Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 22 Сентябр 2016 Кӯришлар: 838
Печат

 

sanoat22092016Вилоятда мамлакат мустақиллигининг 25 йиллигига бағишлаб ўтказилган «Йилнинг энг яхши саноатчиси» танлови якунланди. Мазкур танлов вилоят раисининг жорий йил май ойидаги қарори асосида эълон қилинганди. Ундан мақсад эса, вилоятда саноатни ривожлантириш, ишлаб чиқарилаётган маҳсулотлар сифатини яхшилаш эди.

Вилоят раиси матбуот хизмати марказидан билдиришларича, маъдан ишлаб чиқариш соҳасида Гулистон шаҳридаги «Апрелевка» қўшма корхонаси ғолиб деб топилган. Озиқ-овқат саноатида Бобожон Ғафуров ноҳиясидаги «Афзали Суғд» масъулияти чекланган жамияти биринчи ўринни эгаллаган. Конибодом шаҳридаги «Гулдаст-2015» масъулияти чекланган жамият енгил саноатда ҳаммадан яхши натижа кўрсатган. Нефт-кимё соҳасида эса, Исфара шаҳридаги «Корхонаи кимёвий» корхонаси ғолиб чиққан.

Мазкур танлов ўтказилиши натижасида саноатчилар мавжуд имкониятлардан тўлиқ фойдаланишга, илғор технологияларни ишга туширишга, вақтдан унумли фойдаланиб, сифатли маҳсулот ишлаб чиқаришга интилишган.

 

Тожик «Коса»си Лондонда кўрсатилади

Россиянинг Қозон шаҳрида бўлиб ўтган XII мусулмон киноси халқаро кинофестивалида тожик киночилари асари – «Коса» юқори баҳоланди. Энди мазкур қисқа метражли филм Буюк Британияга йўл олади. «Коса» жорий йил октябр ойи бошида ўтиши мўлжалланаётган Лондон халқаро кинофестивалида намойиш этилади. Шу ўринда Татаристон пойтахти –Қозондаги халқаро кинофестивалда жаҳоннинг 33 мамлакатидан келган 60та филм қатнашганини таъкидлаш жоиз. Мазкур кинофестивал «Маданиятлар орқали мулоқотдан – мулоқот маданиятига» шиори остида ўтди.

Ёш тожик кино режиссёри Муҳиддин Музаффарнинг асари бўлган «Коса», шунингдек, Италия пойтахти Рим ва Бангладеш пойтахти Даккада бўлиб ўтадиган халқаро кинофестивалларга ҳам йўлланма олди. «Коса» Комил Ёрматов номли «Суғд синамо» киностудиясида яратилган дастлабки асар ҳисобланади.

«Коса» филми директори Осим Олимпурнинг айтишича асар халқ ривоятлари асосида яратилган. Унда миллий қадриятлар, урф-одатлар кўрсатилади. Бу ҳаётнинг қайтар дунё эканлиги бадиий тарзда намойиш этилади.  Ёш бир боланинг болаларча, лекин соф фикрларининг катталарга қандай таъсир этиши, уларнинг қарашларини ўзгартириши маҳорат билан кўрсатилган.  Бола ролини етти яшар ёш актёр Насим Раҳматуллаев маҳорат билан ўйнаган. Тожикистон Халқ артисти Ислом Саломов, актёрлар Сайёда Турсунова ва Бунёд Комилов яратган образлар ҳам филмнинг муваффақият қозонишида муҳим ўрин тутган. Мутахассислар бу борада сўзлар эканлар, ёш кино режиссёр Муҳиддин Музаффарнинг актёрлар танлашдаги қобилиятини ҳам таъкидлашмоқда.

Айни пайтда суғдлик ёш киночилар янги филм устида иш олиб боришмоқда. У ёзувчи Сорбоннинг «Тангно» («Тор дара»)  асари асосида суратга олинади.

 

 «Кошонаи Саъдий» - 40 ёшда

Истаравшанда «Кошонаи Саъдий» хусусий кутубхонаси ташкил топганлигининг 40-йиллиги нишонланди. Мазкур кутубхона асли касби дори тайёрловчи бўлган Акбари Бобохожанинг саъйи ҳаракати билан вужудга келганди.

Аввалида унчалик бой бўлмаган кичикроқ кутубхона йиллар давомида катталашиб борди. Ҳозирда кутубхонада 10 минг нусхадан ортиқ бадиий, илмий, сиёсий, ижтимоий ва бошқа китоблар мавжуд. Мақсади элга зиё тарқатиш бўлган инсон «Кошонаи Саъдий»ни бойитиш билан бирга,  қишлоқ ва мактаб кутубхоналарига ҳам китоб етказиб бермоқда. У Роғун ГЭСи қурувчилари учун 500та китоб совға қилди.

