14 июл куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Америка Қўшма Штатлари ва Тожикистон Республикаси Тадбиркорлар кенгаши раҳбари Филипп Де Леонни қабул қилди.

Тожикистон Республикасининг ташқи сиёсатида Америка Қўшма Штатлари билан эзгу ва ҳар томонлама алоқаларни ривожлантиришнинг алоҳида

ўрни қайд қилиниб, Америка тадбиркорлари ва тижоратчилари делегациясининг Тожикистонга икки давлат ўртасида савдо ва иқтисодиёт соҳаларидаги шерикчилиги ҳозирги ҳолати ва истиқболлари борасида фикр алмашиш мақсадидаги ташрифи муҳим, дея аталди.

Давлатлараро муносабатлар ўрнатилган даврда икки томонлама, жумладан, савдо ва иқтисодиёт соҳаларида ҳамкорликлар тўғрисида 30дан зиёд ҳужжат имзолангани, Тожикистон Республикаси Ҳукумати томонидан Америка Қўшма Штатлари тадбиркорлари ва сармоядорларининг Тожикистондаги самарали фаолияти учун қулай ҳамда зарур шароитлар яратилгани қайд қилинди.

Тожикистон ва Америка тадбиркорлигу сармоядор доираларининг иқтисодиёт, савдо, саноат, энергетика, сармоялар, сайёҳлик соҳаларидаги ҳамкорликлари, бу давлат тадбиркорлари ва тижоратчиларини Тожикистон озод иқтисодий минтақалари фаолиятини ривожлантиришга жалб этиш юзасидан фойдали фикр алмашинди.

Суҳбатдошлар, шунингдек, ўзларини қизиқтирган бошқа масалаларга ҳам тўхталдилар.