Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 27 Июл 2018 Кӯришлар: 819
Печат

 

buz erlar 2018Шаҳритуз ноҳиясидаги Худойназар Холматов номли қишлоқ жамоатига қарашли Бобои Қурбонали деҳқон хўжалиги ташкил топганига ҳали бир йил ҳам тўлган эмас. Лекин ўтган қисқа муддатда 15-20 йилдан буён ишлатилмай, қуш учса қаноти, одам юрса оёғи куядиган чўли маликдай бўлиб қолган Қиржол мавзесидан 200 гектар қўриқ ерларни ўзлаштириб, обод майдонларга айлантиришга тўсқинлик қилмади.

Зеро, ушбу мавзени ободонлаштиришга киришганларнинг ниятлари соф ва самимий эди.

Бир пайтлар обод бўлгану, бироқ кейинги бир неча ўн йилликда бўз ерга айланган ушбу мавзени қайта обод қилиш, ишнинг кўзини биладиган, пухтакор раис Рустам Норинов чекига тушганда, кўпчилик бу ерларнинг қайта обод бўлишига унчалик ишонмаганди ҳам. Бироқ, ғайратли раис ниятни соф қилиб, енгини шимариб, ишга киришди. Унинг елиб-югуриши натижасида, 180 гектарга "оқ олтин" уруғи қадалди, 20 гектар майдонда эса, полиз маҳсулотлари ва маккажўхори етиштирилди.

buz erlar 2018 1Айни пайтда хўжаликда 6та бригада амал қилаётган бўлиб, унинг 150 нафар аъзолари астойдил меҳнат қилишмоқда. Айниқса, Нарзулло Аввалов, Ўринбек Норбўтаев, Боймурод Қобилов ва Баҳром Нориновларнинг бригадаси майдонларида шу кунларда иш қизғин. Пахталар тобора мавж уриб, униб-ўсмоқда. Механизаторлар Тожимурод Холмонов ва Норбой Жумаевлар ҳам техник ишлов беришда бири-биридан ортда қолаётганлари йўқ.

Бўз ерларни қайта ўзлаштиришга киришган хўжалик аъзолари меҳнатлари ўз вақтида қадрлаб келинаётир. Бунга полиз маҳсулотлари ва маккажўхоридан олинган даромад эвазига ҳар бир ишчига 100 килограммдан ун ва пул мукофотлари улашилганлиги мисол бўлади.

Сув - оби ҳаёт. Айниқса, Худованднинг бу қутлуғ неъмати қўриқ ерларни ўзлаштиришда асосий рол ўйнаши барчага бирдай маълум. Пахтакорлар тили билан айтганда, сув экиннинг қонидир. Инсон вужудида қоннинг айланиши қанчалик муҳим бўлса, гуркираб ўсаётган экинзорлар учун ҳам сув, инчунин, зарур. Шунинг учун ҳам, насос агрегатлари мутахассислари Мусулмонқул Ашуров ва Ўктам Жабборовлар сувнинг экин майдонларига ўз меъёрида етиб туриши учун жонбозлик кўрсатмоқдалар.

Дарвоқе, ушбу хўжалик меҳнаткашлари яхши ҳордиқ чиқаришлари учун Миллий бирлик байрамига бағишлаб концерт дастури ташкил этилди. Ушбу бадиий-маданий тадбирда таниқли санъаткорлар - Рамила Раҳмонова ва Убайдулло Хўжамбердиев гуруҳлари иштирок этиб, ўзларининг дилтортар куй-қўшиқлари билан меҳнаткашлар қалбига шавқу завқ улашди.

Суҳбат асносида хўжалик раиси Рустам Норинов Хатлон вилояти раиси Давлатшоҳ Гулмаҳмадзода, Шаҳритуз ноҳияси раиси Рамазон Оймаҳмадзода, шунингдек, Қабодиён ноҳиясидаги машҳур "Авеста" хўжалиги раиси Хурсандшо Раҳматовларнинг беминнат ёрдамлари-ю қўллаб-қувватловидан миннатдор эканлигини изҳор этди. Уларнинг ўзига бўлган ишончларини оқлаш ниятида Худо хоҳласа, келажакда бугунги эришилган маррани бир неча бараварга орттириш нияти борлигини ҳам айтди.

 

Исмоил Саидов,

"Халқ овози".

КАЛЕНДАР

« Декабр 2020 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Тириклар сафида ҳамиша борсиз…

Ўлмас Жамол (илоҳо охиратлари обод бўлсин) улкан тоғ бағридан ҳар қандай хасу хашаклардан покланиб чиқаётган, барча тирик мавжудотга ҳаёт бағишлайдиган муқаддас булоққа ўхшарди.

Булоқларда биз инсонлар ҳамиша ҳам эътибор беравермайдиган ажиб фазилат бор. Ҳаммага – шоҳга ҳам, гадога ҳам тенг, баравар хизмат қилиш фазилати. Ўлмас ака ҳам ана шундай беминнат, одам танламайдиган, каттага ҳам,

Муфассал...

Юрагимнинг гулбоғларига умр ёмғир каби қуйилар…

 

Саъдулла Ҳаким 1951 йили Жиззах вилояти Фориш туманидаги сўлим Гараша қишлоғида туғилган. ТошДУнинг журналистика факултетини тугатган .

Унинг "Ҳамал тонглари" , "Сен кутган баҳор", "Ёз оқшоми", "Она сўз", "Сайланма", "Кўнгил юзи", "Кўҳна нақл", "Эсимда қолган кунлар", "Атом қаърига саёҳат" каби китоблари чоп этилган.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
912096

ӮҚУВЧИЛАР СОНИ

3626304
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
604
3067
6176
3599373
3671
84571
3626304

Сизнинг IPнгиз: 3.238.184.78
Бугун: 02-12-2020 04:55:44

ҲАМКОРЛАР

 

 

   

2015