Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 31 Март 2017 Кӯришлар: 569
Печат

 

m jalilov 2017Тожикистон миллий терма жамоаси учун катта синов  - Осиё кубоги-2017» турнирининг гуруҳ босқичи мусобақаларига старт берилди.

«Ғ» гуруҳида чиқиш қилаётган Ҳаким Фузайлов шогирдлари биринчи турдан олдин Риффа шаҳрида Баҳрайн давлати бош жамоаси билан ўртоқлик учрашуви ўтказишди. 

Учрашувнинг 4-дақиқасидаёқ термамиз ҳужумчиси Манучеҳр Жалилов томонидан киритилган «тез гол» юртдошларимизни ҳисобда олдинга олиб чиқди.

Ўйин учун ажратилган асосий вақт тугагунча ҳисоб ўзгармади. Ҳакам томонидан қўшиб берилган уч дақиқада эса, майдон эгалари ҳисобни тенглаштиришга муваффақ бўлишди. Ўртоқлик учрашуви дуранг-1:1 ҳисобида якун топди.

Саралаш мусобақаларининг 1-турида эса, футболчиларимиз Яман терма жамоасига қарши майдонга тушишди. Учрашувда 1:2 ҳисоби қайд этилиб, яманликлар зафар қучди.

Матч Қатар пойтахти Доҳа шаҳридаги Суҳайм бин Ҳамад номли стадионда бўлиб ўтди.

-----------    Футзал    -----------

«ДИСИ ИНВЕСТ» ҚИТЪА ЧЕМПИОНАТИДА

Мини-футбол бўйича уч карра Тожикистон чемпиони, пойтахтнинг «ДИСИ Инвест» клуби Осиё футбол конфедерацияси доирасидаги клублар чемпионатида иштирок этиш ҳуқуқига эга бўлди.

Бу ҳақда Осиё футбол конфедерацияси ижроия қўмитаси томонидан Тожикистон Футбол федерациясига расмий мактуб келди. 

Клублар чемпионатининг финал босқичини жорий йилнинг 19-30 июн кунлари Ветнамнинг Хошимин шаҳрида ўтказиш режалаштирилган. 

Эслатиб ўтиш жоизки, шу пайтгача Тожикистон футзал клубларидан бирортаси бу турнирда қатнашмаган.

-----------    Спорт турлари    -----------

ХАЛҚАРО ТУРНИРЛАР ЧОРЛАЙДИ

Жорий, 2017 йилда Тожикистон Республикаси спортчилари турли минтақавий ва жаҳон миқёсидаги нуфузли турнирларда иштирок этадилар. Уларнинг айримларини эътиборингизга ҳавола қиламиз.

Курашнинг самбо тури бўйича Осиё чемпионати. 1-3 апрел, Тошкент шаҳри.

Бокс бўйича Осиё биринчилиги. 30 апрел-7 май, Индонезия мамлакати.

Кураш бўйича Осиё чемпионати. 10-14 май, Ҳиндистон.

Енгил атлетика бўйича Осиё биринчилиги. 1-6 июн, Ҳиндистоннинг Ранчи шаҳри.

Таэквон-до WTF бўйича жаҳон чемпионати. 24-30 июн, Кореянинг Мужу шаҳри.

Кураш бўйича жаҳон чемпионати. 21-26 июл, Франция давлати. 

Бокс бўйича жаҳон чемпионати. 25 август-3 сентябр, Германия Федератив Республикаси.

Курашнинг дзюдо тури бўйича жаҳон биринчилиги. 28 август-3 сентябр, Венгрия Республикаси.

 

=====    Жаҳонда    =====

ҚИЛИЧБОЗНИНГ ОЛТИН МЕДАЛИ

Финляндияда спортнинг қиличбозлик тури бўйича «Жаҳон кубоги» мусобақалари ўз якунига етди.

Биринчи рақамли турнирда дунёнинг Россия, Гонгконг, Италия, Америка Қўшма Штатлари, Германия, Швеция каби давлатларининг 90 нафардан ортиқ намояндалари ўзаро ғолиблик учун кураш олиб бордилар.

