Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 20 Июл 2017 Кӯришлар: 2525
Печат

 

isrof 2017Тинчлик ва миллий бирлик асосчиси - Миллат пешвоси, муҳтарам Президентимиз Эмомали Раҳмон халқ учун, Ватан учун жуда хайрли ишларга қўл урилмоқда. Унинг бевосита ташаббуси билан қатор фойдали қонунлар қабул қилинди. Шулардан бири тўй ва маъракаларни ихчамлаштириш, кам харажат билан ўтказиш кўзланган  муҳим қонундир.

Бу қонун мазмун-моҳияти билан ҳар биримиз учун кони фойда. Лекин минг афсуски, амалда айрим кишилар бунга риоя қилишмаяпти. Мисол учун олсак, тўйларда улоқ бериш тақиқлаб қўйилган. Аммо баъзи обрўталаблар аввалига ош бериб, кейин кўпкари беришади. Солимлар ҳам чакана эмас - машина, той, қорамол, қўй, эчки, пул. Кўпкари куни бериладиган таомларни айтмайсизми? Устига-устак, ичкиликбозлик, ур-йиқит.

Энди марҳумнинг маъракасини олайлик. Қўшни уйда қўй сўйилиб, қайнатма шўрва тортилади. Егулик ва мевалар тўкиб ташланади. Аёллар белларига камида икки-уч метрли қимматбаҳо матоларни боғлаб олишади, эркакларга тўн, жойнамоз, пул улашилади. Ҳали учи, еттиси деган гаплар бор. Ҳар жума ва душанба оқшомлари мол сўйилиб, ош дамланади. Қаъда,  Рамазондан олдин ва кейин, Қурбон ҳайитида худойи қилиш, қай бирини айтай. Ахир, булар оилани моддий қийинчиликка солиб қўяди-ку!

Қаранг, болалари учун оддий дарсхона, ўқиш-ёзиш учун стол-стул йўқ, дарслик китоб сотиб олиш учун пул беришга қизғанишади. Бадиий, илмий китобларни-ку, гапирмай қўя қолай.

Исрофгарчиликларни кўриб, ақлингиз шошиб қолади. Лекин мактабнинг хароблиги, йўлларнинг ўнқир-чўнқирлиги билан ишлари йўқ. Ақалли уйларига элтадиган йўлни текислаб қўйишни ўйлашмайди.

Тасодифий ўлимга оила олдин тайёр бўлмаслиги маълум. Лекин бундай ҳолатларда қариндош-уруғлар моддий ёрдам бериш ўрнига, марҳумга "савоби" тегади деб, "сен каммисан" қабилида иш тутишга ўз яқинларини мажбурлаб, гўё қариндошчилик орияти учун талашадилар. Бундай ўйлаб кўрсак, аслида оила моддий жиҳатдан қийналиб қолса, марҳумнинг руҳи азоб чекмайдими?

Матбуотда Ғончи, ҳозирги Деваштич ноҳиясида яшайдиган онахон - Холбуви эна ҳақида ўқигандим. У йиллар давомида ҳажга бориш учун маблағ тўплабди. Унча-мунча эмас - 100 минг сомонийдан ортиқ! Онахон ана шу пулни кўприк қурилиши учун сарфлабди. Ана энди айтинг, кўприк қуриб, ҳамқишлоқлари ва бошқа инсонлар учун қулайлик яратиш савобми ё ном чиқариш учун қўш-қўш зиёфатлар бериш савобми?

Кимдир менга: -Олдингизга дастурхон ёзишибдими, индамасдан зиёфатни еб кетаверинг,- дейиши мумкин. Ҳа, айримлар таъкидлашларидек, мен бу зиёфатлар учун чўнтагимдан бир сомоний пул чиқармаганман. Лекин мисқоллаб топилган пулни ботмонлаб сочаётганларга, Аллоҳ неъматини исроф этаётганларга юрагим ачийди. Дабдабали тўй ва маъракалардан сўнг, қийналиб қолганларни, қарзга ботганларни эса, фақат мен эмас, бу сатрларни ўқиб турган бошқа кишилар ҳам кўрганликларига ишонаман.

 

Султон МАМАРАСУЛОВ,

Бобожон Ғафуров ноҳиясидаги Чашмасор қишлоқ жамоати.

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Дийдаларда соғинч, юракларда меҳр-муҳаббат, юзларда қувонч ёғдуси

 

Тожикистон ўзининг давлат мустақиллигини қўлга киритгандан сўнг, ташқи сиёсатда "очиқ эшиклар" сиёсатини илгари сурди. Унда бизга дўст, яхши муносабат ва ўзаро миллий манфаатлар доирасида ҳамкорлик қиладиган барча мамлакатлар билан самарали шерикчилик қилиш назарда тутилган.

Айниқса, бу йўлда азалдан бир заминда яшаб, бир ҳаводан нафас олиб, бир дарёдан сув ичиб келаётган қўшни ва қардош халқлар билан аждодларимиз

Муфассал...

Конспиратор

 

Кўзларимиз нимқоронғиликка кўниккандан кейин ҳужра ичкарисида озғиндан келган кампирнинг миқтигина жуссаси кўринди. Унинг қорачадан келган ориқ юзларидаги ажинлар бўртиб чиққанди. У муштдеккина, хотиржам, бамисоли сояга ўхшаб кетарди. Агар унинг бошида кўпчилик кекса лақай аёллари бошига олиб юрадиган минорага ўхшаш дўмпайган бош кийими бўлмаганда, биз уни пайқамаган бўлардик.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2619489

ӮҚУВЧИЛАР СОНИ

10381630
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
6018
4229
24246
10316547
117142
161581
10381630

Сизнинг IPнгиз: 216.73.217.43
Бугун: 20-11-2026 19:04:09

ҲАМКОРЛАР

 

 

   

2015