Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 10 Декабр 2015 Кӯришлар: 792
Печат

 

rogun 10- Мамлакатимиз ҳаёти барча соҳалари тараққиёти ва равнақи кичик ва йирик гидроэнергетик иншоотлар, биринчи навбатда, Роғун ГЭСи қурилиши билан боғлиқ. Айнан шу реалликни ҳисобга олган ҳолда, Роғун ГЭСи қурилишини Тожикистон учун ҳаётан муҳим масала, деб эълон қилдик, - деганди мамлакат Президенти Эмомали Раҳмон Роғун шаҳри раҳбарияти ва фаоллари билан 2015 йилнинг 15 июлида ўтказган учрашувида.

Мустақил Тожикистон учун Роғун ГЭСи қурилиши, дарҳақиқат, муҳим ҳаётий иншоот ҳисобланади. Мамлакатимиз раҳбарияти бу улкан иншоотнинг Тожикистон келгуси тараққиёти учун зарурлигини эътиборга олган ҳолда, унинг қурилишига қатор йиллардан буён катта маблағлар ажратиб келмоқда. Биргина ўтган 2014 йил Роғун ГЭСи қурилиши учун мамлакат бюджетидан 285 миллион доллар миқдорида маблағ ажратилганди. Жорий йил бу тақдирсоз иншоот учун янада кўпроқ – 308 миллион доллар маблағ ажратилди. Ажратилган маблағлар ГЭС қурувчилари томонидан ўзлаштирилаётганлиги ҳам бу иншоот қурилиши мунтазам равишда илгарилаб бораётганлигининг нишонаси.

Бутунжаҳон банки маълумотларига кўра, Тожикистон Ҳукумати 2010-2012 йиллар Роғун ГЭСи қурилиши учун 710 миллион доллар атрофида маблағ ажратган. 2013-2015 йиллар учун ҳам бюджетдан шунча маблағ ажратилганлиги маълум.

Тожикистон халқи Роғун ГЭСига катта умид боғламоқда. Зеро, мазкур гидроэнергетик иншоот қуриб битказилгач, мамлакатимиздаги энергетик тақчиллик ўртадан кўтарилибгина қолмай, балки республикамиз минтақа мамлакатларига электр энергияси етказиб беришда етакчи бўлиши турган гап. Демак, Роғун ГЭСи қуриб битказилиши Тожикистон иқтисодиёти ёрқин келажагининг кафолати бўла олади.

Гидроэнергетика бўйича халқаро эксперт Расул Умбеталиев Роғун ГЭСи қуриб битказилиши ва у Тожикистон тараққиётига хизмат қилишига ишонади.

- Агар Тожикистон ҳар йили мазкур ГЭС қурилиши учун 300 миллион доллардан ажратса, мамлакат учун ҳаётан муҳим иншоот қурилиши олти йил давомида ниҳоясига етказилади, - дейди Расул Умбеталиев. – Роғун ГЭСи тўлиқ қурилиб, тўлиқ фойдаланишга топширилгач, Тожикистон ўзини энергия билан таъминлаш имкониятига эга бўлади. Бундан ташқари, мамлакат учун ёз, қиш ва баҳор пайтларида ҳам электроэнергия экспортини йўлга қўйиш учун кенг имкониятлар туғилади.

-Сўнгги етти йил давомида Бутунжаҳон банки, мустақил халқаро таҳлилчилар, хорижий компаниялар ва мутахассислар томонидан ўтказилган Роғун ГЭСи қурилиши лойиҳаси ва унинг ижтимоий-иқтисодий таъсири тўғрисидаги халқаро мустақил таҳлил ниҳоясига етказилди.

rogun 10 1Бугун электр энергиясининг тақчиллиги мамлакатимиз ижтимоий-иқтисодий тараққиёти йўлидаги асосий тўсиқлардан бири ҳисобланиши барчага маълум. Бу эса, халқ ижтимоий ҳаётида кўп муаммоларни келтириб чиқармоқда, - деб таъкидлаганди мамлакат Президенти Эмомали Раҳмон Тожикистон Республикаси Олий Мажлисига йўллаган Паёмида.

Дарҳақиқат, «Барқи тожик» компанияси қиш пайтида мамлакат қишлоқ жойлари учун маълум чекловлар жорий қилиши барчага маълум. Айниқса, қишнинг жуда совуқ кунларида электроэнергия тақчиллиги яққол сезилади. Роғун ГЭСи тўлиқ фойдаланишга топширилгач, ана шу тақчиллик ўртадан кўтарилади. Бир сўз билан айтганда, бу иншоот халқимизнинг ёрқин келажагини кафолатлайди.

Роғун ГЭСи қурилиб, тўлиқ фойдаланишга топширилгач, Тожикистон ҳар йили бу гидроэнергетик станциядан 13 миллиард киловатт-соат электроэнергия қўлга киритади. Мисол учун, қўшни Қирғизистонда ишлаб чиқариладиган барча электроэнергия ҳажми шунга тенг. Яъни Роғун ГЭСи Тожикистон халқи учун жуда катта электроэнергия манбаи бўлиб хизмат қила олади.

- Барча имкониятлардан фойдаланиб, Тожикистон биринчи ва иккинчи агрегатларни ишга тушириши лозим, - дейди сиёсатчи А. Мамазимов. – Дастлабки агрегатлар электр энергияси ишлаб чиқаришни бошлаши – йирик инвесторларнинг қурилишга бўлган ишончини оширади. Ва бу иншоотга катта инвестициялар келишини таъминлайди.

