3 ноябр куни Тожикистон Республикаси Президенти Эмомали Раҳмон мамлакатимизга ташриф буюрган Америка Қўшма Штатлари Давлат котиби Жон Керрини қабул қилди.

Учрашувда Тожикистон ва Америка дўстона муносабатлари ва кўп асрлик ҳамкорликларига доир масалалар кўриб чиқилди.

Давлатимиз бошлиғи олиймақом меҳмон ташрифини Америка Қўшма Штатлари маъмуриятининг Тожикистон Республикаси билан  узоқ муддатли муносабатлари ҳамда ўзаро самарали алоқалари мустаҳкамланиши ва ривожланишига эътибори ошиб бораётгани белгиси, дея атар экан: «Америка Қўшма Штатлари билан ҳамкорликлар Тожикистон Республикаси ташқи сиёсати энг муҳим истиқболларидан бири ҳисобланади ҳамда биз бундан кейин ҳам бундай яратувчан ва самарали ҳамкорликларни кенгайтиришга ҳаракат қиламиз»,- деди.

Жон Керри ўз навбатида, Тожикистон Президенти билан учрашиш имконияти пайдо бўлганидан қониқиш изҳор қилар экан: «Жаноб Президент, мен илиқ истиқбол ва қабул учун сиздан миннатдорман. Бугун Сиз билан учрашиб турганимдан жуда шодман. Шунингдек, бугун Марказий Осиё мамлакатларидаги учрашувлар натижалари ҳақида аниқ бир хулосага келишимиздан ҳам қониқиш билдираман.

Тожикистонга келганим менга хурсандчилик бахш этмоқда. Бу учрашувда Сиз билан иккала томон учун ҳам долзарб бўлган масалаларни муҳокама этишимизни интизорлик билан кутаман.

Америка Қўшма Штатлари Ҳукумати Тожикистон Республикаси мустақил мамлакат ҳисобланиши ва ўз иқтисодий муаммоларини ҳал этишга ҳаракат қилаётганидан хурсанд.

Биз бундан кейин ҳам Тожикистон Республикаси билан ҳамкорликларимизни давом эттирамиз. Зеро, Тожикистон билан ҳамкорлик Марказий Осиё бошқа мамлакатларига қараганда, муҳимроқ ҳисобланади. Чунки у Афғонистоннинг энг яқин қўшнисидир. Шунингдек, терроризм, экстремизм ва наркотик моддалар ноқонуний савдосига қарши кураш каби муаммолар ҳам мавжуд.

Мен Америка Қўшма Штатлари Ҳукуматининг Тожикистонни коммуникацион боши берк кўчасидан чиқариш борасида ёрдам беришга тайёр эканлигини тасдиқлайман»,- дея таъкидлади.

Америка Қўшма Штатлари Тожикистон мустақиллиги ва ҳудудий яхлитлигини ҳурмат қилган ҳолда, унинг давлат мустақиллиги, ижтимоий-иқтисодий ва маданий тараққиётини қўллаб-қувватлашга тайёрлиги таъкидланди.

Бундан кейин Тожикистон ва Америка алоқалари сиёсат, иқтисодиёт ва савдо, гуманитар соҳалар – маориф ва маданият, аҳоли фаровонлиги, хавфсизлик, халқаро терроризмга қарши кураш ва бошқа соҳаларда иккала томон манфаатларини ҳисобга олган ҳолда самарали ривожланиши қайд қилинди.

Тожикистон ва Америка Марказий Осиё минтақасида ҳамкорликларни мустаҳкамлаш ва ривожлантиришга узлуксиз ҳаракат қилишлари таъкидланди.

Учрашувда Афғонистондаги ҳозирги вазият ва келгусидаги истиқболлар, минтақа ва жаҳондаги муаммолар кенг кўламда муҳокама қилинди.

«Ховар» ТМАА.