Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 19 Феврал 2015 Кӯришлар: 1186
Печат

 

president tj17 феврал куни Хавфсизлик кенгаши раиси, Тожикистон Республикаси Президенти Эмомали Раҳмон бошчилигида мамлакат Хавфсизлик кенгашининг навбатдаги мажлиси бўлиб ўтди. Унда, асосан, иқтисодий хавфсизликни таъминлаш, коррупцияга қарши кураш, ушбу соҳада қонунчилик ва ҳуқуқ-тартиботни муҳофаза қилиш билан боғлиқ масалалар кўриб чиқилди.  

Мажлис ишида Хавфсизлик кенгаши доимий аъзолари ва аъзолари, Ҳисоб палатаси ва Давлат молиявий назорати ва коррупцияга қарши кураш агентлиги бошқарувчи ҳайъати, ҳуқуқ ҳимояси тузилмалари ва ҳуқуқ-тартиботи органлари раҳбарлари, бошқа бир қатор вазирликлару идоралар раҳбарлари иштирок этишди. 

Давлатимиз бошлиғи коррупцияни давлатга қарши хавфли ҳаракат, дея атар экан, бу нохуш ҳодиса давлат нуфузини мамлакат ичкариси ва хорижда ҳам тушириб, давлатдорлик асосларини сустлаштиришини қайд қилди. Шунинг учун, коррупцион жиноятлар билан курашиш иқтисодий хавфсизлик, ва умуман, давлат хавфсизлигини таъминлашнинг муҳим йўлларидан бири эканлиги таъкидланди.

Бу соҳадаги давлат сиёсатини самарали амалга татбиқ этиш учун молиявий тартибни кучайтириш, бюджет маблағларидан унумли ва мақсадли фойдаланиш, исрофгарчиликка йўл қўймаслик ва коррупцион жиноятларга қарши аёвсиз кураш олиб бориш муҳимлиги қайд қилинди.

Давлат бошлиғи Эмомали Раҳмон коррупцияни терроризм ва экстремизм каби глобал муаммо, деб атар экан, унга қарши аёвсиз кураш эълон қилди.

Бунда асосий эътибор турар жойлар қурилиши учун ерни ноқонуний тақсимлаш ҳамда ногиронлик бўйича нафақаларни тайинлаш ва тўлаш билан боғлиқ коррупцион жиноятларга қарши курашни кучайтиришга қаратилди.

Ошкор этилган молиявий зарар жойини тўлдириш учун амалий чораларни кўриш топшириғи берилди. Бундан ташқари, бюджет маблағларини бир моддадан бошқа харажат моддасига ўтказиш ман қилиниши ва бу моддалардан ортиб қолган маблағлар давлат бюджетига қайтарилиши ҳақида топшириқ берилди.

Хавфсизлик кенгаши мажлиси жараёнида, шунингдек, Ҳисоб палатаси, Давлат молиявий назорати ва коррупцияга қарши кураш агентлиги ҳамда бошқа тегишли тузилмалар раҳбарларининг ҳисоботлари тингланди.

Ҳисоб палатаси раиси Дилмурод Давлатзоданинг ҳисоботида, хусусан, бу янги ташкил этилган тузилманинг икки йиллик фаолияти давомида 340 тага яқин текширув ўтказилиб, 85 миллион сомонийлик маблағ давлат бюджетига қайтарилгани тўғрисида маълумот берилди. Тожикистон Миллий банкида ўтказилган фақат битта текширувда бу идора марказий аппаратида 15 миллион сомоний ҳажмидаги молиявий зарар ошкор этилди ва давлат бюджетига 10 миллион сомоний киритилди. Ҳисоб палатасининг асосий вазифаси бўлган мамлакат давлат бюджети лойиҳасини текширув режасида бир талай ишлар амалга оширилди.

Мамлакат Президенти Эмомали Раҳмон Тожикистон Миллий банки молиявий фаолияти Ҳисоб палатаси томонидан ҳар йили текшириб турилиши ҳақида топшириқ берди.

Давлат молиявий назорати ва коррупцияга қарши кураш агентлиги директори Абдуфаттоҳ Ғоиб ушбу тузилманинг беш йиллик фаолиятига доир ҳисобот берди. У, хусусан, ушбу давр мобайнида 1 миллиард сомонийга яқин молиявий зарар ошкор этилгани ва шундан қарийб 600 миллион сомонийси қайта тикланганини билдирди. Давлат бошлиғи ошкор этилган молиявий зарарнинг барча маблағлари мазкур тузилмалар банк ҳисобларига эмас, Давлат бюджетига қайтарилиши лозимлигини қайд этди.

