Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 17 Ноябр 2016 Кӯришлар: 596
Печат

 

h fuzaylovТожикистон миллий терма жамоаси «Осиё кубоги-2017» турнирига ҳозирлик кўриш доирасида кетма-кет иккита ўртоқлик учрашуви ўтказди.

Аввал Туркманистон термасини қабул қилган Ҳаким Фузайлов шогирдлари уюшқоқлик билан яхши савиядаги футбол намойиш этиб, туркманлар дарвозасига учта жавобсиз тўп йўлладилар.

Пойтахтнинг «Истиқлол» ва миллий терма жамоамиз ҳужумчиси Манучеҳр Жалилов «хет-трик»ка эришди.

Иккинчи учрашув эса, Афғонистон терма жамоасига қарши ўтказилди. Ўйиннинг 74-дақиқасида Манучеҳр Жалилов киритган ягона гол Тожикистон термасининг ғалабасини таъминлади. 

Мамлакат терма жамоасининг бош мураббийси Ҳаким Фузайлов журналистларга берган интервюсида бундай ўртоқлик учрашувларини ўтказиш, «Осиё кубоги-2017»дек нуфузли турнирга тайёргарлик кўришда муҳим аҳамият касб этишини алоҳида таъкидлади.

------------    Кураш    ------------

ЖАҲОН ЧЕМПИОНАТИ МЕДАЛЛАРИ

Болгария пойтахти София шаҳрида курашнинг самбо тури бўйича жаҳон чемпионати мусобақалари ўз ниҳоясига етди.

Тожикистон байроғи остида 52, 74 ва 90 килограмм вазн тоифаларида гиламга чиққан Жоми Ҳасан, Ҳамроз Ражабов ва Комроншоҳ Устопириёнлар турнирнинг бронза медали учун кечган беллашувларда рақибларини мағлуб этиб, кучли учликдан жой олдилар.

Шунингдек, мазкур – дунёнинг 80 давлати намояндалари қатнашган  турнирда Акмалиддин Каримов  ва Шамшод Абдуллаевлар 57 ва 100 килограмм вазн тоифаларида мамлакатимиз шарафини ҳимоя қилишди.

Эслатиб ўтиш жоизки, ўтган йили Мароккода бўлиб ўтган жаҳон чемпионатида ҳам Тожикистон вакиллари Акмалиддин Каримов ва Набимуҳаммад Хоркашевлар ўз вазн тоифаларида республикамиз жамғармасига кумуш медалларини келтиришган эди.

 

======    Жаҳонда    ======

---------------    Бокс    ---------------

ЖАНГ ЕКАТЕРИНБУРГДА ЎТАДИ

Касбий бокснинг WBC (Бутунжаҳон боксчилар кенгаши) йўналиши бўйича ўта оғир вазнли спортчилар ўртасида «муваққат» чемпионлик жанги 2016 йилнинг 17 декабрида Россия Федерациясининг Екатеринбург шаҳрида бўлиб ўтади.

Бу ҳақда «Мир бокса» («Бокс дунёси») промоутерлик кампаниясининг бошлиғи Андрей Рябинский расман эълон қилди. 

Унда россиялик Александр Поветкин ва канадалик Бермейн Стиверн ғолиблик учун рингга кўтарилишади.

Аслида чемпионликка асосий даъвогар Александр Поветкин амалдаги жаҳон чемпиони, америкалик Деонтей Уайлдер билан жанг ўтказиши лозим эди. Аммо «сеҳрли диёр»лик чарм қўлқоп устасининг жароҳат олгани сабаб, «муваққат» чемпионлик учун жанг ўтказилади. Муштлашувда устунликка эришган боксчи кейинчалик чемпионлик йўлида Деонтей Уайлдер билан ўзаро куч синашади.

---------------    Шаҳмат    ---------------

КУРАШ ҚИЗҒИН ПАЛЛАДА

Америка Қўшма Штатларининг Ню-Йорк шаҳрида сайёра шаҳмат тожини қўлга киритиш учун жаҳон чемпионати турнирига старт берилди.

Унда шаҳмат бўйича амалдаги жаҳон чемпиони, норвегиялик Магнус Карлсен ва чемпионликка даъвогар россиялик Сергей Карякинлар ўзаро дона суришмоқда.

