Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 02 Март 2018 Кӯришлар: 2363
Печат

 

olimpiada 2018Ёхуд Жанубий Кореянинг Пхёнчхан шаҳри мезбонлик қилган қишки олимпиада ўйинлари якунларига бир назар…

Пхёнчхан энди олимпиада пойтахти эмас… Халқаро олимпиада комитетининг президенти Томас Бах «Пхёнчхан-2018» қишки олимпиада ўйинларининг ёпилганини расман эълон қилди. Феврал ойининг 9-25 кунлари оралиғида бўлиб ўтган мусобақаларда дунёнинг 92 давлатидан 2925 нафар вакил

қатнашди.

Улар қишки спортнинг 15 тури бўйича, 102та медаллар жамланмасига эгалик қилиш учун кураш олиб бордилар.

Олимпиада иштирокчиларидан 30 давлат вакиллари совриндорга айланиб, ҳеч бўлмаса, битта медал соҳиби бўлишди.

Қўлга киритилган медаллар сони бўйича норвегиялик спортчилар жами 39та: 14та олтин, 14 кумуш ва 11та бронза медал жамғариб, жаҳон рекордини янгилашга муваффақ бўлишди.

Аввалги рекорд америкаликларга мансуб бўлиб (37: 9-15-13), «Ванкувер-2010»да ўрнатилган.

Бу жабҳада иккинчи ва учинчи ўринлар Германия (31: 14-10-7) ва Канада (29: 11-8-10) намояндаларига насиб этди.

Шунингдек, Америка Қўшма Штатлари, Голландия, Швеция, Жанубий Корея, Швейцария, Франция ва Австрия мамлакатлари ҳам кучли ўнликдан жой олишди.

Энг сўнгги олтин медални қўлга киритган норвегиялик тоғ чанғичиси Марит Борген олимпиада ўйинларининг ҳаммадан кўп самарага эришган иштирокчиси, деб топилди. У ўз фаолияти давомида 15та медалга эгалик қилган. Уларнинг 8таси олтин, 4таси кумуш, 3таси бронзадир.

Олдин бундай кўрсаткичга унинг юртдоши Уле Эйнар Борндален (13: 8-4-1) эришган.

Қишки спортнинг икки тури – тоғ чанғиси ва сноуборд бўйича чемпионликка сазовор бўлган чехиялик Эстер Ледецка олимпиада тарихида бундай натижа қайд этган биринчи спортчи бўлди.

Швециялик кёрлингчи қизлар сурункасига учинчи марта чемпионликка эришиб, рекордчи сифатида қайдга олиндилар.

Фигурали учиш бўйича қисқа дастурларда иштирок этган россиялик атлетлар Евгения Медведова ҳамда Алина Загитовалар жаҳон рекордини янгилашнинг уддасидан чиқишди.

Шу билан бирга Алина Загитова олимпиаданинг энг ёш (15 яшар) чемпиони бўлиб тарихга кирди.

Олимпиада жараёнида катта «шов-шув»ларга сабаб бўлган воқеалар ҳам юз берди.

Шулардан бири: шайбали хоккей бўйича олимпиаданинг кумуш медалига муносиб чиқиш қилган Германия терма жамоаси нуфузли спорт анжуманининг «кашфиёти», дея эълон қилинди.

Мутахассислар уларнинг ҳаракатларини «муз устидаги мўъжиза», деб баҳолашди.

Жаҳон рейтингида 8-ўринни эгаллаб турган германияликлар мусобақаларнинг чорак ва ярим финал босқичларида дунёнинг энг кучли жамоаларидан саналган Швеция, хусусан, рейтинг «карвонбоши»си Канада терма жамоаларини доғда қолдиришди.

Ҳал қилувчи финал босқичида германияликлардан 4:3 ҳисобида устун келган Россия терма жамоаси 26 йиллик танаффусдан сўнг, ғолиблик шоҳсупасининг энг юқори поғонасига кўтарилди.

Россия терма жамоаси аъзоси Иля Ковалчук олимпиаданинг энг қимматбаҳо ўйинчиси бўлди.

«Қизил машина» жамоаси сардори Павел Дацюк эса, «Учлик олтин клуби» аъзолиги, яъни жаҳон ва олимпиада чемпиони, шунингдек, Стэнли кубоги соҳибига айланган хоккейчилар рўйхатига киритилди.

Қишки олимпиада ўйинлари спортчиларнинг жароҳат олишлари ва бошқа кўнгилсиз воқеалардан холи бўлмади.

Бронза медалини қўлга киритган россиялик кёрлингчилар Александр Крушелницкий ва Анастасия Бризгаловалар допинг-тест синови пайтида тақиқланган мелдоний перепаратидан фойдаланганликда айбланиб, ўз совринларидан маҳрум этилдилар.

Шундай қилиб, кайфият кўтаринкилиги-ю тушкунлигига сабаб бўлган воқеаларга бой яна бир қишки олимпиада тарихга айланди…

Олимпиаданинг эстафета байроғи эса, хитойликларга топширилди. Зеро, 2022 йилда ўтказилиши режалаштирилган қишки олимпиада ўйинларига улар мезбон бўлишади.

 

Абдуҳафиз МИРЗААҲМЕДОВ,

«Халқ овози»нинг спорт шарҳловчиси.

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

"САХОВАТ" БОЗОРИДАГИ МУРУВВАТ

 

Кейинги пайтларда бозорларда нарх-навонинг бирмунча ошаётганлиги яққол кўзга ташлана бошланди. Айниқса, кундалик эҳтиёж маҳсулотларининг нархи ошганлигини турли сабаблар, жумладан, доллар нархининг кўтарилганлигини важ қилиб кўрсатилмоқда. Бироқ шунга қарамай, Тожикистон Республикаси Президенти муҳтарам Эмомали Раҳмон Жаноби олийлари бошчилигида ўтказилган мажлислардаги аҳоли мушкулини енгиллатиш борасидаги дастуру ҳидоятлари асосида жойларда эҳтиёждаги маҳсулотлар ярмаркаси ташкил этилиб, аҳолига қулай

Муфассал...

Аёл – раҳбар, сиёсатчи, турмуш ўртоқ…

 

Ёхуд жамиятда хотин-қизлар фаоллигини ошириш йўлида олиб борилаётган ишлар хусусида

Аёл бир қўли билан бешик тебратса, иккинчи қўли билан дунёни тебратади, деган гап бежизга айтилмаган. Ҳақиқатдан ҳам, аёл – оналар бугунги кунда қайнона-қайнота хизмати, рўзғор юмушлари, фарзанд тарбиясининг уддасидан чиқибгина қолмасдан, балки жамият ҳаётида ҳам муносиб фаолият юритишяпти. Тожикистон Республикаси Президенти ҳам мустақилликнинг илк йиллариданоқ жамиятда хотин-қизлар мавқеини юксалтириш масаласига алоҳида

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2614644

ӮҚУВЧИЛАР СОНИ

10360583
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
3199
6318
3199
10316547
96095
161581
10360583

Сизнинг IPнгиз: 216.73.216.149
Бугун: 16-11-2026 17:03:20

ҲАМКОРЛАР

 

 

   

2015