Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 09 Декабр 2016 Кӯришлар: 647
Печат

 

investisiya-Жорий йилнинг тўққиз ойи мобайнида «Данғара» озод иқтисодий минтақасига 1 миллиард сомонийдан ортиқ (айни пайтдаги курс бўйича 1,27 миллион АҚШ долларига тенг) тўғридан-тўғри инвестиция жалб қилинди, - деб хабар берди «Данғара» озод иқтисодий минтақаси бошлиғи ўринбосари Сафарали Тайфуров «Авеста» агентлигига.

2011-2015 йиллар давомида «Данғара» озод иқтисодий минтақасига жалб қилинган инвестициялар 200 миллион сомонийни ташкил этган.

- Жорий йилда инвестициялар жалб қилиш ҳажмининг ошиши нефтни қайта ишлаш заводи ҳамда темир конструкциялар ишлаб чиқариш корхонасининг ишга туширилиши билан боғлиқдир, - деди С. Тайфуров.

Унинг айтишича, энг йирик инвестициялар Хитой, Эрон ва Россия компаниялари томонидан ажратилган.

- Озод иқтисодий минтақа фаолиятини бошлаган 2011 йилдан буён бу ерга 1 миллиард 250 миллион сомоний (158,8 миллион АҚШ долларидан ортиқ) инвестиция жалб қилинган, - деди озод иқтисодий минтақа бошлиғи ўринбосари.

 

«Энг яхши кутубхоначи» ва «Энг яхши китобхон»

«Китобдан ўзга суҳбатдош истама» шиори остида ўтказилган республика библиомарафон фестивал-танловида Хатлон вилояти бўйича вилоят болалар кутубхонаси кутубхоначиси Майдагул Хўжамуродова «Энг яхши кутубхоначи» ҳамда Ш. Шоҳин номли вилоят кутубхонасининг фаол муштарийси, Бохтар ноҳиясидаги Президент мактабининг ўқувчиси Аҳмад Шарифзода «Энг яхши китобхон», деб топилдилар ва республика танловида учинчи жойга сазовор бўлдилар. Ғолиблар фестивал-танловнинг дипломи ва эсдалик совғалари билан тақдирланишди.

Бу тўғрида журналистларга Шамсиддин Шоҳин номли вилоят кутубхонаси директори Тўтинисо Юсупова хабар берди.

 

Миллат пешвоси асарлари тақдимоти

Темурмалик ноҳияси давлат гимназиясида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг икки асари: «Тарихий сиймолар» ва «Миллат тили – миллат боқийлиги» тақдимоти бўлиб ўтди. Тадбирда давлат ҳокимияти ижроия органи вакиллари, умумтаълим муассасалари директорлари ва ноҳия корхона ҳамда ташкилотлари раҳбарлари иштирок этишди.

Тадбир иштирокчилари Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг асарлари тарихий фактлар асосида ёзилган бўлиб, тожик миллати ва тили пайдо бўлиши ҳамда ривожланиши, шунингдек, турли даврларда жаҳон илми равнақига арзирли улуш қўшган халқимизнинг обрўли фарзандлари ҳақида кенг маълумот беришини қайд қилиб ўтишди.

Тадбир иштирокчилари Миллат пешвосининг мазкур асарлар тақдимоти ноҳиянинг барча ташкилот ва муассасаларида ўтказилиши таклифини киритдилар.

 

«Некдил» - янги ташхис маркази

Яқинда Қўрғонтепа шаҳридаги Бўри Воҳидов номли вилоят беморхонасида Рентгеноангиография маркази ишга туширилди. Бу ҳақда «Ховар» ТМАА мухбири хабар берди.

Марказнинг ишга туширилиш маросимида вилоят раиси Давлатшоҳ Гулмаҳмадзода иштирок этди.

- Мазкур тиббиёт муассасаси вилоятдаги дастлабки Рентгеноангиография маркази ҳисобланади, - деди вилоят раиси маросим қатнашчилари олдида сўзга чиқиб. – Шу пайтгача беморлар кичик ва катта қон томирлари табобати учун мамлакатимиз пойтахти ёки хориж давлатларига боришарди.

