Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 25 Сентябр 2015 Кӯришлар: 888
Печат

 

ДАВЛАТ БОШЛИҒИ – ҲИСОРДА

hisor 122 сентябр куни Тожикистон Республикаси Президенти Эмомали Раҳмон маориф ва маданият соҳаси бир қатор муассасалари очилиши, дала ишлари, 3000 йиллик юбилей муносабати билан юбилей иншоотлари қурилиши ишларининг бориши билан танишиш мақсадида Ҳисор ноҳиясига иш сафари билан борди.

«Душанбе-Турсунзода» автомобил йўлидаги «Сомон» қишлоқ жамоатида мамлакат Президентини ноҳия аҳолиси ўзига хос самимият билан кутиб олди.

Бу Давлат бошлиғининг яратувчанлик сиёсатини қўллаб-қувватлашдан гувоҳлик беради.

 

МУЗЕЙ ОЧИЛИШИ

Мамлакат Президенти Эмомали Раҳмон Ҳисор ноҳиясида ноҳия музейи биносини тантанали тарзда очиб берди.

Мазкур замонавий бино Давлат бошлиғи ташаббуси билан Ҳисорнинг 3000 йиллиги муносабати билан қурилган.

Иншоот қурилиши ва ясатилишида  музейга ўзига хос ҳусн бағишловчи ўрта аср ва замонавий услуб умумлаштирилган.

Музей биноси уч қаватли бўлиб, ертўла биноси ҳамда тарихий ёдгорликлар, топилмалар, картиналар ва бошқа экспонатларни сақлаш учун барча шароитларга эга.

Иншоот буюртмачиси Тожикистон Республикаси Президенти Ижроия аппарати ҳукумат иншоотлари қурилиши дирекцияси, пудратчиси эса «Монолит-2011» МЧЖ ҳисобланади.

Қурилиш умумий маблағи 14 миллион сомонийдан зиёдни ташкил қилади. Иншоотда қурилиш ишлари 2014 йилнинг май ойида бошланиб, 2015 йилнинг сентябрида охирига етказилди.

Бино умумий майдони бир гектарни ташкил қилади. Музей ертўласида кулолчилик ва шиша буюмларини таъмирлаш устахонаси, картиналар ва суратлар нусхасини кўчириш устахонаси, тола маҳсулотларини таъмирлаш, тикувчилик маҳсулотларини таъмирлаш цехи ва бошқа хизматлар жой олган.

Ҳозир янги музей фондида 3000 дан зиёд тарихий экспонатлар мавжуд.

Музей 11 бўлимдан ташкил топган бўлиб, уларнинг ҳар бири тожик халқи тарихи ва маданиятига мувофиқ тарзда фаолият юритади ҳамда келажак авлодни аждодларимиз тарихи билан таништиради. Музей қурилиши билан 23 киши доимий иш жойи билан таъминланди.

Музей залларида халқ ҳунарлари, жумладан, заргарлик, темирчилик, IX асрдан XIX асргача бўлган металл оқартириш санъати ва бошқа тарихий топилмалар намуналари сақланади.

Ноҳия аҳолиси музей фондини тўлдириш мақсадида унга ўз аждодларидан қолган картиналарни совға қилишмоқда.

Давлат бошлиғи Эмомали Раҳмон ноҳия ватанпарвар халқининг бу ташаббусларига юқори баҳо берди.

Маданият қасри, Музей замонавий бинолари, гўзал фавворалар ва ўнлаб иншоотлар қурилиши Ҳисор ноҳияси маркази қиёфасига ўзига хос чирой бахш этди. Бу эса, мамлакат Президенти Эмомали Раҳмоннинг келгуси авлодларга анъаналарни мерос қолдиришни таъминлашга йўналтирилган яратувчанлик сиёсати натижаси ҳисобланади.

МАРКАЗИЙ КУТУБХОНА – ИЛМУ МАЪРИФАТ МАСКАНИ

hisor 2Ҳисор ноҳияси марказида Тожикистон Республикаси Президенти Эмомали Раҳмон ноҳия марказий кутубхонасини ҳам расман фойдаланишга топширди.

Кутубхона қурилиши Тожикистон Республикаси Президенти Ижроия аппарати ҳукумат иншоотлари қурилиши дирекцияси буюртмаси билан 2014 йили «Монолит-2011» МЧЖ томонидан 10 миллион сомоний маблағ эвазига бошланган.

