Тожикистон давлат мустақиллигининг 30 йиллигини муносиб кутиб олишга тайёргарлик тадбирлари доирасида Бохтар шаҳрида 268та иншоот бунёд этилиши кўзда тутилган. Жумладан, ўтган йили 19та иншоот қурилиши бошланиб, уларнинг 10таси фойдаланишга топширилди.
Давлат ҳокимияти Бохтар шаҳри ижроия органидан хабар беришларича, У. Хайём кўчасида биринчи қаватида хизмат кўрсатиш маркази жойлашган
9 қаватли, Борбад маҳалласида 5 қаватли, Ургутмаҳаллада хизмат кўрсатиш маркази мавжуд 4 қаватли, «Дўстии халқҳо» маҳалласида 2та 5 қаватли истиқомат уйлари, С. Айний маҳалласида «Суман» табобат-ташхис маркази фойдаланишга топширилди.
Шунингдек, бу даврда аҳоли, тадбиркорлар ва ширкатлар томонидан 10625 квадрат метрли 23та истиқомат манзиллари қурилиб, фойдаланишга топширилди. Мазкур иншоотлар фойдаланишга топширилиши туфайли, 254та янги иш жойлари таъсис этилди.
Масъулларнинг маълумотига кўра, айни пайтда шаҳар ҳудудида қурилиши давом этаётган истиқомат уйлари, маъмурий, хизмат кўрсатиш, таълим ва спорт иншоотлари 61тани ташкил этади.
Чакан - миллий ҳунар маҳсули
Давлат ҳокимияти Левакант шаҳри ижроия органи ва маҳаллий тадбиркорлар қўллаб-қувватлаши билан левакантлик ёш тадбиркор аёл Манижа Мўминова илгари «Дугоналар» номи билан танилган ва эндиликда «Чакан – Ватан чеҳраси» номини олган тўгарагини ўтказди. У БМТнинг маориф, илм ва маданият бўлими – ЮНЕСКОнинг 13-конференциясида чаканнинг «Инсоният номоддий маданий мероси» сифатида эътироф этилганлигига бағишланди. Тўгаракда Сайёҳлик ва халқ ҳунармандчилигини ривожлантириш йилидаги ютуқлар ва хотин-қизларнинг ҳунармандчилигига доир бошқа масалалар кўриб чиқилди.
Ҳунарманд аёллар Зебо Баротова, Гулжаҳон Мадудова, Раъно Қурбонова, Барно Шамсова, Парчиной Ашурова, Момажон Давлатова ва бошқалар ўзларининг қўл ҳунарлари маҳсули бўлган маҳсулотларни номойишга қўйишди ва ёш қизларни момолар ҳунарларини ўрганишга даъват этишди.
Тўгаракда, айниқса, замонавий чаканнинг турли тарзда кашталанганлари иштирокчиларнинг диққатини ўзига жалб этди. Тадбирда шеърлар қироат қилиниши, ашула ва рақслар ижро этилиши унга байрамона руҳ бағишлади.
Тил – миллат бойлиги
Хатлон вилоятида давлат ҳокимияти вилоят ижроия органи, Маориф ва илм бошқармаси, Телевидение ва радио идораси ҳамда Ёшлар билан ишлаш ва спорт бошқармаси қўллаб-қувватлашлари билан «Тил – миллат бойлиги» шоу-танлови ўтказилмоқда. Тадбирни ташкил этишдан мақсад «Тожикистон Республикаси Давлат тили тўғрисида»ги Тожикистон Республикаси қонунининг ҳаётга татбиқ этилиши, илм ва маориф, ҳунармандчиликни тарғиб этиш, классик ва замонавий шоирлар ижодига юз буриш, тил билиш, шеърхонлик завқини ошириш, давлат тилини тоза сақлаш ва келгуси авлодни ўзликни англаш руҳида тарбиялашдан иборатдир.
Шоу-танловда вилоят шаҳар ва ноҳияларида фаолият кўрсатаётган давлат ва хусусий гимназиялар, Президент мактаб ва лицейлари ўқувчилари иштирок этишади. Мазкур шоу-танловнинг навбатдаги босқичида Кўшониён ноҳиясидаги 3-давлат гимназияси ўқувчилари иштирок этиб, 56,5 хол тўплашга муваффақ бўлишди. Шоу-танлов давом этмоқда.
Хитойликлар билан ҳамкорликлар истиқболи
Хитойнинг «Sinohydro» ширкати Левакант шаҳри 1-ўрта умумтаълим муассасаси ўқувчиларига китоб, сўмка, футбол тўпи ва бошқа ўқув қуроллари тақдим этишди.
