Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 20 Октябр 2016 Кӯришлар: 658
Печат

 

terorizmҲаёт аталмиш уммонда сузиб бораётган Инсоният кемаси чайқалиб турибди. Кема ичидагилар эса, бу ҳолатдан ёқаларини тутишиб, Парвардигордан нажот исташмоқда. Зеро, чайқалиб турган бу кемани ҳар лаҳза хавф-хатар исканжага олаётгани рост…

XXI асрда яшаётган Ҳазрати инсон ҳамма томонлама илгарилаб кетди.

Унда Ер қолиб, Коинотга хўжайин бўлиш орзуси ўтган аср ўрталарида пайдо бўлганди. Коинот нарвонига чирмашиб бўлса-да, бир бор чиққан инсон  зоти онгини энди уни буткул тасарруф этиш фикри эгаллади. Аммо Коинотни эгаллашдан олдин Ерни, миллион йиллардан буён Ҳазрати инсон ва унинг зурриётларига макон бўлиб келган Ерни тақсимлаш кампанияси авж олди. Икки қудратли қутбга айрилган кучлар ўзаро ошкору яширин жанг бошлашди. Ва бу жанглар турли ниқобларга кирди. Насронийлар яшайдиган минтақалардаги тортишувлару жанжаллар турли насроний секталару жараёнларга, Ислом мамлакатларидагилар эса, исломий террорчи, экстремистик гуруҳлар номлари билан боғланаверди.

Турли кўринишдаги жанглар тобора кучая борди. Янгидан-янги жангари гуруҳлар ўзларидан дарак бера бошлашди. "Ал Қоида", "Толибон", "Жабҳат ан-нусра", "Боко ҳарам", "ИШИД"…

Инсоният рўбарў келаётган ушбу муаммолар бир ёки икки давлат муаммоси бўлмай қолди. Эндиликда ўзи яратган "вабо"га бир ёқадан бош чиқариб, биргаликда бир тан, бир жон бўлиб курашишга мажбур бўлиб қолди. Аксинча, уммон узра сузиб бораётган Инсоният кемаси чайқала-чайқала ғарқ бўлиши турган гап. Унинг чўкишини ҳеч ким истамайди, айниқса, кемани чайқалтириб қўйганлар ҳам… Чунки ўрмонга ўт кетса, ҳўлу қуруқ баравар ёниб кул бўлиши тайин. Буни бани башар англаб етмоқда. Мавлоно Жалолиддин Балхий айтмоқчи, инсон жаҳолати ила яралган қурол-яроқлар, бетайин идеологиялар уни аслидан тобора йироқлаштирмоқда, жаҳолат фош этмоқда:

Кимки комил бўлмагай ғафлат анга,

Ғафлати илму хирад подош этар.

Кимки жоҳил бўлмаган ҳикмат анга,

Илми ҳам бир кун жаҳолат фош этар…

Бу каби жаҳолатни инсоннинг ўзи яратиб, яна уни турлича номлар билан атади: қизил террор, насронийларга мансуб гуруҳлар террори, мусулмон жангарилар террори…Ўтган аср Шўролар Иттифоқи сиёсатига нисбатан қизил террор, дея ишлатилган бўлса, кейинчалик Америка, умуман, Ғарбда фаолият юритаётган қатор гуруҳлар кирдикорларига насронийлик террори, "Ал-Қоида", "Толибон", "Жабҳат ан-нусра", "Боко ҳарам", "ИШИД" фаолияти эса, мусулмон террорчилиги, дея қайд этила бошланди.

Аслида террор куни кеча ё бугун пайдо бўлган эмас. Унинг тарихи қадим-қадимларга бориб тақалади. Уни амалга оширишдан мақсад эса, кишиларда қўрқув уйғотиб, уларни ўз азму иродаларига бўйсундириш.

Бир пайтлар кучсизгина кўринган ва пана-паналарда яшириниб юргувчи жиноий гуруҳлар бугунга келиб, росмана кучайиб кетиб, ўзларини алоҳида давлат эълон қилаётганлари ҳам бор…

Ҳа, ҳозирда бу кучлар жангарилиги ва юқори даражада ижтимоий хавфлилиги билан тавсифланмоқда. Эътиборли жиҳати шуки, улар томонидан мақсадга эришиш борасидаги фаолиятлари турлича бўлса-да, тутаётган йўллари-ю қилаётган ишлари бир хил: одамларнинг тинч турмуш тарзини издан чиқариш ва уларни қўрқувда яшашга мажбурлаш кузатилмоқда.

