Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 11 Ноябр 2016 Кӯришлар: 714
Печат

 

mukhsin-mukhamadiyevОлий лига жамоалари ўртасида ниҳоясига етиб бораётган Тожикистон XXV чемпионатида муддатидан олдин чемпионликни нақд қилиб қўйган Душанбенинг «Истиқлол» клубига янги бош мураббий тайинланди.

Тожик футболининг таниқли намояндаси Муҳсин Муҳаммадиев жамоа маъмурияти билан уч йиллик шартномага имзо чекди.

Муҳсин Муҳаммадиев футболчи сифатида Қўрғонтепанинг «Пахтакор», Душанбенинг «Помир» ва Москва шаҳрининг «Локомотив» ҳамда «Спартак» жамоаларида тўп сурган.

Мураббийлик фаолиятини Россия Федерациясининг Подолск шаҳри «Витяз» клубида бошлаб, аввал мураббий (2003-2005), кейин бош мураббий (2006-2008) бўлиб ишлаган.

Кейинчалик, Қозон шаҳрининг «Рубин» футбол клуби спорт директори (2008-2012), Тожикистон миллий терма жамоаси (2013-2015), Қозоғистоннинг Чимкент шаҳри «Ордабаси» (2015-2016) клубларига бош мураббийлик қилган.

Европа футбол ассоциацияси(УЕФА)нинг «Рrо» тоифасидаги Европа мураббийлари лицензиясига эга.

 

ТОЖИКИСТОН КУБОГИ - «ИСТИҚЛОЛ»ДА

Душанбедаги республика марказий стадионида «Тожикистон кубоги» турнирининг ҳал қилувчи финал учрашуви бўлиб ўтди.

Унда пойтахтнинг «Истиқлол» ва Фархор ноҳиясининг «Ҳосилот» жамоалари бош соврин учун ўзаро куч синашди.

Ўйинга ажратилган асосий ва ҳакам томонидан берилган қўшимча вақт ҳам ғолибни аниқлолмади.

Истиқлолчилар Фатҳулло Фатҳуллоев ва Манучеҳр Жалиловларнинг рақиблар дарвозасига киритган голларига, фархорликлар Иброҳим Рабимов ҳамда «Ҳосилот»нинг ганалик легионери Мусо Содиқлар жавоб тўплари йўллашди.

Ғолибни аниқлаш 11 метрлик пеналти тепиш синови орқали йўлга қўйилди. Бунда Нуъмон Юсупов шогирдларининг қўллари баланд келиб, 5:4 ҳисобида ғалаба қозонишди.

Шундай қилиб, амалдаги мамлакат чемпиони - «Истиқлол» жамоаси олтинчи марта Тожикистон кубогига эгалик қилди.

 

======    Жаҳонда    ======

------------    Теннис    ------------

ЯКУНИЙ ТУРНИР НАТИЖАСИ

Сингапурда теннис бўйича аёллар ўртасида жорий мавсумнинг якуний турнири ўтказилди.

Дунёнинг саккиз нафар энг кучли спортчиси иштирок этган нуфузли мусобақа жаҳоннинг биринчи ракеткаси, германиялик Анжелик Кербернинг мағлубияти билан боғлиқ «шов-шув»ли натижа билан якун топди.

Ҳал қилувчи беллашувда словакиялик Доминика Цибулковага қарши кортга чиққан немис теннисчиси кутилмаганда, 3:6, 4:6 ҳисобида имкониятни бой бериб қўйди.

Мазкур ғалаба Доминика Цибулковага 1250 рейтинг очкоси ва 2 миллион АҚШ доллари миқдорида мукофот пули келтирди.

 

------------    Автоспорт    ------------

ГРАН-ПРИ «МЕРСЕДЕС» ЖАМОАСИДА

Автоспортнинг «Формула-1» туркумига кирувчи Мексика Гран-приси мусобақалари ниҳоясига етди.

Унда жаҳоннинг уч карра ва амалдаги чемпиони - «Мерседес» жамоасининг вакили Люис Хэмилтон ғолиб чиқди.

Ушбу муваффақият автопойгачининг мавсумдаги 8, фаолиятидаги 51-ғалабасидир.