Ўзбекистон Республикасининг вакили, 32 ёшли Олег Соколов мусобақанинг барча босқичларида рақибларини мағлуб этиб, «Жаҳон кубоги»нинг олтин медалига сазовор бўлди.

Иккинчи ва учинчи ўринлар италияликларга насиб қилди.

-----------    Бокс    -----------

«ҚАСОС» ЖАНГИ ЎТКАЗИЛАДИ

Касбий бокснинг WBA (Бутунжаҳон боксчилар ассоциацияси), WBO (Бутунжаҳон боксчилар ташкилоти), IBF (Халқаро боксчилар федерацияси) йўналишлари бўйича собиқ жаҳон чемпиони, россиялик Сергей Ковалёв ва мазкур йўналишлар бўйича амалдаги жаҳон чемпиони, америкалик Андре Уорд ўртасида «қасос» жанги ўтказиладиган бўлди.

-Икки кун аввал, «қасос» жанги ўтказиш ҳақидаги шартномага имзо чекдим,-деди россиялик боксчи журналистларга берган интервюсида.

Ўтган 2016 йилда америкалик «чарм қўлқоп устаси» Сергей Ковалёвдан барча йўналишлар чемпионлик камарини тортиб олган эди.

«Қасос» жанги ўтказиладиган жой ва вақти ҳақида қўшимча маълумот берилади.

-----------    Волейбол    -----------

МУРАББИЙ ЁРДАМЧИСИ ЎЗГАРДИ

Туркия аёллар миллий терма жамоасининг собиқ бош мураббийи Ферхат Ақбаш Япония терма жамоаси бош мураббийининг ёрдамчиси этиб тайинланди.

Бундан асосий мақсад: 2020 йилда ўтказиладиган ёзги олимпиада ўйинларига мезбонлик қиладиган майдон эгаларини халқаро турнирга муносиб тайёрлашдир.

Ақбаш бошқарган Туркия аёллар терма жамоаси 2014 йилда Евролига мусобақаларида ғолиб чиққан эди.

Шундан кейин, 2015 йилда Боку шаҳрида ўтказилган Европа ўйинларининг олтин, ёшлар (U-23) ўртасидаги жаҳон чемпионатининг кумуш медалларини қўлга киритган.

Шунингдек, 30 ёшли турк мутахассиси Руминиянинг «Букурошт» аёллар клубига ҳам устозлик қилган.

«Халқ овози»нинг спорт шарҳловчиси.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Бунёдкорлик ва ободончиликка бош қўшиш – ҳар бир фуқаронинг ватанпарварлик бурчи

 

Давлат ҳокимияти Кўлоб шаҳри ижроия органи маъмурий биноси мажлислар залида мамлакат Бош вазири Қоҳир Расулзода иштирокида Кўлоб шаҳри ва қишлоқларининг Тожикистон Республикаси давлат истиқлолияти 30 йиллигига тайёргарлик масаласига бағишланган йиғилиш бўлиб ўтди. Мажлисда вилоят раиси Давлатшоҳ Гулмаҳмадзода ва тегишли вазирлик, идора, ташкилот ва муассасалардан масъул шахслар иштирок этишди.

Муфассал...

Тожикистон Республикаси Президентининг Тожикистон Республикаси Олий Мажлисига йўллаган Паёми

 

Муҳтарам Миллий мажлис аъзолари ва Намояндалар мажлиси вакиллари! Азиз ватандошлар!

2018 йил ниҳоятда муҳим ва эсда қоларли воқеалари билан Тожикистоннинг шарафли халқи ва тожиклар мустақил давлати учун, ҳақиқатдан ҳам, тарихий йил бўлди.

Жорий йилнинг йигирма иккинчи марти - Халқаро сув захиралари

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
466111

ӮҚУВЧИЛАР СОНИ

2219901
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1952
1417
11887
2199519
26893
46701
2219901

Сизнинг IPнгиз: 34.204.179.0
Бугун: 18-08-2019 23:10:42

ҲАМКОРЛАР

 

 

   

2015