Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 07 Сентябр 2018 Кӯришлар: 351
Печат

 

d nazarov 271020161Индонезиянинг Жакарта ва Палембанг шаҳарларида қитъанинг энг нуфузли спорт мусобақаси «Осиё ўйинлари-2018» турнири ниҳоясига етди.

Мусобақаларда Ватанимиз шарафини ҳимоя қилган вакилларимиз ўз жамғармаларига 7та- 4 кумуш ва 3та бронза медалларини тўплаб, умумжамоа ҳисобида 30-ўринни эгалладилар.

Совриндорлар орасида тожик енгил атлетикасининг лидери, олимпиада чемпиони, босқон ирғитувчи Дилшод Назаров, байдарка ва каноэда эшкак эшувчи Шаҳриёр Даминов, курашнинг дзюдо ҳамда самбо турлари бўйича гиламга чиққан курашчилар: жаҳон чемпиони Беҳрўз Хожазода, Комроншоҳ Устопириён, Шакармамад Мирмамадов, Умед Давлатбековлар бор.

Шуни алоҳида таъкидлаш жоизки, Комроншоҳ Устопириён биратўла курашнинг дзюдо ва самбо турлари бўйича бронза медалларига эгалик қилди.

 

------------   Футбол   ------------

ХЎЖАНДДА ЎРТОҚЛИК УЧРАШУВИ

Суғд вилоятининг маъмурий маркази Хўжанд шаҳрида ўтказилаётган қардош Ўзбекистоннинг Самарқанд вилояти маданияти кунлари доирасида икки минтақанинг футбол клублари "Хўжанд" ва "Динамо" жамоалари ўртасида ўртоқлик учрашуви ўтказилади.

Ўйин Хўжанддаги "Тожикистон мустақиллигининг ХХ йиллиги" стадионида 7 сентябр куни ташкиллаштирилиб, маҳаллий вақт билан 16.00да бошланади.

Икки қўшни вилоят футбол жамоалари ўртасида ўртоқлик учрашувлари ўтказиш анъана тусини олиб бормоқда. Жорий йилнинг апрел ойида Самарқанд шаҳрида ўтказилган ўйин дуранг кўринишдаги-2:2 ҳисобида якун топган эди.

 

------------   Футзал   ------------

ЯНГИ МАЙДОНДА МУСОБАҚА

Тоғли Бадахшон мухтор вилоятининг бош шаҳри-Хоруғда янги қурилиб, фойдаланишга топширилган сунъий футзал майдонида мини-футбол бўйича дастлабки турнир - «ТФФ президенти кубоги» мусобақалари ўтказилди.

Унда мухтор вилоятнинг турли ҳудудларидан бўлган 24 жамоа 6 гуруҳга ажратилиб, ғолиблик учун кураш бошлади. Сўнгра мусобақалар плей-офф тизимида давом этди.

Турнир якунида ғолиб жамоалар ва энг яхши иштирокчилар турли номинациялар бўйича мукофотлар билан тақдирландилар.

 

=======   Жаҳонда   =======

------------   Футбол   ------------

МОНАКОДА ТАҚДИРЛАШ МАРОСИМИ

Франциянинг Монако шаҳрида УЕФА (Европа футбол ассоциациялари бошқармаси) доирасида йилнинг энг яхши футболчисини тақдирлаш маросими бўлиб ўтди.

Спорт журналистлари, бош мураббийлар, терма жамоалар сардорлари ўртасида ўтказилган сўров натижаларига кўра, Хорватия терма жамоаси ва Испаниянинг "Реал" клуби ярим ҳимоячиси Лука Модрич 2017-18 йиллар футбол мавсумида Европанинг энг яхши тўптепари деб топилди.

Шунингдек, бу олий мақом учун Италиянинг "Ювентус" ҳамда Англиянинг "Ливерпул" жамоалари ҳужумчилари Криштиану Роналду ва Муҳаммад Салоҳлар ҳам даъвогарлик қилишган эди.

 

------------   Волейбол   ------------

ОЛИМПИАДА ЧЕМПИОНИ ЯПОНИЯДА

Россия терма жамоасининг аъзоси, олимпиада чемпиони Дмитрий Мусэрский Япониянинг "Сантори Санбёрдз" клуби аъзосига айланди. Жамоа маъмурияти ва волейболчи ўртасида имзоланган шартнома икки йилга мўлжалланган.

Дмитрий Мусэрский кейинги 13 йил давомида Белгороднинг "Белогоре" клубида фаолият юритган.

У жамоа таркибида Россия чемпионати, Чемпионлар лигаси, Европа волейбол конфедерацияси, клублар ўртасидаги жаҳон чемпионати сингари нуфузли турнирларда ғолиб чиққан.

Россия терма жамоаси аъзоси сифатида эса, олимпиада чемпиони (2012 йил) бўлган, Европа чемпионати, жаҳон кубоги ва лигаси мусобақаларида зафар қучган.

 

--------------   Теннис   --------------

ЮЛДУЗНИНГ ОМАДСИЗ ЧИҚИШИ

Дунёнинг биринчи ракеткаси, руминиялик Симона Халепнинг Америка Қўшма Штатлари очиқ чемпионати (US Open)даги дастлабки чиқиши омадли кечмади.

У турнирнинг биринчи даврасида WTA (Жаҳон аёллар теннис ассоциацияси) рейтингида 31-ўринни эгаллаб турган эстониялик Кайе Кенепига қарши кортга чиқди ва 6:2, 6:4 ҳисобида имкониятни бой бериб қўйди.

Бу руминиялик теннисчи фаолиятидаги энг аламли мағлубиятлардан биридир.

"Халқ овози"нинг спорт шарҳловчиси.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Ҳабибулло Ботиров: -Инсон… шуҳратда ҳам синалади

 

Авжи баҳор. Субҳидам. Йўловчи машинадан тушиб, дарвозадан лолақизғалдоқлар гулхани лов-лов ёниб турган, қарийб юз йиллик тарихга эга бўлган қабристонга қадам қўяман. Бу ер ҳаётнинг минг бир ташвишини елкага ортиб, бир кам дунёнинг камини бут қиламан деб, рўзғорнинг тубсиз ғорига кўмилиб кетмаслик учун эҳтиётлик билан елиб-югурган, аммо охир-оқибат, келиб-келиб тўхтаган, тин олган, йиртиқ-ямоқ бўз яктаги устида ҳилвираб

Муфассал...

НУРАФШОН КЕЛАЖАК САРИ

 

ёхуд «Барқи Тожик» очиқ ҳиссадорлик холдинг компаниясининг мамлакат аҳолисига мурожаати хусусида

Мустақил Тожикистонимизда соғлиқни сақлаш тизимидаги ўзгаришларни мушоҳада этаркансан, тан бермасдан иложинг йўқ. Зеро, бунақаси ҳалигача юз бермаган эди-да. Агар мустақиллигимизнинг дастлабки ўн йилини қайта тиклаш учун сарф этдик, деб ўйласак, демак бор-йўғи 15-16 йил ичида тиббиёт соҳасида юз берган улкан ўзгаришларни ўзига хос инқилоб, деб аташ мумкин.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465283

ӮҚУВЧИЛАР СОНИ

2217718
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1186
1373
9704
2199519
24710
46701
2217718

Сизнинг IPнгиз: 18.232.53.231
Бугун: 17-08-2019 19:55:04

ҲАМКОРЛАР

 

 

   

2015