Яқинда ҳарбий хизматни тугатиб қайтганимга деярли икки йил бўлади. 2015 йилда ўз ихтиёрим билан Тожикистон Қуролли кучлари сафида хизмат қилиш учун жўнаб кетгандим. Икки йил давомида йигитлик бурчимни бажариб, Ватанимни, халқимни, шу жумладан, ўз оиламни қўриқлаб, қишлоғимга қайтиб келдим.
Эсимда, ўшанда, яъни бундан икки йил олдин ҳарбий хизматга
жўнатишларини сўраб, кўнгилли равишда ариза ёзганимда, мендан катта айрим йигитлар елка қисганча сўрашарди: "Ростдан ҳам ариза ёзиб келдингми? Ё…" Мен бу каби саволларни беришганда, охиригача эшитмасдан, маъноли жилмайганча ўтиб кетаверардим. Мени тушунмайдиганларга нима ҳам дердим. Қалбимдаги йигитлик бурчимни бажаришга интилиш, ҳарбийда хизмат қилиш ўша савол берган йигитнинг ҳам, менинг ҳам ватанпарварлик бурчим эканлиги ҳақида айтганим билан тушунармиди?
Лекин баъзан ўйланиб қолардим. Оиламизда ҳар бир инсон ўзи туғилиб-ўсган юртини севиши, уни ҳимоя қилиши ҳақида суҳбатлар кўп бўларди. Бошқа оилаларда бундай суҳбатлар ҳеч бўлмаганмикан? Ҳарбий хизматдан қочиб юрган айрим йигитларнинг оталари менинг дадам каби ҳамма Россияга ишлаш учун кетаверса, ё армиядан қолиш учун бирон-бир олий ўқув юртига илиниб қолишга уринса, ким Ватанни ҳимоя қилади, деб айтишмаганмикан?
Аввал акам - Қурбонали Отаев кўнгилли равишда ҳарбий хизматга кетди. Акам хизматни тугатгандан кейин ҳам, Қуролли кучлар сафида қолди. Ҳозир вилоятимиздаги ҳарбий қисмлардан бирида прапоршик рутбасида хизмат қилиб, армияга янги борган йигитларга устозлик қилмоқда.
Ундан кейин отам - Зариф Отаевнинг ҳарбийда хизмат қилиш - Ватанни ҳимоя қилиш ҳақидаги суҳбатлари таъсирида мен ҳам хизматга жўнадим.
Ҳозир укам Бегали мактабда, юқори синфда ўқийди. У ўқишга жуда қизиқади. Олий ўқув юртига кириб ўқиш ниятида. Лекин у ҳам биз - акалари каби йигитлик бурчини ўташ ҳақида ўйлайди.
Мен ҳам, акам ҳам ҳеч кимга, ҳеч қачон: "Мен армияга бориб-келдим. Сен, нега хизматдан қочиб юрибсан?"- демаганмиз. Ахир, қайси ўғил ўз она-Ватанига қилган хизматини миннат қилади? Қолаверса, мен яшаётган Турсун Ўлжабоев номли қишлоқ жамоатининг Янгиобод қишлоғида ҳарбий хизматга ўз ихтиёри билан жўнаб кетаётган, Ватан олдидаги бурчини бажариб келаётган йигитлар кўп. Ва менинг эшитишимча, икки йилдан буён мамлакатимиз Мудофаа вазирлигидан ноҳиямиз раҳбарияти номига миннатдорчилик хати келар экан. Бу хатда спитаменлик йигитларнинг ҳарбий хизматга кўнгилли равишда отланаётганликлари ҳам айтилар экан. Бу эътибордан эса, хурсанд бўлмаслик, фахрланмаслик мумкин эмас, албатта.
Темур Отаев,
Спитамен ноҳияси.
Тошпўлат Жалов 1957 йилнинг 15 ноябрида Ёвон ноҳиясидаги Парчасой қишлоғида таваллуд топган. 1974-78 йиллар ЛДПИнинг филология факултетида таҳсил олган. Узоқ йиллар ўзи ўқиган таълим муассасасида ўзбек тили ва адабиёти фанларидан дарс берган.
Ёш авлодга таълим бериш жараёнида у шеърлар ҳам ижод қилиб келди. «Тонг орзуси», «Қаламимни ўғирлама, бахт» ва «Шеърим, менга ҳамроҳ
Муфассал...
Ашт ноҳияси пахтакорлари янги – 2018 йилни ўтган йилги муваффақиятларидан руҳланган ҳолда бошлашди. Бултур аштлик пахтакорлар 14 минг 824 тонналик хирмон уйишди. Бу борада белгиланган йиллик режа 160 фоиздан ошириб бажарилди. Олдинги йилга қараганда деярли 5430 тонна кўп «оқ олтин» териб олинди. Ҳосилдорлик гектарига 27 центнердан ошди.
Муфассал...2015
1-2015
2-2015
3-2015
4-2015
5-2015
6-2015
7-2015
8-2015
9-2015
10-2015
11-2015
12-2015
13-2015
14-2015
15-2015
16-2015
17-2015
18-2015
19-2015
20-2015
21-2015
22-2015
23-2015
24-2015
25-2015
26-2015
27-2015
28-2015
29-2015
30-2015
31-2015
32-2015
33-2015
34-2015
35-2015
36-2015
37-2015
38-2015
39-2015
40-2015
41-2015
42-2015
43-2015
44-2015
45-2015
46-2015
47-2015
48-2015
49-2015
50-2015
51-2015
52-2015