Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 02 Март 2018 Кӯришлар: 2360
Печат

 

qugirchoq 2018Спитамен ноҳиясидаги таниқли халқ ҳунармандларидан бири Хурсаной Абдураҳмоновага хориждан янги буюртма келди. Италиялик тадбиркорлар Хурсаной ясаган миллий қўғирчоқларни италянлар зўр иштиёқ билан сотиб олишганини хабар қилишар экан, янги маҳсулотларидан юборишни сўрашган.

Хурсаной ясаётган миллий қўғирчоқлар фақат Италияда эмас, балки Бирлашган Араб Амирликларида ҳам ўз харидорларини топди.

Хурсаной қўғирчоқларни, асосан, адрас, атлас каби миллий матолар қийқимларидан ясайди. Тажрибали ҳунарманд ҳозирда ўз ҳунарини 20 нафарга яқин шогирдларига ўргатмоқда.

- Биз фақат миллий қўғирчоқлар эмас, балки халқ ҳунармандлари ясаётган, тикаётган, тўқиётган бошқа маҳсулотларни ҳам чет элларга сотиш учун ҳаракат қилаяпмиз, - дейди Суғд вилояти «Қўлда атлас-адрас тўқиш ҳамда бошқа халқ ҳунарларини тиклаш ва ривожлантириш мактаби» давлат муассасаси етакчи мутахассиси Пўлат Йўлдошев.

Бу мутахассиснинг айтишича, вилоятнинг бошқа ерларида бўлгани каби Спитамен ноҳиясида ҳам халқ ҳунармандчилиги ривожланган. Ноҳия халқ ҳунармандлари тайёрлаётган сўзана, сандиқ, сават, дўппи, пичоқ ва бошқа маҳсулотлар сифати, безаклари билан харидорлар эътиборини тортмоқда.

 

Аскар йигитлар оналарига эътибор

Тожикистон Республикаси Қуролли кучларининг 25 йиллиги арафасида, Хўжанддаги ўнта оилага шаҳар ҳукумати вакиллари совға-саломлар билан кириб келишди. Бу меҳмонлар – давлат ҳокимияти Хўжанд шаҳар ижроия органи Аёллар билан ишлаш ва оила бўлимидан эди. Бўлим ходимлари шаҳар раиси Маъруф Муҳаммадзоданинг кўрсатма ва топшириғига кўра, ўғиллари кўнгилли равишда ҳарбий хизматга жўнаб кетган оналарни қутлаш учун ташриф буюришганди.

«Биз ватанпарвар ўғилларни тарбиялаганларинг учун сизлардан миннатдормиз!». Меҳмонларнинг бу дил сўзларини эшитган оналар йигитлик бурчларини адо этишга биринчилар қаторида ҳарбий хизматга жўнаган ўғиллари билан фахрланишларини изҳор этишди.

- Мен ҳар доим ўғлимга юртимиз, элимизни ҳимоя қилар экан, оиламизни, жумладан, мен – онасини ҳам ҳимоя қилишини уқтириб келаман. Шаҳар ҳукуматидан биз – аскар йигитлир оналарига берилаётган эътибор учун эса, миннатдормиз, - деди Маҳбуба Эгамова.

 

«Саломатлик карвони» қишлоқ жамоатида

Бобожон Ғафуров ноҳиясининг Дадабой Холматов номли қишлоқ жамоатига «Саломатлик карвони» кириб келди. Ноҳиянинг тажрибали шифокорлари қишлоқ аҳолиси соғлиғи билан қизиқишди, текширишди. Аҳоли орасида учраётган у ёки бу хасталикларга оид саволларга жавоб қайтарилди. Касалликларнинг олдини олиш борасида зарур маслаҳатлар берилди.

Шу куни «Саломатлик карвони» хизматидан қишлоқда яшайдиган 800 нафарга яқин киши баҳраманд бўлди. Шунингдек, сил ва бошқа юқумли касалликлар олдини олиш борасида йўл-йўриқлар кўрсатилди. Саломатликни яхшилашга хизмат қиладиган 800та варақа текинга тарқатилди.

«Саломатлик карвони» ноҳиянинг биринчи тиббий-санитария ёрдами хизмати тармоғи ва соғлом турмуш тарзини шакллантириш маркази ташаббуси билан йўлга чиқмоқда. Эл соғлиғини сақлаш йўлида амалга оширилаётган бу муҳим тадбирни давлат ҳокимияти ноҳия ижроия органи қўллаб-қувватламоқда.

Ўз мухбир.

КАЛЕНДАР

« Июл 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

СИЁСИЙ ҲУШЁРЛИК - ДАВР ТАҚОЗОСИ

 

Бугунги кунда терроризм ва экстремизм сўзларининг маъносини билмаган, бу кўриниш инсоният учун ўта хавфли эканлигини тушуниб етмаган одамнинг ўзи бўлмаса керак. Бутун олам аҳлини зир титратишга қодир бўлган, кутилмаганда дунёнинг тўғри келган минтақасида кучли портлашлар содир қилишдан қайтмайдиган, инсон ҳаётининг қадрини тушунишни истамайдиган қора ниятли кишилар террорчи, деб аталишини ҳамма билади.

Муфассал...

Рамазон – раҳмат ва баракат ойи

 

- Нега баъзи минтақларда рўза бир кун олдин ёки кейин тутилади?

- Рўза тутишнинг оммалашиб кетаётганининг сабаби нимада?

- Рўзанинг 30-куни оғиз очган қизларнинг, чинданам, бахтлари очилиб кетадими?

- Мамлакат Президентининг Рамазон ойи арафасидаги мулоқотидан

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2147526

ӮҚУВЧИЛАР СОНИ

8408106
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
639
2413
10647
8370164
56675
99827
8408106

Сизнинг IPнгиз: 18.97.14.80
Бугун: 18-07-2025 05:52:31

ҲАМКОРЛАР

 

 

   

2015