Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 22 Сентябр 2016 Кӯришлар: 566
Печат

 

fifa-17Халқаро футбол ассоциациялари федерацияси (ФИФА) сентябр ойи учун жаҳон терма жамоаларининг янги рейтинг варақасини эълон қилди.

Янги мавқе рўйхатига кўра, 215 очко тўплаган Тожикистон миллий терма жамоаси ўзининг аввалги 144-ўрнини сақлаб қолди.

Футбол мутахассисларининг фикрича, мамлакатимиз бош жамоаси фаолиятида ижобий ўзгаришлар юз бермаган.

Марказий Осиё терма жамаолари ўртасида энг юқори натижага Ўзбекистон терма жамоаси эришган. У эгаллаб турган ўрнидан беш поғона юқорилаб, 49-ўринни ишғол этиб турибди.

Қозоғистон 83, Қирғизистон 108, Туркманистон 116-зинада бормоқда.

Жаҳон рейтингидаги кучли учлик Аргентина, Белгия, Германия давлатлари бош жамоаларидан ташкил топган.

Шунингдек, Колумбия, Бразилия, Чили, Португалия, Франция, Уругвай ва Уэлс терма жамоалари «Топ-10»ликка кирган.

Эслатиб ўтиш жоизки, ФИФА 1993 йилдан бери рейтинг рўйхатини  тузиб келади. Унда терма жамоалар мавқеи кўрсатган натижасига қараб белгиланади.

 

--------------    Кураш    --------------

СОВРИНДОР ЎСМИР ВА ЁШЛАР

Ҳиндистонда курашнинг дзюдо тури бўйича ўсмирлар ва ёшлар ўртасида Осиё биринчилиги мусобақалари ниҳоясига етди.

«Сариқ қитъа» чемпионатида Тожикистон шарафини ҳимоя қилган тўрт нафар ўсмир ва ёш спортчилар турнир медаллари совриндори бўлишди.

Ёшлар ўртасида 81 килограмм вазн тоифасида гиламга чиққан Акмал Муродов ҳал қилувчи финал босқичида имкониятни бой бериб қўйди ва кумуш медалга эгалик қилди. 

Тожикистон терма жамоаси намояндалари Хуршид Мажидов (+100 килограмм) ва Ҳожимашраб Раҳмонов(90 килограмм)ларнинг чиқишлари бронза медаллари билан тақдирланди.

Ўсмирлар ўртасида 81 килограмм вазн тоифасида курашган дзюдочимиз Жаҳонгир Мажидов фахрли учинчи ўринни эгаллаб, бронза медали билан мукофотланди.

Қитъа чемпионати мусобақаларида ғолибларга жами 16та медаллар мажмуаси топширилди.

 

======    Жаҳонда    ======

--------------    Шаҳмат    --------------

БУТУНЖАҲОН ОЛИМПИАДАСИ ЯКУНИ

Озарбайжон Республикаси пойтахти Боку шаҳрида спортнинг шаҳмат тури бўйича аёллар ва эркаклар терма жамоалари ўртасида XXXXII бутунжаҳон олимпиадаси бўлиб ўтди.

Олимпиада мусобақаларида ҳар икки жинс вакилларидан иборат 10тадан бош жамоа ғолиблик учун ўзаро дона сурди.

Эркаклараро беллашувларда ўн бир имкониятдан 20 очко тўплаган Америка Қўшма Штатлари жамоаси ғолиб чиқди.

Иккинчи ва учинчи ўринлар эса, Украина ҳамда Россия терма жамоаларига насиб этди.

Аёллар ўртасида эса, хитойликларга тенг келадиган терма жамоа топилмади. Улар бутунжаҳон шаҳмат олимпиадаси ғолиблигини қўлга киритишди.

Полша терма жамоаси ўз тарихида «шов-шув»га сабаб бўладиган натижани қайд этиб, иккинчи поғонага кўтарилди. Украиналиклар кучли учликка нуқта қўйишди.

Қайд этиш лозимки, жорий йилнинг ноябр ойида Америка Қўшма Штатларининг пойтахти Ню-Йорк шаҳрида шаҳмат бўйича жаҳон чемпионати турнирига старт берилади. Унда амалдаги жаҳон шаҳмат тожи соҳиби, норвегиялик Магнус Карлсен ва россиялик жаҳон чемпионлигига даъвогар Сергей Корякинлар ўз омадларини синаб кўришади.

