининг ўзбек филологияси факултетида таҳсил олган

Унинг "Кашфиётчи болалар", "Менинг Ўзбекистоним", "Тошбургут", "Менинг юлдузим", "Чаноқ", "Ҳалқа", "Икки баҳор", "Умид дарахтлари", "Қиёфа", "Ёсуман", "Баланд тоғлар", "Кўзларимнинг

Муфассал...

МИЛЛАТ ПЕШВОСИ – СУҒД ВИЛОЯТИДА

28 март куни Панжакент шаҳрида Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон катта маданий ва ижодий мажмуани очди.

Дастлаб Миллат пешвоси мажмуа майдонида Тожикистон Халқ шоири Лойиқ Шерали ёдгорлиги устидан пардани очиб, унинг пойига гулчамбар қўйди. Баландлиги 6,3 ва кенглиги 6 метрни ташкил қилувчи ёдгорлик ҳайкалтарошлар -

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
549610

ӮҚУВЧИЛАР СОНИ

2471083
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1274
2679
3953
2448083
25861
71175
2471083

Сизнинг IPнгиз: 3.214.184.124
Бугун: 10-12-2019 16:59:54

ҲАМКОРЛАР

 

 

   

2015