Давлат бошлиғини кутубхона муштарийлари ва ходимлари хурсандчилик билан кутиб олишиб, Ҳисорнинг 3000 йиллигига бағишланган «Ҳисор энциклопедияси» янги китобини совға қилдилар.

Марказий кутубхона 40 та бино, жумладан, 25 та иш кабинети ва 15 та ёрдамчи бинога эга бўлиб, бу ерга 38 та компютер ўрнатилган.

Кутубхона янги биносида 30 киши доимий иш билан таъминланган.

Мамлакат Президенти биринчи қаватда  жойлашган кутубхона мажлислар залини кўздан кечириб, мазкур илм ва маънавият масканига ташриф буюрувчиларнинг Рўдакий асарларини ўрганиш бўйича адабиёт тўгарагида иштирок этди.

Ноҳия кутубхонасида 343 минг дона китоб бўлиб, шундан 200 мингдан зиёди марказий кутубхонада сақланади. Муштарийлар умумий сони 10 минг кишини ташкил қилади.

Марказий кутубхона ахборот, библиографик, илмий-методик бўлимлар ҳамда электрон рўйхат, электрон кутубхона, қайдлар, Ҳисор водийси адабиётшунослари уйи, иккита катта ўқиш залидан ташкил топган.

Кутубхонада 500 минг ҳар хил мавзудаги китоб, жумладан, 500 та электр кўринишдаги китоб бор.

Мамлакат Президенти кутубхона шароити билан танишар экан, уни Ҳисорнинг 3000 йиллигини нишонлаш олдидан ўз вақтида қурилган ва ёшлару китобсеварлар учун муносиб совға, дея атади.

 

ЗАМОНАВИЙ МАДАНИЯТ ҚАСРИ

hisor 3Мамлакат Президенти Ҳисор ноҳияси марказида маданият қасрини ишга туширди.

1,3 гектар майдонни эгаллаб турган 700 ўринли маданият қасри Тожикистон Республикаси Президенти Ижроия аппарати ҳукумат иншоотлари қурилиши дирекцияси томонидан 27 миллион сомонийлик республика маблағлари ҳисобидан қурилган.

Бино қурилишида «Монолит-2011» масъулияти чекланган жамият ишга 100 нафардан зиёд маҳаллий мутахассисларни жалб этди.

Уч қаватли бино қурилиш ишлари 2013 йили бошланган эди.

Маданият қасрига ёндош ҳудуд яшил минтақалар, фавворалар билан ясатилган бўлиб, натижада, бу ер ҳордиқ чиқариш ва мамлакат бу бурчаги меҳмонларининг сайру саёҳат жойига айланди.

Маданият қасрида артистлар либосларини сақлаш учун театр галереяси, унинг музейида эса, миллий мусиқа асбоблари учун махсус жой яратилган.

Маданият қасри катта зали ва вестибюли миллий ўймакорлик билан безатилган.

Бино ертўласида 100 ўринли ошхона, костюмларни қўйиш жойи, спорт зали, иккинчи қаватида эса, иш кабинетлари, гўзаллик салони, тикувчилик бўйича синфхона, учинчи қаватида рассомлик ва сурат чизиш ҳамда ашулачилик тўгараги мавжуд.

Маълум бўлишича, маданият қасрида 70 киши доимий иш жойи билан таъминланган.

Давлат бошлиғининг мамлакат Ҳукумати томонидан маданият арбоблари ва ноҳия санъати учун яратган шароити билан танишуви жараёнида театрлаштирилган дастур намойиш қилинди.

Мамлакат Президенти қурувчиларга сифатли бажарилган ишлар учун миннатдорчилик билдириб, санъат арбобларини мазкур маданият қасри очилиши билан қутлади.

 

ПРЕЗИДЕНТ МАКТАБИ – ВОДИЙ БОЛАЛАРИГА МУНОСИБ ТУҲФА

hisor 4Мамлакат Президенти Эмомали Раҳмон Ҳисор ноҳиясига иш сафари давомида лаёқатли болалар учун Президент мактабини расман очиб берди.

Мактаб ҳовлисида Давлат бошлиғини ўқувчилар ватанпарварлик қўшиқлари билан кутиб олишди.

Иншоот Тожикистон Республикаси Президенти Ижроия аппарати ҳукумат иншоотлари қурилиши дирекцияси буюртмаси билан қурилган. Мактабда қурилиш ишлари 2010 йилнинг май ойида бошланганди.

640 ўқувчи ўрнига эга бўлган Президент мактаби қурилишида  60 миллион сомонийдан зиёд маблағ сарфланди.