- Дарҳақиқат, асримиз  одамлари бошидан оғир синовлар кечмоқда. Баъзи шахс ва гуруҳлар томонидан ўзларининг геосиёсий мақсадларини Ислом шиорларига ниқобланган ҳолда ташкил қилишга уриниши қатор ихтилоф ва кўнгилсизликларни келтириб чиқармоқда. Хусусан, улар томонидан кўтариб чиқилаётган сохта даъволар мусулмонлар оммаси ўртасида эътибор топмаётгани ҳамда ўз ҳаракатларини оммавий шаклда ташкил этолмаётгани жиҳатидан аҳолининг маълум қатламлари номидан кураш таассуротини уйғотиш мақсадида террор йўли танланмоқда,- дейди Тожикистон Президенти қошидаги Исломшунослик маркази илмий котиби Маҳрамбек Маҳрамбеков.

Имоми Аъзам номли Тожикистон Ислом олийгоҳи мударриси, домла  Абдулвоҳид Ҳомидов эса, терроризм ҳақида:

- Ислом ва террор сўзларини бирикма шаклида ифода этиш уларнинг мазмун-моҳиятига зиддир. Сабаби,  нафақат, Ислом, балки бирор-бир самовий динлар ўз таълимотларида зўравонлик, зулм ва қон тўкишни оқламаган, ҳаргиз оқламайди ҳам. Хусусан, Ислом дини зулм ва зўравонликнинг ҳар қандай кўринишини қатъий қоралаган. Қуръони Каримнинг "Наҳл" сураси 91-оятида Аллоҳ таоло шундай марҳамат қилади: "Албатта, Аллоҳ адолатга, эзгу ишларга ва қариндошга яхшилик қилишга буюради ҳамда бузуқчилик, ёвуз ишлар ва зулмдан қайтаради".

Ислом - инсонпарвар дин. У бир инсонга тажовуз қилишни бутун инсониятга тажовуз қилиш ёки бир инсон ҳаётини сақлаб қолишни бутун инсониятни сақлаб қолиш, дея баҳолайди. Аллоҳ таоло "Моида" сурасининг 32-оятида айтади: "Бирор жонни ўлдирмаган ёки ерда (бузғунчилик ва қароқчилик каби) фасод ишларни қилмаган инсонни ўлдирган одам худди ҳамма одамларни ўлдиргани кабидир. Унга ҳаёт бахш этган (ўлимдан қутқариб қолган) одам эса, барча одамларни тирилтиргани кабидир..."- дейилади. Демак, ўзини мусулмон санаган киши, албатта, одамкушлик каби улкан гуноҳлардан тийилмоғи шарт, -дея фикр билдирди.

Ҳа, бугунги кунда терроризм, экстремизм каби иллатларга қарши бир тан, бир жон бўлиб, бирдамликда курашмоқ лозим. Зеро, терроризм - аср вабоси, у шайтони лаин қутқуси оқибатида амалга ошмоқда. Айнан ана шу қутқу одам боласини бир-бирига қурол ўқталишга етакламоқда.

Терроризмга қарши курашни шу бугундан, шу лаҳзадан бошлаш, уни таг-томири билан қўпориб ташлаш лозим.

 

Абдулло Саидов,

"Халқ овози".

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Хазонрез йўлакларда…

 

Кузни севаман. Булутлар увада пахта каби осмонга сочилиб ётган кузни. Намхуш хазонлари шаҳар йўлакларига паришон сочилиб кетган кузни севаман. Шивирлаб ёғаётган ёмғирлар қўйнида янада сеҳрли бўлиб кетган куз тунларини севаман. Уч ой минг турфарангда жилва қиладиган кузни севаман.

Мезон ойида қишлоғим осмонида мезон иплари осмонга ҳайинчак солган кузни севаман.

Муфассал...

Душанбеда халқаро китоб кўргазмаси

 

Тожикистон Миллий кутубхонасида "Душанбе китоби" IX халқаро кўргазмаси бўлиб ўтди.

Кўргазма карнай, сурнай ва доира садолари билан бошланиб, ташриф буюрганларга қувноқ кайфият улашган бўлса, миллий либослар ҳамда ҳунармандчилик намуналари ва юртимизнинг шириндан-шакар турли мева ва сабзавотлари намойиш этилганлиги иштирокчиларда катта таассурот уйғотди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
512168

ӮҚУВЧИЛАР СОНИ

2355997
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1065
2104
3169
2334650
49834
62133
2355997

Сизнинг IPнгиз: 3.231.228.109
Бугун: 22-10-2019 11:00:39

ҲАМКОРЛАР

 

 

   

2015