Совғаларни топшириш жараёнида ўқувчилар ўртасида Хитой тарихи ва маданиятига бағишланган танлов ўтказилди. «Sinohydro» ширкатининг вакили хонум Хуан Лингвей келгусида шундай совғалар бошқа ўқув муассасалари ўқувчиларига ҳам топширилиши режалаштирилганлигини айтди. Ширкат вакили берган маълумотга кўра, хитойликлар учта таълим муассасаси бинолари қурилишини давом эттиради.
Тожикистон Республикаси Маориф ва илм вазирлиги билан «Sinohydro» ширкати ўртасида ўтган йилнинг июл ойида ҳамкорлик тўғрисида ҳужжатлар имзоланганди. Унга кўра, Хитойнинг «Power China» ширкати Данғара ноҳияси, Бохтар ва Левакант шаҳарларида 2560 ўқувчи таълим-тарбия олишига мўлжалланган учта мактаб қуриб беради. Бу лойиҳаларнинг умумий қиймати 3,5 миллион Америка долларига тенгдир.
Ихтирочилар танлови
Яқинда «Тожикагролизинг» ДУКнинг Восе ноҳияси Абди Авазов номидаги қишлоқ жамоати ҳудудида жойлашган минтақавий идорасининг ташаббуси билан Кўлоб минтақаси шаҳар ва ноҳияларидан бўлган ихтирочилар ўртасида қишлоқ хўжалиги техникалари ва иш қуролларига бағишланган танлов ўтказилди. Минтақанинг турли ёшдаги ихтирочилари тадбир иштирокчилари эътиборига ўзлари яратган маҳсулотларни ҳавола этишди. Танловда минтақа ўрта умумтаълим муассасалари ўқувчилари фаоллик кўрсатиб, уларнинг қўлда ясаган маҳсулотлари иштирокчиларга манзур бўлди. Балжувон ва Восе ноҳиясидан бўлган катта ёшли ихтирочилар фойдаланишдан қолган техникалар эҳтиёт қисмларидан ясаган кичик тракторларини намойишга қўйишиб, танлов иштирокчиларининг юксак баҳоларига сазовор бўлдилар.
«Тожикагролизинг» ДУК раҳбари Юсуф Акрамзода ва Восе ноҳияси раиси Мусо Ғафурзодалар минтақанинг ихтирочилари ишларига юқори баҳо бериб, уларни ифтихорнома ва бошқа эсдалик совғалари билан тақдирлашди.
Ўз мухбир.
- Дунёнинг бир қатор давлатлари каби Тожикистон Республикасида ўлим ҳукми бекор қилинмаган бўлса-да, 2004 йилдан буён унга мораторий эълон қилинган, яъни ўлим ҳукми вақтинча тўхтатилган, - деди матбуот конференцияси жараёнида Тожикистон Республикаси Олий суди раиси Шермуҳаммад Шоҳиён.
Тожикистон Республикаси Олий суди раисининг айтишига кўра, дунё давлатлари ўлим ҳукмига нисбатан турлича муносабатда бўлишмоқда.
Муфассал...
МУТАСАДДИЛАР: - ЙЎҚ, ОДАМЛАР: - БОР, - ДЕЙИШАДИ… АСЛИДА-ЧИ?
Тожикистон аграр мамлакат бўлганлиги сабаб, қишлоқ хўжалиги соҳасига катта эътибор қаратиб келинади. Ҳукумат томонидан қабул қилинган ва қилинаётган қонун, қарор ва дастурлар бу соҳани ислоҳ қилиш ҳамда даромадлилигини оширишга йўналтирилганлиги, шубҳасиз.
Картошкапарварлик Тожикистон Республикаси қишлоқ хўжалигининг асосий соҳаларидан бири ҳисобланиб, озиқ-овқат хавфсизлигини таъминлаш,
Муфассал...2015
1-2015
2-2015
3-2015
4-2015
5-2015
6-2015
7-2015
8-2015
9-2015
10-2015
11-2015
12-2015
13-2015
14-2015
15-2015
16-2015
17-2015
18-2015
19-2015
20-2015
21-2015
22-2015
23-2015
24-2015
25-2015
26-2015
27-2015
28-2015
29-2015
30-2015
31-2015
32-2015
33-2015
34-2015
35-2015
36-2015
37-2015
38-2015
39-2015
40-2015
41-2015
42-2015
43-2015
44-2015
45-2015
46-2015
47-2015
48-2015
49-2015
50-2015
51-2015
52-2015