Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 17 Август 2017 Кӯришлар: 472
Печат

 

dilshod-nazarovБуюк Британиянинг пойтахти Лондон шаҳрида ўтказилган енгил атлетика бўйича жаҳон чемпионати мусобақаларида иштирок этган таниқли босқон ирғитувчи Дилшод Назаров еттинчи натижани кўрсатди.

Дунёнинг 12 нафар энг кучли босқон ирғитувчиси қаторида финал босқичига чиққан юртдошимиз снарядни 77,22 метрга улоқтирди.

Полшалик Павел Фаждек эса, босқонни 79,81 метрга ирғитиб, энг юқори кўрсаткичга эришди.

Россия Федерацияси намояндаси Валерий Пронкин кумуш медал соҳиби бўлди. Бронза медали эса, яна бир полшалик Войцех Новицкига насиб қилди.

Тожикистоннинг бошқа вакили - енгил атлетикачи Кристина Пронженко  400 метр масофани 1 дақиқа 03,44 секундда босиб ўтиб, 39 нафар спортчи орасида охирги ўринни эгаллади.

 

----------    Футбол    ----------

МИНТАҚАЛАРАРО ЯРИМ ФИНАЛ

Қитъа клублари ўртасидаги "Осиё футбол конфедерацияси кубоги-2017" турнирининг минтақалараро ярим финал учрашуви жорий йилнинг 22 августида Ҳисор шаҳридаги марказий стадионда ўтказилади.

Унда Тожикистоннинг амалдаги чемпиони "Истиқлол" ва Филиппиннинг "Церес" жамоалари ўзаро куч синашади.

Ғолиб жамоа навбатдаги - минтақалараро финал босқичида "Бенгалару" (Ҳиндистон) - "25 апрел" (Корея Халқ Демократик Республикаси) жуфтлигида ютиб чиққан клубга қарши майдонга тушади.

Финал учрашувини 2017 йилнинг 4 ноябрида ўтказиш назарда тутилган.

Агар "Истиқлол" жамоаси финал босқичига довур чиқиб борса, бош соврин тақдирини ҳал қилувчи ўйин Тожикистонда ташкиллаштирилиши мумкин.

 

======    Жаҳонда    ======

----------    Теннис    ----------

ФЕДЕРЕРНИНГ КЕТМА-КЕТ ҒАЛАБАЛАРИ

Швейцариялик теннисчи Рожер Федерер фаолиятида 15та кетма-кет ғалабага эришиб, ўзига хос рекорд ўрнатди.

Дунёнинг учинчи ракеткаси Канаданинг Монреал шаҳрида ташкил этилган халқаро турнирда испаниялик Роберто Баутиста-Агутни мағлуб этиб, рекорд кўрсаткичидаги зафарни қучди.

Рожер Федерер энг сўнгги мағлубиятига Германиянинг Штутгарт шаҳрида ўтказилган мусобақада майдон эгаси Томми Хаас томонидан учраган эди.

 

----------    Футбол    ----------

ЕВРОПА СУПЕРКУБОГИ  - "РЕАЛ"ДА

Европа клублари ўртасидаги нуфузли турнирлар Чемпионлар ва Европа лигалари ғолиблари Испаниянинг "Реал" ҳамда Англиянинг "Манчестер Юнайтед" клублари Европа суперкубогига эгалик қилиш учун "яшил майдон"га тушди.

Учрашувни кўтаринки руҳда фаоллик билан бошлаган Зайниддин Зидан шогирдлари ҳисобда иккита тўп фарқи билан олдинга чиқиб олишди.

Ўйиннинг иккинчи қисмида ўз ҳаракатлари сифатини анча яхшилаган "туманли албион" жамоаси аъзолари битта жавоб голи йўллашга муваффақ бўлишди. Шундан сўнг, матч охиригача ҳисобда ўзгариш бўлмади.

Шундай қилиб, "Реал" жамоаси ўз фаолиятида учинчи марта Европа суперкубоги эгасига айланди.

Кези келганда шуни ҳам таъкидлаш жоизки, Испания суперкубоги учун ўтказилган илк учрашувда мадридликлар "Барселона" жамоасини 1:3 ҳисобида доғда қолдиришди.

***

Рим шаҳрида футбол бўйича Италия суперкубоги совриндорини аниқлаб берувчи учрашув бўлиб ўтди.

Унда суперкубокка даъвогар жамоалар Римнинг "Лацио" ва Турин шаҳрининг "Ювентус" клублари бир-бирига қарши тўп сурди.

Кескин кечган ўйин якунида 3:2 ҳисоби қайд этилиб, "Лацио" жамоаси суперкубокни қўлга киритди.

 

---------    Енгил атлетика    ---------

ЯМАЙКАЛИК ЖАРОҲАТ ОЛДИ

Лондон шаҳридаги "Олимпиада" стадионида енгил атлетика бўйича ўтказилган жаҳон чемпионати дастуридан ўрин олган 4х400 эстафета масофасига югуришда "дунёнинг энг тез одами" лақабини олган ямайкалик Усейн Болт оёғидан жароҳат олди ва белгиланган маррагача югуриб боролмади.

Спринтернинг жароҳати, нафақат, ўзини, балки шерикларининг ҳам медалсиз қолишларига сабаб бўлди.

Усейн Болт мусобақалардан кейин, стадионда фахрий тарзда давра олиб югурди ва ўз фаолиятини якунлаганини расман маълум қилди.

 

"Халқ овози"нинг спорт шарҳловчиси.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Суғддаги сайёҳлар севган жойлар

 

Искандаркўл Душанбе –Хўжанд шоҳ йўлига яқин жойлашган. Пойтахт томондан юрилганда, йўлнинг чап тарафида. Кўл баланд тоғлар қўйнида, денгиз сатҳидан 2 минг метр баландликда жойлашган. Кўлнинг умумий майдони деярли 3 ярим квадрат километрга тенг бўлиб, чуқурлиги 72 метрга етади.

Айний ноҳияси ҳудудида жойлашган кўлга Саратоғ, Ҳазормеш, Сарема дарёлари қуйилади. Кўлдан эса, Искандардарё оқиб чиқади. У сал ўтмасдан,

Муфассал...

Ўзбекистон элчиси: - ТОЖИКИСТОН ПРЕЗИДЕНТИНИНГ ДАВЛАТ ТАШРИФИГА КАТТА ТАЙЁРГАРЛИК КЎРИЛМОҚДА

 

- 2018 йилни дўсту биродар Тожикистон ва Ўзбекистон халқлари ўртасидаги алоқалар янги тарихининг олтин саҳифаси дейиш мумкин, - деди Тожикистон Республикаси Президенти ҳузуридаги Стратегик тадқиқотлар маркази директори Худоберди Холиқназар ушбу марказ томонидан ташкил этилган «Тожикистон ва Ўзбекистон маданий ҳамкорликлари» мавзусидаги давра столи кириш қисмида.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
466890

ӮҚУВЧИЛАР СОНИ

2222138
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
472
1709
2181
2208014
29130
46701
2222138

Сизнинг IPнгиз: 3.81.28.94
Бугун: 20-08-2019 05:45:33

ҲАМКОРЛАР

 

 

   

2015