 

--------------    Футбол    --------------

ОСИЁ ЧЕМПИОНЛАР ЛИГАСИ

Қитъанинг бир қатор давлатлари стадионларида нуфузли турнир - Осиё чемпионлар лигасининг чорак финал босқичи такрор учрашувлари ўтказилди.

Қатарнинг «Ал-Жаиш» ва Бирлашган Араб Амирликларининг «Ан-Наср» жамоалари ўртасидаги қарама-қаршилик 1:0 ҳисобида қатарликлар фойдасига ҳал бўлди. Биринчи учрашувда ҳам улар 3:0 ҳисобида устунликка эришган эдилар.

Чорак финалнинг қолган учрашувларида қуйидаги натижалар қайд қилинди: «Локомотив» (Ўзбекистон)-«Ал-Айн» (Бирлашган Араб Амирликлари)-0:1(0:0), «Шанхай» СИПГ (Хитой)-«Чонбук Моторс» (Жанубий Корея)-0:0(0:5), «Сеул» (Жанубий Корея)-«Шандонг Лунэнг» (Хитой)-1:1(3:1).

Шундай қилиб, Осиё чемпионлар лигасининг ярим финалида «Ал-Айн»-«Ал-Жаиш», «Чонбук Моторс»-«Сеул» жуфтликлари бош соврин учун курашни давом эттиради.

Илк учрашувлар 28-29 сентябр, жавоб ўйинлари эса, 18-19 октябр кунлари ўтказилади.

 

-------------    Енгил атлетика    -------------

БОЛТ ЯНГИЛИКНИ КЎЗЛАМАЯПТИ

Сайёранинг тезликда тенги йўқ спортчиси - ямайкалик спринтер (яқин масофага югурувчи) Усейн Болт енгил атлетика бўйича 2017 йилги жаҳон чемпионатига тайёргарликни бошлаб юборди.

Тўққиз карра олимпиада чемпиони бу мусобақаларда янги жаҳон рекордини ўрнатиш нияти йўқлигини изҳор қилиб, шундай деди: -Шунчаки, жаҳон чемпионатида иштирок этишни хоҳлайман. Жаҳон рекорди ўрнатишнинг эса, вақти ўтди…

Усейн Болт фаолиятида тўртинчи бор - 2020 йилда Токиода ўтказиладиган ёзги олимпиада ўйинлари мусобақаларида қатнашиш нияти борлигини яшириб ўтирмади.

 

«Халқ овози»нинг спорт шарҳловчиси.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Мен бир насим бўлиб келдим, мен бир насим...

 

Сирожиддин Саййид 1958 йили Сурхондарё вилояти, Сариосиё районидаги Кундажувоз қишлоғида туғилган. Ўзбекистон Халқ шоири.

ТошДУнинг журналистика факултетини тугатган. «Руҳим харитаси», «Салқин харсанглар кафтида», «Севги мамлакати», «Асрагил», «Меҳр қолур, муҳаббат қолур», «Куйдим», «Ватанни ўрганиш», «Ватан абадий», «Устимиздан ўтган ойлар» каби шеърий тўпламлари нашр этилган.

Муфассал...

ХАЛҚЛАР ДЎСТЛИГИ КУЙЧИСИ

 

Ҳасанбой Ғойиб жуда сермаҳсул шоир ва публицист. У йигирма йилдан ортиқ ижодий фаолияти давомида саккизта китоб нашр этиб, бадиий сўз ихлосмандларига тавсия этган. Шунингдек, унинг мақола ва қиссалари доимий равишда «Халқ овози» республика газетаси ҳамда маҳаллий матбуотда чоп этилиб келинади. Унинг шеър ёки насрда ёзган ҳар бир мисраси Ватан, Тожикистон, она, яхшилик, хайрихоҳлик, қадр, бирлигу жипслик, ватанпарварлик фахри каби

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
510616

ӮҚУВЧИЛАР СОНИ

2351009
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1343
2162
16359
2320138
44846
62133
2351009

Сизнинг IPнгиз: 34.236.216.93
Бугун: 20-10-2019 02:57:25

ҲАМКОРЛАР

 

 

   

2015