Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 11 Июн 2015 Кӯришлар: 870
Печат

 

dilshod nazarovХитойнинг Ухан шаҳрида спортнинг енгил атлетика тури бўйича Осиё чемпионати турнири ниҳоясига етди.

Унда Тожикистон енгил атлетикасининг етакчиси Дилшод Назаров босқонни 77 метру 88 сантиметрга ирғитиб, ўз фаолиятида учинчи бор Осиё чемпиони унвонига сазовор бўлди.

Шунингдек, қитъа биринчилигида мамлакатимизнинг Фарҳод Куралов, Александр ва Кристина Проженколар, Даврон Отабоев сингари кўзга кўринган енгил атлетикачилари ҳам қатнашдилар.

Тожикистон енгил атлетикачилари энди 22-30 август кунлари Пекин шаҳрида бўлиб ўтадиган жаҳон чемпионатига тайёрланиш учун ўқув-машғулотларни бошлашади.

МАВҚЕ ТЎРТ ПОҒОНА ЯХШИЛАНДИ

Халқаро футбол федерациялари ассоциацияси (ФИФА) май ойи учун жаҳон терма жамоаларининг рейтинг-варақасини эълон қилди.

Янги мавқе рўйхатига кўра, 173 очко тўплаган Тожикистон миллий термаси илгари эгаллаб турган 143-ўриндан 139-жойга кўтарилиб олди.

Осиё қитъаси терма жамоалари ўртасида бир поғона юқорилаб, 21-ўринни ишғол қилиб турибди.

Рейтинг-варақада ҳамон амалдаги жаҳон чемпиони Германия терма жамоаси пешқадам бўлиб қолмоқда.

Учинчи ўринда бораётган Белгия бош жамоаси ўз мавқеини яхшилаб, иккинчи жойга эгалик қилди.

Франция терма жамоаси кучли ўнликка қайтиб, 9-ўринни эгаллади. Швейцария термаси эса, 9-жойдан 11-ўринга тушиб кетди.

ЎСМИР ВА ЁШЛАР РАҚИБЛАРИ АНИҚ

Осиё футбол конфедерациясининг Куала-Лумпур шаҳридаги штаб- квартирасида футбол бўйича ўсмирлар (U-16) ва ёшлар (U-19) ўртасида «Осиё чемпионати-2016» турнирининг гуруҳ саралаш бочқичи иштирокчиларини аниқлаб берувчи қуръа ташлаш маросими бўлиб ўтди.

Унинг натижаларига кўра, ўсмирларимиз терма жамоаси «Е» гуруҳидан ўрин олди ва Қатар, Ироқ ва Туркманистон ўсмирлар терма жамоаларига қарши тўп суради.

Гуруҳ саралаш босқичи ўйинлари 16-20 сентябр кунлари Қатар давлати пойтахти Доха шаҳрида ўтказилади.

Ёшлар терма жамоаси «F» гуруҳи аъзолари қаторида бўлиб, Ироқ, Баҳрайн ва Малдив ороллари намояндалари билан беллашади.

Гуруҳ босқичининг 2-6 октябр кунлари бўлиб ўтадиган мусобақаларига мамлакатимиз пойтахти Душанбе шаҳри мезбонлик қилади.

«БАРСЕЛОНА» – ЧЕМПИОНЛАР ЛИГАСИ ҒОЛИБИ

Германия пойтахти Берлин шаҳрида Европа клубларининг нуфузли турнири – Чемпионлар лигасининг финал учрашуви бўлиб ўтди.

Унда Италиянинг «Ювентус» ва Испаниянинг «Барселона» жамоалари бош соврин учун ўзаро кураш олиб бордилар.

Учрашув тенг курашлар асосида бошланиб, унинг иккинчи қисми ўнинчи дақиқасигача дуранг кўринишдаги – 1:1 ҳисоби ҳукмронлик қилди.

Иккинчи қисмда испанияликлар устунликни ўз қўлларига олиб, аввал Луис Суарес, асосий вақтга қўшиб берилган беш дақиқада Неймарлар рақиб дарвозасига биттадан тўп йўллаб, ғалабани илиб кетишди. Якуний ҳисоб – 1:3.

Шундай қилиб, «Барселона» жамоаси ўз тарихида бешинчи марта Чемпионлар лигаси ғолиби бўлди.

 

АМЕРИКАЛИК ТЕННИСЧИ МУВАФФАҚИЯТИ

Париж шаҳрида теннис бўйича «Катта дубулға» туркумига кирувчи Франция очиқ чемпионати мусобақаларига якун ясалди.

Аёллар ўртасида америкалик Сирена Уилямс «Роллан Гаррос» турнирининг ғолиби, деб топилди.

У мусобақанинг финал босқичида чехиялик теннисчи Люси Шафаржовага қарши кортга чиқди.

Шиддатли кечган беллашув натижаси 6:3, 6:7, (2:7) 6:2 ҳисобида америкалик теннисчи фойдасига ҳал бўлди.

Бу Сирена Уилямснинг «Роллан Гаррос» турниридаги учинчи, «Катта дубулға» туркумига кирувчи мусобақалардаги йигирманчи ғалабасидир.

 

КАСБИЙ РИНГДАГИ МАҒЛУБИЯТСИЗ «ЮРИШ»

Қозоқ боксчиси Роман Жайлауов касбий рингда мағлубиятсиз чиқиш қилиб, сурункасига ўзининг ўн бешинчи ғалабасига эришди.

Жанубий Африка Республикасида ўтказилган рейтинг жангида у майдон эгаси Луянда Жакога қарши рингга кўтарилди.

Муштлашув яққол қозоқ боксчиси устунлигида бошланди ва биринчи уч минутликнинг ўзидаёқ Роман Жайлауов рақибини нокаут ҳолатига тушириб, юз фоизли ғалабага эришди.

Мутахассисларнинг фикрларича, қозоқ боксчиси ўз чиқишларини шундай давом эттирса, яқин пайтларда чемпионликка даъвогарлар сафига қўшилиши мумкин.

«Халқ овози» спорт шарҳловчиси.

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

ТАСАННО

 

Бирлашмаган эл доим хор бўлар, талош бўлар,

Бундай элнинг бағри доғ, кўзларида ёш бўлар.

Бўлар элнинг фарзанди ўн бешида бош бўлар,

Эл дардини тинглаган ўғлонларга тасанно,

Ҳақ йўлини англаган инсонларга тасанно.

Муфассал...

Миллат пешвоси Темурмалик ва Данғара ноҳияларида

 

1 июн куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Хатлон вилоятининг Темурмалик ноҳиясига ташриф буюрди.

Республиканинг бу аграр ноҳиясида Давлат бошлиғи Бобоюнус номли қишлоқ жамоатининг Гулобод мавзесида чорва озуқасини ўриш ва захира қилиш бўйича семинар-йиғилишда қатнашди.

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
601138

ӮҚУВЧИЛАР СОНИ

2604799
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
233
2144
15812
2566558
72895
86682
2604799

Сизнинг IPнгиз: 18.232.55.175
Бугун: 26-01-2020 02:16:18

ҲАМКОРЛАР

 

 

   

2015