Айни пайтда ортда қолган тўрт тур натижаларига кўра, 2:2 ҳисоби қайд қилинган.

Таъкидлаб ўтиш лозимки, чемпионни аниқлаб берувчи турнир 12 партия давом этади. Беллашув мобайнида қайси шаҳматчи 6,5 очко жамғара олса, ўша ғолиб саналади.

Борди-ю, белгиланган муддатда дуранг натижа қайд этилса, 30 ноябр куни қўшимча партия ўтказиш белгиланган.

---------------    Теннис    ---------------

ОЙНИНГ ЭНГ ЯХШИ СПОРТЧИСИ

WTA (Жаҳон теннис ассоциацияси) аёллар ўртасида октябр ойининг энг яхши спортчисини аниқлаш учун ўтказилган сўров якунини эълон қилди.

Унинг натижаларига кўра, сўровда иштирок этганларнинг 55 фоиз овозини тўплай олган словакиялик теннисчи Доминика Цибулкова октябр ойида жаҳоннинг энг яхши теннисчиси, деб тан олинди.

Иккинчи ўрин эса, Полша теннис мактаби тарбияланувчиси Агнешка Радванскаяга (33 фоиз) насиб этди.

Кучли учликка яқинда Сингапурда ўтказилган мавсум якуний турнирининг ғолиби, германиялик Анжелика Кербер (12 фоиз) якун ясади.

---------------    Футбол    ---------------

РОНАЛДУНИНГ ЯНГИ ШАРТНОМАСИ

Португалия терма жамоасининг сардори, «Реал» (Испания) клубининг ҳужумчиси Криштиан Роналду ўз жамоаси билан янги шартнома имзолади.

XXI асрнинг 2021 йилигача мўлжалланган келишувга кўра, Роналду дунёнинг энг кўп маош оладиган футболчисига айланди. У ойига 45 миллион фунт меҳнат ҳақи олади ва беш йил бадалида 225 миллион фунт даромад қилади.

Криштиану Роналду «Реал» таркибида Чемпионлар лигаси, Испания кубоги (икки мартадан), Испания чемпионати, УЕФА (Европа футбол ассоциациялари бошқармаси) ва Испания суперкубоклари мусобақаларида ғолиб чиққан. Уч марта «Олтин тўп» соҳиби бўлган.

«Халқ овози»нинг спорт шарҳловчиси.

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

СИЛ КАСАЛЛИГИНИ ДАВОЛАСА БЎЛАДИМИ?

 

Бугунги кунда дунё тиббиёти тез суръатда ривожланиб, илгари шифоси бўлмаган дардларга даво топилмоқда. Жумладан, юртимиз мустақилликка эришиб, бошқа соҳалар қаторида соғлиқни сақлаш соҳасида ҳам изчил ислоҳотлар олиб борилди ва бу борадаги ишлар давом этмоқда. Шунга қарамай, аҳолининг  ҳалигача баъзи касалликлар ҳақида тўлиқ маълумотга эга эмаслиги, ўз танасидаги дардга эътиборсизлиги, инсон учун энг катта бойлик саналмиш

Муфассал...

ЗАРАРЛИ ҲАШАРОТ ВА КАСАЛЛИКЛАРГА ҚАРШИ КУРАШИШ УСУЛЛАРИ

 

Пахта қишлоқ хўжалигининг асосий экини ҳисобланади. Сўнгги йилларда мамлакатда соҳа тараққиётига жиддий аҳамият бериб келинмоқда. Ўз вақтидаги агротехник тадбирларининг йўлга қўйилиши натижасида пахта яхши ҳосил бермоқда. Лекин пахтанинг интенсив ўсиши пайтида зарар етказувчи ҳашаротлар ва касалликларга қарши ўз вақтида курашмаслик сифатли ҳосил олиш учун  жиддий тўсиқ туғдиради. Бу борада ўсимликларни зарарли организм

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
593893

ӮҚУВЧИЛАР СОНИ

2586304
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
623
3237
19746
2546984
54400
86682
2586304

Сизнинг IPнгиз: 100.26.179.196
Бугун: 19-01-2020 04:57:09

ҲАМКОРЛАР

 

 

   

2015