Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 22 Май 2015 Кӯришлар: 2264
Печат

 

 

temir yul15 май куни мамлакат Президенти Эмомали Раҳмон «Душанбе-Қўрғонтепа» темир йўлининг «Ваҳдат-Ёвон» участкаси қурилиши билан бевосита танишиш мақсадида Рўдакий ва Ёвон ноҳияларига иш сафари билан борди.

Дастлаб Давлат бошлиғи Рўдакий ноҳияси Султонобод қишлоқ жамоатининг Истиқбол қишлоғига ташриф буюрди.

Қурилиш лойиҳаси билан танишиш жараёнида «Душанбе-Қўрғонтепа» темир йўлининг «Ваҳдат-Ёвон» участкаси умумий узунлиги 40,7 километрни ташкил этиши, ушбу маршрут бўйлаб умумий узунлиги 3755 метрлик учта туннел, 681 метр узунликка эга бешта кўприк, бошқа иншоотлар, жумладан, станция қурилиши қайд қилинди.

Лойиҳага мувофиқ, темир йўлнинг мазкур участкаси қурилишига 800 миллион сомоний ажратиш назарда тутилган.

Лойиҳани амалга ошириш ишларининг бошланиши, яъни 2009 йилдан жорий йил апрелигача 303 миллион сомонийлик маблағ ўзлаштирилди. Ушбу муддат ичида 12 километр темир йўл тўлиқ қурилди. Қарийб 30 километр йўлда релсларни ётқизиш учун ер ишлари тугатилди. Қолган ишлар мушкул тоғ участкаларидан туннеллар ва кўприклар ётқизишни назарда тутади. 

Тоғли минтақада темир йўлнинг мазкур участкасини ётқизиш тожикистонлик мутахассислар учун бебаҳо тажриба саналади. Чунки келажакда бу темир йўл Рашт водийсининг янада мушкулроқ тоғли ҳудудларидан Қирғизистон ва Хитойга, жанубдан Афғонистон, Туркманистон ва Эронга чиқиши керак.

Мамлакат Президенти Эмомали Раҳмон узунлиги қарийб 3 километрни ташкил қиладиган энг узун туннелнинг шимолий кириш жойида келажак авлод учун капсула жойлаштирган ҳолда, қурилиш ишларини бошлаб берди.

Ушбу манзарали тоғли минтақада мамлакат Президенти соҳа раҳбарияти, йўл қурувчилари ҳамда яқинда жойлашган қишлоқлар аҳолиси билан учрашув ўтказди. Давлат бошлиғи мазкур темир йўлни жаҳон стандартларига мувофиқ тарзда қуриш муҳимлигини қайд қилди. Чунки келажакда у минтақавий ва халқаро темир йўл тармоқларига бирлашиб, Тожикистон, Қирғизистон, Хитой, Афғонистон, Туркманистон, Эрон ва Жанубий Осиё мамлакатлари ўртасида тўғридан-тўғри қатновни таъминлайди.

Йўлнинг турли участкалари билан бевосита танишув жараёнида ҳозир  иншоотда 400 нафардан зиёд қурувчи ва 13 та қурилиш компаниялари ҳамда ташкилотлари фаолият юритаётгани таъкидланди. Шундан 10 таси маҳаллий компания ва қурувчиларнинг 70 фоиздан зиёди Тожикистон фуқаролари саналади. Туннел ва кўприклар қурилишида иштирок этаётган хорижий компаниялар, асосан,  Хитой Халқ Республикаси ва Эрон Ислом Республикасига тегишлидир. Айни пайтда турли қурилиш участкаларида 150 дан зиёд қурилиш ва юк ташиш техникалари ишга сафарбар этилган.

Йўлнинг қарийб ҳар бир участкасида тўхтаб ўтган мамлакат Президенти қурувчиларни ишни сифатли бажаришга ундади.

«Душанбе-Қўрғонтепа» темир йўлининг «Ваҳдат-Ёвон» участкаси қурилиши 2016 йилнинг август ойигача якунланиши кераклиги таъкидланди.

«Ховар» ТМАА.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Надомат

 

Ҳикоя

Ёз шамоли димоққа чанг-ғубор ҳидини урар, ҳаво борган сайин қизиб, юз-кўзларни куйдирар эди. Қурғоқчилик ўз ҳукмини ўтказган: гул-гиёҳ, ўт-ўланлар аллақачон қуриб, сарғайиб қолган, гўё аланга тили ҳамма нарсани ялаб юборган эди. Ернинг ҳар-ҳар жойи ёрилиб, унчалик чуқур бўлмаган ариқчалар пайдо бўлган. Баланд-паст адирлар узра ўткинчи булутлар увадалари айланиб юрибди.

Муфассал...

ЧИТТАК

Одам эмас, парранда: муштдеккина, кўримсиз, қора-қура. Худованд унга ночизгина жисм-тан, аммо лекин ҳисобсиз ғам ва ташвиш ато этган. Номи ҳам ўзига муносиб тушган: Читтак. Жисмининг оғирлигига тенг келадиган паррандалар кўп, лекин улар турли-туман: чумчуқ, синчалак, жибилажибон, залич, булбул. Аммо уларнинг феъл-атвори-ю хислати ва ҳаёт тарзи  Читтакникига сира-сира ўхшамайди. Улар гул, буталар ва дарахт шохларига ин қўйишади,

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2615004

ӮҚУВЧИЛАР СОНИ

10361927
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
194
4349
4543
10316547
97439
161581
10361927

Сизнинг IPнгиз: 216.73.216.149
Бугун: 17-11-2026 01:12:34

ҲАМКОРЛАР

 

 

   

2015