Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 20 Ноябр 2015 Кӯришлар: 932
Печат

 

sessiya1992 йилнинг таҳликали кузи. Мамлакат жанубий ноҳиялари ва пойтахт Душанбе атрофларида юз бераётган тўқнашувлар тобора авж олаётган палла. Мамлакатда бесарусомонлик…

…Пойтахт Душанбенинг Поезд вокзали. 67-рақамли «Душанбе-Конибодом» поезди жўнаб кетишга ҳозирлик кўрмоқда. Тумонат одам тинчроқ бир гўша топиш илинжида ўзларини поезд ичкарисига уриб, жойлашишга ҳаракат қилишарди.

Поезд йўлбошчиларининг ортиқча одам ололмасликлари, бунча йўловчига жой топиб бера олмаслиги борасида айтган сўзлари бу кишилар қулоғига кирмасди шу тобда. Муваққат Ҳукуматнинг урушни тўхтата олмаслигига кўзи етган инсонлар қандай бўлса ҳам фуқаролик уруши тобора авж олаётган бу ерлардан тезроқ чиқиб кетишга ҳаракат қилишарди. Юзига ғам кўланка ташлаган бу кишилар кўнглида сўнгги илинж ҳам сўниб бораётгандай эди гўё…

Кучли бир силкиниб ўрнидан қўзғалган поезд жўнаш сигналини чалди ва йўлга равона бўлди…

Кузги таътилда уйга келиб, Хўжанд шаҳрига қайтаётган олийгоҳ талабаси  камина ҳам шу поездда эдим. Мени пойтахтдан бор-йўғи 20-25 километрлик масофада жойлашган  ҳовлимиздан Хидирали ва Нормуҳаммад акамлар кузатишга чиқишганди. «Ўзим кетавераман, бориб-келиб юрган йўлим-ку», -дейишимга қарамай, меҳрибон жигарларим: «Бошқа пайтда бўлса, майли эди, аммо ҳозир вазият оғир, сени ёлғиз юборолмаймиз»,-дея поездгача кузатиб қўйишди. Раҳматлик Нормуҳаммад акам эса, то купега жойлашиб олгунимгача ҳамроҳлик қилди. Ва ҳатто, проводник-йўлбошчиларга нималарнидир тайинладилар ҳам…

…Хўжанд. Қадимий ва бағрикенг Хўжандда эса вазият тинч. Ўқув даргоҳларида дарслар тўхтаганича йўқ, ҳаёт бир маромда давом этарди. Бироқ, республика жанубида юз бераётган воқеалар кишилар руҳиятига таъсир қилмай қолмасди, албатта. Биз - бир гуруҳ жанубдан келиб, Хўжанд олийгоҳларида таҳсил олаётган студентлар ҳам ортда қолган оила аъзоларимиз, яқинларимиз борасида қайғурардик, уларнинг  аҳволи ҳақида билишни истардик… Аммо, осмон йироқ, ер қаттиқ…

Телевидение ва газеталар, шунингдек, жануб томондан келаётган йўловчилар орқали вазиятдан хабардор бўлиб турардик. Жанубий районларда қонуний ҳукумат тарафдорларининг мухолифат кучлари аҳволини тобора танг қилаётгани ва ҳадемай конституцион тузум ўрнатилиши ҳақда келаётган хабарлар эса кишилар қалбида келажакка умид уйғота бошлади. Бир гуруҳ жинояткорлар кирдикорларидан безган халқ мамлакатда тезроқ тинчлик ўрнатилиб, осуда ҳаёт бошланишини илҳақлик билан кутишарди. Шундай кунларнинг бирида…

Ҳа, шундай кунларнинг бирида, аниқроғи, ноябр ойининг ўн олтинчисида мамлакат Олий Кенгаши XVI сессиясининг Хўжанд шаҳрида ўтказилиши борасидаги хабар бир зумда ҳаммаёққа тарқалиб, барчани қувонтирди! Зеро, барча бирдек тинчликни соғинганди. Шу боис, барчамиз ўша кунни интизорлик билан кута бошладик.

Ва ниҳоят, сессия ўз ишини бошлади. Вилоят телевидениеси сессия ишидан хабар тарқатаётган ягона ахборот манбаи сифатида ҳар кунги янгиликлардан хабардор этиб турарди. Сессия илк кунидаёқ Олий Кенгашга янги раҳбар тайинлангани ва  янги Раиснинг исми-шарифи Эмомали Раҳмонов эканлиги ҳақидаги маълумот эфирга узатилди. Мамлакат сарварлигини зиммасига олган 40 ёшли навқирон ва шижоатли депутатнинг давлат бошлиғи сифатидаги:

-Мен Сизларга тинчлик олиб келаман!

-Минбаъд оналарнинг фарзанд доғида йиғлашларига йўл қўйилмайди!

- Муҳожир юртдошларимиз ватанга қайтарилмагунча, ором билмасман!

