11 июл куни Тинчлик ва миллий бирлик асосчиси –Миллат пешвоси, Тожикистон Республикаси Президенти, мамлакат Ҳукумати Раиси муҳтарам Эмомали Раҳмон бир қатор давлат тузилмаларида кадрлар ўзгаришини амалга оширди.

Шундай қилиб, Тожикистон Республикаси Президенти Эмомали Раҳмон фармони билан Латифов Умед Баротович бошқа ишга ўтганлиги сабабли, Тожикистон Миллий банки раиси ўринбосари вазифасидан озод этилиб

, Тожикистон Республикаси Ҳукумати қарори билан Тожикистон Республикаси молия вазири ўринбосари вазифасига тайинланди. У бу вазифада Соҳибов  Шавкат Қузиевич билан алмаштирилди.

Тожикистон Республикаси Ҳукуматининг бошқа қарорларига кўра, Қурбонзода Абдулло Ҳабибулло Тожикистон Республикаси Ҳукумати қошидаги Мелиорация ва ирригация агентлиги директори ўринбосари вазифасидан озод этилиб, мазкур Агентлик директори биринчи ўринбосари вазифасига тайинланди. Ҳасанзода Ҳомид Усмон эса, Тожикистон Республикаси Ҳукумати қошидаги Мелиорация ва ирригация агентлиги директори ўринбосари этиб тайинланди. 

Шунингдек, мамлакат бир қатор олий таълим муассасаларида ҳам кадрлар ўзгариши амалга оширилди. Тожикистон Республикаси Ҳукумати қарорларига биноан, Шоҳиён Нурали Набот Тожикистон технология университети ректори вазифасидан озод этилиб, Данғара Давлат университети ректори вазифасига тайинланди. Шоҳиён Нурали Набот бу вазифада Каримзода Маҳмадқул Бобо билан алмаштирилди.

Амонзода Илҳом Темур эса, Тожикистон технология университети ректори этиб тайинланди.

Шунингдек, Тожикистон Республикаси Президенти Эмомали Раҳмон билан келишилган ҳолда, Олимий Рауф Латифзода Хўжанд шаҳридаги Тожикистон иқтисод ва савдо институти директори, Додожонзода Акрам Аҳмаджон Москва энергетика институтининг Душанбе шаҳридаги филиали директори ва Каримзода Маҳмадқул Бобо Москва шаҳри пўлат ва қотишмалар институти миллий тадқиқот университети (МИСиС) Душанбе шаҳридаги филиали директори этиб тайинландилар.

«Ховар» ТМАА.