Тожикистон  Республикаси Ер бошқаруви ва геодезия давлат комитетининг ярим йиллик ҳисоботида келтиришича, жорий йилнинг биринчи ярмида ташландиқ ерлар ҳисобидан ўзлаштирилган 3 минг 463 гектар ердан 3 минг 407 гектар суғориладиган майдонга пахта экиш режалаштирилган. Бу ҳақда комитет раиси  Ражаббой Аҳмадзода маълум қилди.  Маълумотга кўра, 2017 йилнинг 21 июнигача республикамизнинг шаҳар ва ноҳияларида 173 минг 979

гектар ерга пахта экилиб, бу кўрсаткич  режада кўрсатилганидан 241 гектар кўпдир.

Тожикистон Республикаси Ҳукуматининг 2016 йил 25 ноябрда қабул қилинган 13-қарори ижроси юзасидан мамлакат шаҳар ва ноҳияларидаги  Ер бошқаруви идораларида ўтказилган инвентаризациялар натижаларига кўра, 2017 йилнинг 1 июнигача 2 минг 558 гектар ерга, жумладан, 240 гектар суғориладиган ерларга боғ ва токзорлар бунёд этилди. Барпо этилган боғ ва токзорлар билан бирга биринчи ярим йилликда 6 минг 21 гектар, жумладан, 3 минг 647 гектар суғориладиган ер Қишлоқ хўжалиги вазирлиги ҳисобига ўтказилган.

Комитет ташаббуси билан маҳаллий ҳокимиятлар ҳамкорлигида биринчи ярим йиллик давомида ташландиқ ва бошқа ерлар ҳисобидан 3 минг 463 гектар ер, жумладан, 3 минг 407 гектар суғориладиган ер ўзлаштирилди.

Тожикистон Республикаси Ҳукуматининг 2010 йил 11 ноябрдаги 603-қарорига асосан 2010 йилдан 2017 йилгача шаҳар ва ноҳияларда 29 минг 668 гектар ер эҳтиёжманд оилаларга турар жой учун ажратилган.

Тожикистон Ҳукуматининг «Деҳқон хўжаликлари (фермер)лик фаолияти ҳақида»ги қонуни асосида 2017 йилнинг 1 июнигача республика бўйича  қўшимча 3  минг 601та деҳқон хўжаликлари ташкил қилинди.

Тожикистон Республикаси Олий иқтисодий суди томонидан фуқаролардан тушган даъво аризалари кўриб чиқилиб, давлат бюджетига 41 миллион 680 минг 882 сомоний фойда келтирилди.

Ярим йиллик давомида «Тожикзаминсоз» жамияти билан ҳамкорликда  596 минг 295 сомонийлик ер ҳолатини яхшилаш ишлари амалга оширилди.

Тожикистон Республикаси Ҳукуматининг 2017 йил 22 февралдаги 9-фармони ижроси мақсадида «Душанбе шаҳрини ободонлаштириш ва кўкаламзорлаштириш» ишлари, жумладан, спорт майдончалари 70дан ортиқ болалар ўйин майдончалари қурилиб, ишга туширилди.

Тожикистон Республикаси Ер бошқаруви ва геодезия комитети турли хайрия ишларини амалга ошириб, ногиронларга, камтаъминланган оилаларга ва интернат-мактабларга моддий ёрдам  кўрсатиб келмоқда.

Ҳайтали Боев,

«Халқ овози».