Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 05 Апрел 2018 Кӯришлар: 718
Печат

 

sh hamroqulov 2018Тожикистон ўз табиий бойликлари, мавжуд иқтисодий имконият ва экспорт-импорт потенциали орқали, Марказий Осиё мамлакатлари билан савдо-иқтисодий соҳаларда ўзаро манфаатли ҳамкорликларни йўлга қўйиш иқтидорига эга.

Айни пайтда, бу борадаги алоқалар Қозоғистон, Қирғизистон ва Туркманистон давлатлари билан самарали олиб борилмоқда.

Биз учун яқин қўшни бўлган Ўзбекистон Республикаси билан савдо-иқтисодий алоқалар кейинги йилларда ўcиш суръатини кўрсатмоқда.

Айниқса, жорий йилнинг 9-10 март кунлари юртимизга давлат ташрифи билан келган Ўзбекистон Республикаси Президенти Шавкат Мирзиёев сафари доирасида бир қатор муҳим масалалар муҳокама этилиб, турли соҳалардаги муносабатларни тартибга солувчи ҳужжатлар тўплами имзоланди.

Шунингдек, ушбу ташриф муносабати билан Тожикистон ва Ўзбекистон тадбиркорлик доиралари форуми ҳам ташкил этилди. Ушбу иқтисодий форумда Тожикистон Республикаси Бош вазири биринчи ўринбосари Давлатали Саид, Ўзбекистон Республикаси Инвестициялар бўйича давлат қўмитаси раиси Суҳроб Холмуродов, икки мамлакат бир қатор вазирлигу идоралари раҳбарлари, ишбилармон ва тадбиркорлари иштирок этишди.

Форум доирасида томонлар бир-бирларининг сармоя ўтказиш имкониятлари ва савдо-иқтисодий ҳамкорликларни янада ривожлантириш омилларини турли видео-роликлар орқали тақдим этишди.

Тожикистон ва Ўзбекистон тадбиркорлик доиралари форуми сўнггида икки мамлакат тадбиркорлари иштирокида 620,0 миллион долларлик 16та ҳамкорлик битими имзоланди. Бу ҳам келгусида мамлакатларимиз ўртасидаги савдо-иқтисодий ҳамкорликларни янги босқичга чиқариш учун етарли пойдевор яратди.   

Қолаверса, Тожикистон Республикаси Президенти муҳтарам Эмомали Раҳмон ва Ўзбекистон Республикаси Президенти муҳтарам Шавкат Мирзиёевнинг Дўстлик ва яхши қўшничиликни мустаҳкамлаш тўғрисидаги қўшма баёнотида ҳам мамлакатлар ўртасидаги савдо-иқтисодий алоқаларни янги даражага кўтариш борасида тўхталиб ўтилган.

Масалан, Президентлар Тожикистон Республикаси ва Ўзбекистон Республикаси ўртасида ўзаро манфаатли савдо-иқтисодий ҳамкорликни янада кенгайтиришнинг стратегик хусусиятини қайд этдилар.

Томонлар ўзаро савдода кузатилаётган ижобий ўсиш суръатини мамнуният билан қайд этдилар ҳамда икки томонлама товар айланмаси номенклатурасини диверсификация қилиш ва яқин йилларда унинг ҳажмини 500 миллион долларга етказиш учун улкан салоҳият мавжудлигини таъкидладилар.

Шунингдек, баёнотда айтилишича томонлар саноат кооперацияларини ривожлантириш, қўшма корхоналар ва савдо уйларини яратиш, ташқи савдо инфратузилмалари ва экспорт-импорт амалиётларини қўллаб-қувватлаш механизмларини фаол ривожлантириш, шунингдек, ўзаролик асосида бизнес-форумлар ва саноат маҳсулотларининг миллий кўргазмаларини ташкил қилиш учун улкан салоҳият мавжудлигини қайд этганлар.

Томонлар иккала мамлакат иқтисодиётига инвестицияларни жалб қилиш ва рағбатлантириш бўйича биргаликдаги саъй-ҳаракатларини амалга оширишга келишиб олдилар. Шу муносабат билан Тожикистон Республикаси Ҳукумати ва Ўзбекистон Республикаси Ҳукумати ўртасида инвестицияларни рағбатлантириш ва ўзаро ҳимоя қилиш тўғрисида келишув имзоланди.

Албатта, ушбу ташрифнинг яна бир тарихий жиҳати шунда бўлдики, икки мамлакат раҳбарлари Тожикистоннинг Хатлон вилоятини Ўзбекистоннинг Сурхондарё вилояти билан боғловчи «Ғалаба-Амузанг» давлатлараро темир йўл участкаси фаолиятини бошлаб беришди. Бу эса, Тожикистоннинг бошқа мамлакатлар, жумладан, Ўзбекистон Республикаси билан, энг аввало, савдо-иқтисодий ҳамкорликларни ривожлантириш ва Хатлон вилояти аҳолисининг иқтисодий фаровонлигини таъминлашда улкан аҳамият касб этади.

Умид қиламизки, давлатлар раҳбарлари ташаббуси билан бошланган эзгу амаллар ва самарали алоқалар қон-қариндош ва аҳил қўшни бўлган тожик-ўзбек халқлари манфаатига хизмат қилади.

Ш. ҲАМРОҚУЛОВ, Тожикистон Молия

ва иқтисод институти доценти, иқтисод

фанлари номзоди.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Июл 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Дилмурод ДАВЛАТЗОДА: - Республикада нафақанинг ўртача ҳажми 305 сомоний 30 дирамни ташкил этади

 

Тожикистон Республикаси Ҳукумати қошидаги Ижтимоий суғурта ва нафақа агентлиги раиси Дилмурод Давлатзода ҳисобот даврида ижтимоий суғурта ва нафақа бюджети 1 миллиард 366,2 миллион сомонийни ташкил қилиб, ўтган йилнинг шу даврига нисбатан 120,4 миллион сомоний ёки 9,6 фоиз зиёдлигини агентликнинг 2019 йил ярим йиллик фаолияти жамбастига бағишланган матбуот анжуманида таъкидлаб ўтди.

Муфассал...

БИР ОҚШОМ ЭРТАГИ

 

Уни қишлоқда ҳамма танийди-ю, исмини ҳеч ким билмайди. Ҳамма уни «Қори», «Қори ака», деб чақиради, орқаворотдан эса, «Кўр Қори», деб атайдилар. Кўча-кўйда тупроққа қоришиб юрадиган иштончанг гўдаклар унинг ортидан: «Қорака, Қорака, бугун кино қанақа?»- дея чувиллашиб қочадилар-да, сал нари боргач: «Елпесе»ни айтиб беринг!» -деб бақиришади.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
769146

ӮҚУВЧИЛАР СОНИ

3106567
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1478
2748
18902
3065544
35109
93022
3106567

Сизнинг IPнгиз: 3.228.21.204
Бугун: 11-07-2020 10:22:54

ҲАМКОРЛАР

 

 

   

2015