Давлат  ҳокимияти Истаравшан шаҳар ижроия органи ташаббуси билан ўтказилган тадбирда Тожикистон Парламенти депутати Иброҳим Абдуллозода, Шукри Иброҳим, Ўктам Нурулло, Сайфулло Маҳкамов каби ижодкор ва журналистлар сўзга чиқиб, Акбари Бобохожанинг турли касб эгалари бўлган юзлаб одамлар, айниқса, ёшлар қалбида китобга бўлган муҳаббатни кучайтиришдаги хизматларини таъкидлаб ўтишди.

Шоир Султонмурод Ҳожибоевнинг айтишича, Акбари Бобохожа одамларга зиё тарқатишдан ҳеч чарчамайдиган инсондир.

- Мен бу кутубхона тўғрисида биринчи бўлиб шеър ёзганлигимдан фахрланаман. У «Тафаккур оламини йиққан макон», деб аталганди. Ўз пайтида хусусий кутубхонанинг очилиши катта воқеа бўлганди. Бу кутубхона ҳақида Россия, Украина, Америка Қўшма Штатларида мақолалар чиқди. Мазкур кутубхонадан бошқа ерларда топилмайдиган китобларни  ҳам топса бўлади. Мен яқиндагина машҳур лашкарбоши Жуков китобининг биринчи жилдини ўқиб тугатдим. Иккинчи китобни қаердан топиб ўқийман, деган ўйда эдим. Акбар аканинг кутубхоналарида мен излаган шу китоб бор экан, олиб ўқияпман  - дейди Султонмурод Ҳожибоев.

«Кошонаи Саъдий» кутубхонаси, агар таъбир жоиз бўлса, кўплаб ижодкорлар, зиёлилар, оддий китобхонларнинг севимли маконига айланди. Бу кутубхонада МирзоТурсунзода, Боқи Раҳимзода, Мўмин Қаноат, Лоиқ, Зулфия, Пиримқул Қодиров, Эркин Воҳидов каби машҳур ижодкорлар ҳам бўлишган ва зиё масканига катта баҳо беришган.

Акбари Бобохожа фармацевтика соҳасидаги хизматлари учун  ҳали 1968-йилдаёқ «СССР соғлиқни сақлаш аълочиси»  унвонига сазовор бўлган.  Китоб тарғиботидаги меҳнати ҳисобга олинган  ҳолда, зиё тарқатувчига «СССР Китобсеварлар жамияти аълочиси»  унвони берилганди. Мустақиллик даврида машҳур кутубхоначининг меҳнати янада қадрланди. 2014 йилда унга «Тожикистон Республикаси маданияти аълочиси» унвони берилди.

Ҳозирда Акбари Бобохожа муборак саксон ёшга кирди. Лекин у киши ҳамон тиним билмайди. Кутубхонани янада бойитиш, китобхонлар сонини ошириш йўлида интилгани-интилган.

 

Ўз мухбир.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Сув – бебаҳо неъмат, ҳаёт сарчашмаси

 

Мамлакатимиз пойтахти – Душанбе шаҳри келгуси ҳафтада яна бир халқаро тадбир ўтказилиши майдонига айланади. 20 июндан 22 июнгача пойтахтимизда Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг ташаббуси билан БМТ Бош ассамблеяси резолюцияси асосида қабул қилинган 2018-2028 йиллар – «Сув устувор тараққиёт учун» халқаро амалиёт ўн йиллиги тадбирлари доирасида БМТ

Муфассал...

Санъатнинг сеҳрли кучи

 

Яқинда Озарбайжон Республикасининг пойтахти – Боку шаҳрида “Муғом олами” V халқаро мақом фестивал-танлови бўлиб ўтди. Бундан роппа-роса ўн йил муқаддам ЮНЕСКОнинг номоддий маданий мероси рўйхатига киритилган озар мақоми ихлосмандларини бир жойга жамлаган бу йилги фестивалда мумтоз қўшиқларнинг моҳир ижрочиси, юртдошимиз Сардор Солиев ҳам қатнашиб, фахрли иккинчи ўринни олишга муваффақ

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
550901

ӮҚУВЧИЛАР СОНИ

2475541
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
288
1985
8411
2448083
30319
71175
2475541

Сизнинг IPнгиз: 3.233.224.8
Бугун: 13-12-2019 03:17:40

ҲАМКОРЛАР

 

 

   

2015