Ҳисор ноҳияси лаёқатли болалар Президент мактаби қошида 400 ўринли иккита ётоқхона, ўқитувчилар учун битта тўққиз қаватли, 36 квартирадан иборат турар жой биноси, спортзал ва майдони қурилиб, бошқа замонавий шароитлар яратилган.

Президент мактабида таълим шароитлари билан танишувдан аввал Давлат бошлиғи бир неча нафар ўқитувчига квартиралар калитини топширди.

Танишув жараёнида Давлат бошлиғига Президент мактаби битта уч қаватли таълим корпусидан ташкил топганлиги, бу ердан 43 та таълим синфхонаси ва фан кабинетлари, 7 та лаборатория синфхонаси ва бошқа зарур шароитлар мавжудлиги хабар қилинди. Мазкур таълим муассасасига айни пайтда конкурс асосида 50 нафар тажрибали педагог ишга жалб қилинган.

Мамлакат Президенти таълим синфхоналарини кўздан кечирар экан, мазкур муассасада таълим жаҳон стандартларига мувофиқ тарзда йўлга қўйилиши зарурлигини қайд қилди.

Президент мактаби барча зарур замонавий таълим шароитига эга бўлиб, илғор ускуналар ва  технологиялар билан жиҳозлантирилган.

Бундан ташқари, мактабда катта мажлислар ва спорт заллари, электрон кутубхона, ошхона ва замонавий ётоқхона бор.

Мамлакат Президенти топшириғига биноан, бу мактабга конкурс асосида Ҳисор, Ваҳдат, Шаҳринав, Турсунзода ҳамда Рўдакий ноҳияларининг энг яхши ўқувчилари ўқишга жалб қилинадилар.

Давлат бошлиғи ўқувчилар билан мулоқотда уларни билим эгаллаш, яхши ахлоқ, ватанга муҳаббат ва миллий қадриятларга эҳтиром кўрсатишга ундади. Ўқувчилар ўз навбатида, мамлакат Президентига бундай таълим муассасаси ташкил этгани учун миннатдорчилик билдирдилар.

Ўқувчилар учун, шунингдек, иккита ётоқхона қурилган. Давлат бошлиғи ётоқхона шароитлари билан ҳам танишди.

Мазкур Президент мактаби Тожикистонда ҳисоб бўйича еттинчиси бўлди. Худди шундай мактаблар Душанбе, Хоруғ, Кўлоб, Чкалов шаҳарлари ҳамда Бохтар ва Данғара ноҳияларида мавжуд.

Таълим ва ётоқхона шароити билан танишувдан сўнг мамлакат Президенти Ҳисор ноҳияси ўқитувчилари, ўқувчилари ва аҳолиси билан учрашиб, уларни бу замонавий таълим муассасаси очилиши муносабати билан табриклади.

Давлат бошлиғи лаёқатли болалар учун Президент мактаби фаолияти Ҳисорнинг 3000 йиллик юбилейи олдидан бошланиши мамлакат раҳбарияти ва Ҳукуматининг ноҳия аҳлига муносиб совғаси эканини қайд қилди.

 

«Ховар» ТМАА.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Кўкдан инганида осмоний ҳислар…

 

ҲОЛАТ

Маҳзунли кечалар, майин кечалар,

Сиёҳранг дардлардан ғамбода кўнгил.

Бир бора «оҳ» уриб дил ўзанига,

Бу ғаддор дунёга қўл силтаб қўйгил.

Муфассал...

Юсуф Раҳмон, Тожикистон Республикаси Бош прокурори: - Масъулият ҳисси юксак бўлса...

 

Жорий йилнинг 29 январ куни Тожикистон Республикаси Бош прокуратурасида матбуот анжумани барпо этилди. Анжуман бошланишида Республика Бош прокурори адлия генерал-полковниги Раҳмон Юсуф журналистларга, бош прокуратуранинг 2018 йилда бажарилган ишлари тўғрисида қисқача маълимот бериб ўтди. Унинг қайд этишича, фуқаролар, инсон ҳуқуқ ва озодликларига риоя қилиш бўйича 5197та текширувлар ўтказилган бўлиб,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
508930

ӮҚУВЧИЛАР СОНИ

2346510
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2407
2054
11860
2320138
40347
62133
2346510

Сизнинг IPнгиз: 35.175.191.168
Бугун: 18-10-2019 18:32:44

ҲАМКОРЛАР

 

 

   

2015