Бош прокурор Юсуф Раҳмонов ўзининг ҳисоботида коррупцияга қарши курашда прокуратуранинг роли катта аҳамият касб этишини, бироқ жиддий камчиликлар ҳам кузатилишини таъкидлади.

Бу соҳадаги жиддий камчиликларни ҳисобга олган ҳолда, Давлат бошлиғи Бош прокурор биринчи ўринбосари ва ўринбосарлари, шунингдек, вилоятлар прокурорларини алмаштириш топшириғини берди.

Ички ишлар вазири Рамазон Раҳимзода ўтган беш йил орасида қайдга олинган 11 минг 741 коррупцион жиноятдан 4 минг 453 таси ички ишлар органлари томонидан ошкор этилганини таъкидлади.

Мамлакат Президенти Ички ишлар вазирига республика шаҳру ноҳияларида аҳоли билан бевосита учрашувлар ташкил этиб, уларнинг арзу шикоятлари, жумладан, ҳуқуқ-тартибот органлари ходимлари томонидан содир этилаётган ҳуқуқбузарлик ҳолатларини тинглаб, мавжуд камчиликларни бартараф этиш учун чора-тадбирлар қабул қилишни топширди. «Ҳуқуқ-тартиботни муҳофаза қилиш ва қонун устуворлигини таъминлаш учун биз доим ва бевосита халқ билан алоқада бўлишимиз лозим»,- дея қайд қилинди.

Ер бошқаруви ва геодезия давлат комитети раиси Маҳмадтоир Зокиров турар жойлар қурилиши учун ернинг ноқонуний тарзда савдо-сотиғи тўғрисида ҳисобот берди.

Энергетика ва сув захиралари вазири Усмонали Усмонзода ҳисоботи пайтида ундан ушбу соҳада беш йил давомида ошкор этилган 88 миллион сомонийлик молиявий зарар тўғрисида сўралди. Таъкидланишича, бу зарарнинг 15 миллион сомонийси фақатгина 2014 йили ошкор этилган.

Транспорт вазири Шерали Ганжалзоданинг ҳисоботида, хусусан, бу соҳада 892 миллион Америка доллари ҳажмидаги 12 та сармоявий лойиҳа амалга оширилаётгани билдирилди. Давлат бошлиғи мазкур лойиҳаларни амалга татбиқ этиш жараёнида маблағлардан мақсадли фойдаланиш ва қурилиш ишлари сифати доимий назорат остида туриши муҳимлигини қайд қилди.

Хавфсизлик кенгаши мажлисида, шунингдек, Маориф ва илм вазири Нуриддин Саид, Соғлиқни сақлаш ва аҳолини ижтимоий ҳимоялаш вазири Нусратулло Салимзода, Солиқ комитети раиси Нусратулло Давлатзодаларнинг ҳисоботлари ҳам тингланди.

Мавжуд камчиликларни бартараф этиш учун Адлия вазири Рустам Шоҳмурод, Миллий хавфсизлик давлат комитети раиси Саймўмин Ятимов, Олий суд раиси Нусратулло Абдуллозода, Тожикистон Республикаси Президенти қошидаги Наркотикларни назорат қилиш агентлиги директори Рустам Назарзода ва бошқа тузилмалар раҳбарларига тегишли топшириқлару кўрсатмалар берилди.

 

«Ховар» ТМАА.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Янги кадрлар президент қабулида

 

18 сентябр куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Тоғли Бадахшон мухтор вилояти раиси ўринбосарлари, Тоғли Бадахшон мухтор вилояти суд ва ҳуқуқ тартиботи органларида масъулиятли ва раҳбарлик лавозимларига тайинланган кадрларни қабул қилди.

Муфассал...

МИЛЛАТ ПЕШВОСИ ВА МИЛЛИЙ ҚОНУНЛАР ҚАБУЛ ҚИЛИНИШИ

 

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон ташаббуси билан Тожикистон Республикасининг "Тожикистон Республикасида анъаналар, тантаналар ва маросимларни тартибга солиш тўғрисида"ги қонуни қабул қилиниши мамлакатимиз ҳаётида бир қанча маданий-ижтимоий ўзгаришларни юзага келтирди.

Сўнгги ўн йилдан зиёд вақт давомидаги тажриба мазкур қонун доирасида маърака ва тантаналарни тартибга

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
595403

ӮҚУВЧИЛАР СОНИ

2591818
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2831
3306
2831
2566558
59914
86682
2591818

Сизнинг IPнгиз: 35.168.111.191
Бугун: 20-01-2020 23:40:16

ҲАМКОРЛАР

 

 

   

2015