Соҳа мутахассисларининг фикрича, марказнинг замонавий тиббий ускуналари беморларнинг шу ерда ташхисдан ўтиш ва табобатига имконият туғдиради. Мазкур муассаса бунёди ва ишга туширилиши, шунингдек, тиббий хизмат кўрсатиш даражаси ҳамда сифатини яхшилаш, беморлар унинг хизматидан бемалол фойдаланиш шароитини яратади.

 

Олийгоҳнинг замонавий қўшимча биноси

Қўрғонтепа шаҳридаги Носир Хисрав номли давлат университетининг тарих ва ҳуқуқ факултети талабалари янги бино соҳиби бўлишди.

Олийгоҳ янги қўшимча биноси ишга туширилиши маросимида мамлакат Бош вазири ўринбосари Маҳмадтоҳир Зокирзода, Маориф ва илм вазири Нуриддин Саид ва Хатлон вилояти раиси Давлатшоҳ Гулмаҳмадзодалар иштирок этишди.

Ховар ТМАА мухбири хабар беришича, замонавий бино барча асбоб-ускуналар билан таъминланган бўлиб, унда олийгоҳнинг тарих ва ҳуқуқ факултети жойлашган. Бино 24 аудатория ва 8та ёрдамчи кабинетлардан ташкил топган. Ўқув биносида 1162 нафар талаба таҳсил олади.

 

Оилавий зўравонликка қарши

Аёлларга нисбатан оилавий зўравонликка қарши 16 кунлик кураш доирасида давлат ҳокимияти Бохтар, Восе, Мўминобод ноҳиялари ижроия органларининг Хотин-қизлар ва оила ишлари бўлимлари томонидан турли дастурлар ҳамда учрашувлар ўтказилди. Бу ҳақда давлат ҳокимияти Хатлон вилояти ижроия органидан хабар берилди.

Манбанинг маълумотига кўра, бу кунга бағишлаб, «Зўравонликка қарши 16 кун», «Зўравонликсиз 16 кун», «Насллар пайванди», «Йўқолсин, зўравонлик» шиорлари остида қишлоқ жамоатлари аҳолиси, фаол хотин-қизлар, фахрий аёллар ҳамда ноҳиялар аёллар кенгашлари аъзолари ўртасида, таълим муассасаларида учрашув ва суҳбатлар ўтказилди.

Учрашувларда хотин-қизларнинг оила ва оиладорликка тегишли ҳуқуқий маърифатларини ошириш ҳамда уларнинг касб-ҳунар ўрганишлари юзасидан фикр алмашувлари бўлиб ўтди.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Икки юзламачининг туғилиши

 

У бир танишимнинг яхшиликни билмаслиги, менинг ортимдан ёлғон-яшиқни гапириб юриши, бир тийин учун яқин дўстини ҳам сотиб юбориши ва яна нималарнидир гапирди. "Сиз бошқачасиз, бир оғиз у ҳақида ёмон гапирганингизни эшитган эмасман. Қайтага яна яхшилик қиляпсиз…"

Мен жилмайдим-да, унинг гапини бўлиб, хайрлашиб кетдим. Йўлда борар эканман, ҳозир бориб, ўша танишимга мени ёмонлашини ўйладим.

Муфассал...

Душанбеда халқаро китоб кўргазмаси

 

Тожикистон Миллий кутубхонасида "Душанбе китоби" IX халқаро кўргазмаси бўлиб ўтди.

Кўргазма карнай, сурнай ва доира садолари билан бошланиб, ташриф буюрганларга қувноқ кайфият улашган бўлса, миллий либослар ҳамда ҳунармандчилик намуналари ва юртимизнинг шириндан-шакар турли мева ва сабзавотлари намойиш этилганлиги иштирокчиларда катта таассурот уйғотди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
510632

ӮҚУВЧИЛАР СОНИ

2351099
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1433
2162
16449
2320138
44936
62133
2351099

Сизнинг IPнгиз: 34.236.216.93
Бугун: 20-10-2019 03:32:14

ҲАМКОРЛАР

 

 

   

2015