- Тожикистонни дунёга танитаман!.. - деган илк сўзлари қалбларни тасхир айлагани рост. Ва бу сўзларда келажакка ишонч руҳи мужассам эди.

sessiya 1Азиз Ватанимиз Тожикистон тарихига олтин ҳарфлар билан битилган бу сўзлар шунчаки баландпарвоз сўзлар эмаслигини ўшанда барча юрак-юракдан ҳис қилди. Ва бу самимий сўзлар  Тинчлик, Осойишталик, Фаровонлик сари қўйилган илк қадамлар эди. Ва ўтган даврлар мобайнида  бундан 23 йил муқаддам Эмомали Раҳмон Жаноби олийлари давлат бошлиғи сифатида илк бор айтган сўзлари устидан чиқди. Мамлакатни бунёдкорлик сари буриб, жаҳонга танита олди!

Ҳа, Эмомали Раҳмон ҳалокат жарига қулаш хавфи кучайган мамлакатга том маънода Тинчлик келтирди!

Ҳа, унинг бошчилигидаги Ҳукумат саъй-ҳаракатлари натижасида муҳожир юртдошларимиз Ватанга қайтарилди ва уларга яшаш, ишлаш имконияти берилди!

Бемаъни фуқаролик уруши тўхтатилиб, онаизорларнинг-да лабларига табассум қўнди. Халқ кўнгли ёришиб, эртанги кун умиди шўълалана бошлади…

23 йил нарига назар ташларканмиз, бугунги Тожикистон пойдевори айнан ўша XVI сессияда қўйилганлигига амин бўласан, киши. Халқ депутатлари Эмомали Раҳмонни давлат бошлиғи этиб сайлаб, хато қилмаган эканлар. Чинданам ўша оғир йилларда давлатни қатъиятли, жасур, бир сўзли ва айтгани устидан чиқадиган киши бошқариши лозим эди. Бу каби хислатлар эса Кўлоб минтақасидан сайланган вакил, Кўлоб вилояти ижроия комитети раиси Эмомали Раҳмонгагина хос эди. Буни ўша давр Олий Кенгаши XII чақириқ депутатлари яхши билишарди. Зеро, Эмомали Раҳмон таҳликали онларда ўзини панага оладиганлар сирасидан эмасди. У- Ватан ва жасорат тимсоли эди, шу тобда!

Ҳа, шунинг учун ҳам Эмомали Раҳмон Хўжанддан тўғри пойтахт - Душанбе сари йўл олди. Вазият ҳар қанча оғир бўлишига қарамай, ўзининг зиммасига юклатилган вазифани бажарди, бажара олди. Халқни муқаррар ҳалокатдан қутқариб, мамлакатни ободончилик сари бошлади, бошлай олди. Зеро, унга Худонинг ўзи мададкор эди!..

Ҳа, у бошлиқ Ҳукумат бу миллатни парокандаликдан асраб қолди. Бу юртни жаҳонга танитди. Харобазорга дўниб бораётган Ватанни қайтадан гулзорга айлантира олди. Тарихи асрлар қаърига бориб тақаладиган тожиклар давлатдорлигини қайта устувор эта олди. Буларнинг барини  Худо ёрлақаган инсонгина амалга ошира оларди, албатта!

Эмомали Раҳмон бошчилигидаги Ҳукуматнинг ушбу 23 йил бадалида амалга оширган ишларини ипидан игнасига факту рақамлар асосида қайд қилиб бориш статистик идоралар ходимлари иши. Биз, оддий фуқаролар эса бир нарсани биламиз ва қадр этамиз: Эмомали Раҳмон бошчилигида жуда кўплаб бунёдкорлик ишлари амалга оширилди, халқ дастурхони нонга, хонадони файзу баракага, кўнгли хотиржамлигу осойишталикка, ҳаёти эса саодатмандликка тўлди! Ҳа, бу инкор этиб бўлмас ҳақиқат!..

 

Абдулло Саидов,

«Халқ овози».

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Маънавий эътиқод намунаси

 

Яқинда “Кохи Борбад” қасрида муборак Рамазон ойининг кириб келиши арафасида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг жамоатчилик вакиллари, зиёлилар, олимлар ва дин ходимлари билан ўтказган мулоқоти халқимизга бўлган Аллоҳнинг бир иноятидир. Муборак Рамазон Ислом таълимотига мувофиқ, Қуръон нозил бўлган барокотли, хайрли, ибодат ойи бўлиб,

Муфассал...

Наврўз гули

 

Абдулҳамид  Самадов 1947 йилнинг 5 августида Хатлон вилоятининг Ховалинг ноҳиясига қарашли Шикоргоҳ қишлоғида дунёга келган. Ўрта мактабни битириб, Душанбе педагогика олийгоҳида таълим олган. Бўлажак ёзувчининг қисса ва ҳикоялари ўтган асрнинг 70-йилларидан бошлаб "Садои Шарқ", "Памир" каби нуфузли ойномалар ва "Адабиёт ва санъат", "Жумҳурият" сингари рўзномаларда  чоп этила бошланган.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
510625

ӮҚУВЧИЛАР СОНИ

2351060
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1394
2162
16410
2320138
44897
62133
2351060

Сизнинг IPнгиз: 34.236.216.93
Бугун: 20-10-2019 03:19:32

ҲАМКОРЛАР

 

 

   

2015