Иккинчи ўрин эса, Люис Хэмилтоннинг «Мерседес»даги жамоадоши Нико Росбергга насиб қилди.

Турнир ғолибларининг кучли учлигига эса, Себастян Феттел якун ясади.

 

------------    Рейтинг    ------------

ДУНЁНИНГ «ТОП-10» БОКСЧИЛАРИ

«The Ring» журнали вазн тоифасидан қатъий назар сайёранинг энг кучли ўн нафар боксчиси рўйхатини эълон қилди.

Никарагуалик чарм қўлқоп устаси Роман Гонсалес рейтингнинг энг юқори поғонасидан жой олди.

Учта чемпионлик камарига эга биринчи оғир вазнли боксчи, россиялик Сергей Ковалёв иккинчи, биринчи ўрта вазн бўйича дунёнинг энг яхши боксчиси, қозоғистонлик Геннадий Головкин учинчи ўринни эгаллади.

Қолган ўринлар қуйидаги тартибда тақсимланди: Андре Уорд, Террес Кроуфорд (иккови ҳам АҚШдан), Гилермо Ригонда (Куба), Василий Ломаченко (Украина), Канело Алварес (Мексика), Шинсуке Яманака (Япония), Карл Фрэмптон (Буюк Британия).

 

------------    Футбол    ------------

«ОФК КУБОГИ-2016» ҒОЛИБИ

Қатар давлати пойтахти Доҳа шаҳрида жойлашган Суҳайм ибн Ҳамад номидаги стадионда «Осиё футбол конфедерацияси кубоги-2016» турнири ғолибини аниқлаб берувчи сўнгги босқич учрашуви бўлиб ўтди.

Унда Ироқнинг «Ал-Қувват-ул Жувия» ва Ҳиндистоннинг «Бенгалуру» жамоалари ўзаро ғолиблик учун майдонга тушди.

Учрашувнинг 70-дақиқасида Ироқ клуби аъзоси Аҳмад Ҳаммадий киритган ягона гол ўйин тақдирини ҳал қилиб, жамоаси ғалабасини таъминлади.

Шундай қилиб, Ироқнинг «Ал-Қувват-ул Жувия» жамоаси «Осиё футбол конфедерацияси кубоги-2016» турнирининг ушбу мавсумдаги ғолиби дея тан олинди.

 

«Халқ овози»нинг спорт шарҳловчиси.  

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Деҳқон хўжалиги ва деҳқон ташвиши

 

Ер деҳқонларга берилиб, ўз эгасини топгани рост. Инсон ҳар буюмни ўзиники бўлганидан кейингина қадрига етади ва ақли бўлса ундан унумлироқ фойдаланади. Аммо бунинг учун аниқ режалаштирилган имкониятлар яратилиши шарт. Ер ҳар бир давлатнинг асосий бойлиги. Ундан замонавий илмий-техника ютуқларидан кенг ва самарали фойдаланган ҳолда, мўл-кўл ҳосил етиштириш деҳқоннинг иши. Деҳқонга ҳамма томонлама шароит яратиш лозим. Дунёнинг

Муфассал...

Суғддаги сайёҳлар севган жойлар

 

Искандаркўл Душанбе –Хўжанд шоҳ йўлига яқин жойлашган. Пойтахт томондан юрилганда, йўлнинг чап тарафида. Кўл баланд тоғлар қўйнида, денгиз сатҳидан 2 минг метр баландликда жойлашган. Кўлнинг умумий майдони деярли 3 ярим квадрат километрга тенг бўлиб, чуқурлиги 72 метрга етади.

Айний ноҳияси ҳудудида жойлашган кўлга Саратоғ, Ҳазормеш, Сарема дарёлари қуйилади. Кўлдан эса, Искандардарё оқиб чиқади. У сал ўтмасдан,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
511639

ӮҚУВЧИЛАР СОНИ

2354125
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1297
3162
1297
2334650
47962
62133
2354125

Сизнинг IPнгиз: 35.175.191.168
Бугун: 21-10-2019 14:00:27

ҲАМКОРЛАР

 

 

   

2015