Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 17 Сентябр 2015 Кӯришлар: 823
Печат

 

kurush kuprikСпитамен ноҳиясида 13 йил илгари сел келиши натижасида бузилган “Ширинсой” кўприги қайта тикланди.

Кўприкнинг фойдаланишга топширилиш маросими ҳақиқий байрамга айланиб кетди. Унда ноҳия раиси Ориф Хожазода сўзга чиқиб, мазкур кўприкнинг ишга туширилиши мамлакат Президентининг бунёдкорлик сиёсатига жавобан ва вилоятда давом этаётган обод йўллар йилида ноҳияда амалга оширилган кўзга кўринарли ишлардан эканлигини таъкидлади.

Йиғилишда вилоят раиси ўринбосари Заробиддин Файзуллозода ва ноҳия аҳлининг мамлакат Парламентидаги вакили Аҳмаджон Қобилов иштирок этиб, барча спитаменликларни Мустақиллик байрами ва қўлга киритилаётган ютуқлар билан табриклади.

Абдувоҳид Ваҳҳобов Куруш (собиқ Куркат) жамоатининг 29 минг нафар аҳолиси номидан сўзга чиқиб, ушбу кўприкни қуришда қўллаб-қувватлаган вилоят раҳбариятига миннатдорчилик билдирди.

Сойнинг нариги ёқасида жойлашган Ширин қишлоғида 600 нафар аҳоли истиқомат қилиб, жамоат марказига келиб-кетишда қийинчиликларга йўлиқарди. Айниқса, мактаб ўқувчилари Куруш қишлоғидаги мактабга қатнаб ўқишда кўплаб муаммоларга дуч келар, қиш фаслида ўқувчилар азоби икки бараварга ошарди. 

Мазкур кўприк қурилишига 3 миллиону 90 минг сомоний маблағ сарфланиб, “Ваҳдат” ширкати томонидан икки йил давомида қуриб битирилди.

ЯНГИ МАКТАБ – ҲАМЖИҲАТЛИК НИШОНАСИ

Жаббор Расулов ноҳиясининг Ғўлакандоз жамоатида 19-умумтаълим муассасаси янги биноси ҳашар йўли билан қурилиб, фойдаланишга топширилди.

Мактаб биноси ота-оналар ва ўқитувчилар ташаббуси ва маблағ ўтказиши ҳамда давлат ҳокимияти маҳаллий ижроия органи қўллаб-қувватлаши билан қуриб битказилди.

Бино фойдаланишга топширилишида қатнашган Суғд вилоят раиси Абдураҳмон Қодирий ота-оналар ва маорифчилар ташаббусини юқори баҳолади.

Мактаб қурилишига 2 миллиону 300 минг сомоний маблағ сарфланган бўлиб, қурилиш аввалида вилоят бюджетидан 100 минг сомоний маблағ ажратилган. Асосий харажатлар ота-оналар ва ноҳиядаги барча ўқитувчилар ҳамда саховатли кишиларнинг моддий кўмаги эвазига амалга оширилди. Шунингдек, кўплаб ишлар ҳашар йўли билан ҳам бажарилди. Бино қуриб битказилгач, вилоят раиси томонидан стол-стул, синф тахтаси, компютер, принтер ва мусиқа асбоблари учун 150 минг сомоний маблағ ажратилиб, хоналар жиҳозланди.

    Янги мактаб биноси 2 қаватли бўлиб, 20 синфхонадан иборат. Бу ерда бир сменада 500 нафар таълим олиш имкониятига эга.

    ДЕҲҚОНЛАР БИЛАН МУЛОҚОТ

Мастчоҳ ноҳиясининг “Лангар” деҳқон хўжалиги шийпонида Суғд вилояти раиси ва маҳаллий деҳқонлар мулоқот ўтказди.

Мулоқотда, асосан, етиштирилган ҳосилни талафотсиз йиғиб олиш масаласи муҳокама этилди.

Вилоят раиси пахта ҳосилини ўз вақтида йиғиштириб олиш учун, теримчиларга ҳар бир килограмм терган пахтасига мавсум аввалида 30 дирамдан пул тўлаш, кейинроқ бу нархни 50 дирам ва мавсум охиригача 1 сомонийга чиқариш топшириғини берди.

Шунингдек, ҳар бир хўжалик ўз ички имкониятлари ва ҳашарчилари ёрдамида, бу ишга мактаб ўқувчиларини жалб қилмай, ҳосилни йиғиштириб олиши таъкидланди.

Жорий йилда мастчоҳлик деҳқонлар 22 минг 130 гектар ерда деҳқончилик қилишаётир. Шундан 9507 гектари пахтадир. Умумий пахта майдонидан 8717 гектари ёки 91,7 фоизига хорижий чигит нави экилган бўлиб, бу маҳаллий навларга нисбатан серҳосил, жаҳон бозорида серхаридор ва нархи ҳам қимматлиги билан ажралиб туради.

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ҚИССАДАН ҲИССАЛАР

 

Ўзим билан суҳбат

-Нега ёзасан, Раъно?

-Нега ёзмайин?

-Ахир, шоиру ёзувчилар шунчалар кўп ёзишди-ку…

-Тўғри айтасан, лекин мен ҳам ёзишим керак.

Муфассал...

Тор созига ҳамоҳанг қалб

 

Бу инсон билан бундан икки йил муқаддам «Истиқлол» қишлоғидаги байрамда учрашган эдик. Қишлоққа кираверишдан то байрам даврасигача бўлган кўчанинг икки томонида ёшу қари байрамона кайфиятда… Яна ҳар ким ўз меҳнат маҳсулини кўргазмага чиқарган. Шунинг ўзидан маълумки, қишлоқда ота-боболаримиз анъаналари давом этмоқда.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
466101

ӮҚУВЧИЛАР СОНИ

2219840
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1891
1417
11826
2199519
26832
46701
2219840

Сизнинг IPнгиз: 34.204.179.0
Бугун: 18-08-2019 22:27:39

ҲАМКОРЛАР

 

 

   

2015