-«Электр энергияси тақчиллигини бартараф этиш учун мамлакат Ҳукумати бугунги кунгача бир қатор аниқ чора-тадбирларни амалга оширди.  Энергетик лойиҳаларни амалга ошириш янги истиқболли режасини ишлаб чиққан бўлиб, у стратегик мақсадларга эришиш – мамлакат энергетик мустақиллигини таъминлашга имкон яратиши кўзда тутилган», - деб таъкидлаганди мамлакат Президенти парламентга йўллаган Паёмида.

- Жорий йил тўққиз ойида электроэнергия иншоотлари қурилишида 1587,3 миллион сомонийлик маблағ ўзлаштирилган. Бу кўрсаткич ўтган 2014 йилнинг январ-сентябр ойидагига қараганда, икки баравар ошганлигини кўрсатади, - деб келтирилади Тожикистон Республикаси Президенти қошидаги Статистика агентлигининг «Тожикистон Республикасининг 2015 йил тўққиз ойидаги ижтимоий-иқтисодий ҳолати тўғрисида»ги ҳисоботида. Бу маблағнинг катта қисми бевосита аср иншоотига айланган Роғун ГЭСи қурилишига сарфланганлиги табиий.

- Роғун ГЭСи Тожикистоннинг келажаги ёрқинлиги ҳамда халқ турмуш даржасининг ўсишида жуда муҳим аҳамият касб этади, - дейди Хатлон вилояти Кўлоб минтақаси электротармоғи идораси етакчи мутахассиси Тоғаймурод Мирзоев. – Бу йўналишдаги барча ташқи қаршиликларга қарамай, Тожикистоннинг шарафли халқи ўз олдига қўйган буюк мақсад – Роғун ГЭСини, албатта, қуриб битказади. Бунинг учун ҳар бир тожикистонлик ватанпарварлик туйғуларини намойиш этмоғи лозим. Ахир, қадимулайёмдан халқимиз йирик ишларни ҳамжиҳатликда бажарганликлари тарихдан маълум-ку…

Яқинда «Тожикистон Республикасининг 2016 йил учун давлат бюджети тўғрисида»ги қонуни лойиҳаси ҳамда 2017-2018 йиллар учун давлат бюджети кўрсаткичлари мамлакат Олий Мажлис Намояндалар мажлиси кенгаши йиғилишида кўриб чиқилди. Мазкур ҳужжатга кўра, 2016 йил Тожикистон давлат бюджетидан Роғун ГЭСи лойиҳаси тикланиш ишлари учун 2 миллиард сомоний миқдорида маблағ ажратилиши кўзда тутилган.

- Роғун ГЭСи қурилаётган минтақа сейсмик ҳолатдан гидроиншоот қурилиши учун яроқлидир, - деганди Тожикистон Фанлар академияси президенти Фарҳод Раҳимий ярим йиллик якунига бағишланган матбуот конференциясида. – Олимларимиз бу минтақада тарихда рўй берган зилзилаларни таҳлил қилиш натижасида шундай хулосага келдилар. Қолаверса, Роғун ГЭСи қурилиши лойиҳаси собиқ Иттифоқ даврида тасдиқланганлиги ҳам бу минтақа сейсмик жиҳатдан хавфсиз эканлигини тасдиқлайди.

Ҳа, дарҳақиқат, Роғун ГЭСи қурилиши халқимизнинг кўп йиллик орзуси ва мамлакат Ҳукуматининг олиб бораётган изчил иқтисодий сиёсати бу йирик иншоот яқин келажакда фойдаланишга топширилишига ишонч уйғотади. Зеро, халқимизнинг нияти эзгу - минтақада ёруғлик, иссиқлик ва нур таратиш.  Эзгу ниятлар ҳамиша ижобат бўлиб келганлиги инсоният тарихидан яхши маълум…

 

Искандар МАҲМАДАЛИЕВ,

 «Халқ овози».

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Миллат пешвосининг Рашт водийси ноҳияларига иш сафари

 

24 июн куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Миллий бирлик кунининг 22 йиллик тантаналарида иштирок этиш, турли соҳаларга тегишли бир қатор иншоотлар очилишида қатнашиш ва аҳоли билан суҳбат ўтказиш мақсадида, Рашт водийси ноҳияларига иш сафари билан борди.

Муфассал...

БОШ МУРАББИЙ ИСТЕЪФОСИ

 

Тожикистон миллий терма жамоаси бош мураббийи Ҳаким Фузайлов эгаллаб турган вазифасидан истеъфо берди.

«Осиё кубоги-2019» турнири гуруҳ босқичининг сўнгги тур ўйинида мамлакатимиз бош жамоаси филиппинлик футболчиларга 1:2 ҳисобида имкониятни бой берди ва қитъа биринчилиги мусобақаларида қатнашиш ҳуқуқидан маҳрум бўлди.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
467256

ӮҚУВЧИЛАР СОНИ

2223329
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1663
1709
3372
2208014
30321
46701
2223329

Сизнинг IPнгиз: 3.226.251.205
Бугун: 20-08-2019 17:26:04

ҲАМКОРЛАР

 

 

   

2015