Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 25 Август 2016 Кӯришлар: 824
Печат

 

yahgi uylarПанжакент шаҳрига қарашли Халифа Ҳасан жамоатининг Шўрча қишлоғида саккизта янги замонавий уй қад кўтарди. Бу уйлар жорий йил 9 май куни келган селдан зарар кўрган оилаларга берилди. Ҳар бир уй учта хона ва айвондан иборат. Ҳовлида эса, ошхона, ҳаммом, омбор каби ёрдамчи иморатларни қуриш мўлжалланган.

Янги уйларни топшириш маросимида Суғд вилояти раиси Абдураҳмон Қодирий ва Панжакент шаҳри раиси Шафеиён Ислом Зиёзода қатнашди.

Абдураҳмон Қодирий селдан зарар кўрганларга нисбатан ғамхўрлик яна давом эттирилишини билдирди.

Сел келгандан кейин Панжакентга етиб келган Тожикистон Бош вазири Қоҳир Расулзода Шўрчада ҳам бўлиб, қишлоқ аҳлининг руҳиятини кўтарадиган яхши гаплар айтганди. У Миллат пешвоси, мамлакат Президенти Эмомали Раҳмоннинг топшириғи билан бутунлай бошпанасиз қолганлар учун тез орада янги замонавий уйлар қуриб берилишини билдирди. Шунингдек, Бош вазир селдан жабрланган ҳар бир оилага 10 минг сомонийдан маблағ берилишини айтди ва бу  иш амалга оширилди. Вилоят раиси Абдураҳмон Қодирий томонидан эса, жабрланган ҳар бир оилага 3-4 минг сомонийдан моддий ёрдам кўрсатилди. Шунингдек, шўрчаликларга озиқ-овқат, зарур рўзғор жиҳозлари улашилди.

- Хайрият, сел кундузи, тўрт яримларда келди. Агар офат тунда юз берганда инсоний талафот кўп бўлиши мумкин эди. Сел ҳамма уй-жойларимизни бузиб, оқизиб кетди. Жиҳозлар нари турсин, ҳужжатларимиз ҳам йўқ бўлиб кетди. Бугун янги уй калитини олар эканман, мамлакатимиз ва вилоятимиз раҳбарларига кўрсатган ғамхўрликлари учун миннатдорчилик билдирмоқчиман. Қишнинг совуқ кунлари бошланишидан уч-тўрт ой олдин янги бошпанали бўлдик. Янги уйда яшаш учун барча имкониятлар бор, - дейди селдан қаттиқ зарар кўрган оилалардан бирининг бошлиғи, шифокор Фарҳод Норматов.

Янги уйларда мебел, телевизордан тортиб, рўзғор учун зарур бошқа буюмлар бор. Шўрчаликлар уйларини тез ва соз қуриб берган панжакентлик қурувчилардан ҳам миннатдор бўлишмоқда.

 

«Суғдсинамо» маҳсулотлари

Душанбеда биринчи марта бўлиб ўтадиган «Навсоз» халқаро қисқа метражли филмлар кинофестивалида Комил Ёрматов номли «Суғдсинамо» давлат муассасасининг икки маҳсулоти иштирок этади. Суғдлик киночилар мамлакат пойтахтига «Коса» бадиий филми ва «Сайҳун қизи» ҳужжатли филмини олиб боришади.

Мазкур кинофестивалда ўнга яқин хорижий мамлакат киночилари ўз маҳсулотлари билан қатнашишлари кутилмоқда. Кинофестивалда ўттизга яқин кинофилм кўрсатилиши режалаштирилган.

«Суғдсинамо»  филмлари директори Осим Орифпурнинг айтишича, «Коса» филми, шунингдек, Россиянинг Қозон шаҳрида бўлиб ўтадиган исломий филмлар 12-фестивалида ҳам иштирок этади. Шундан кейин эса, филм Қозоғистонга йўл олади ва Олмаота халқаро кинофестивалида ғолиблик учун беллашади.

«Коса» фаолияти бошланганига эндигина бир йилдан ўтган ёш киночилар жамоаси «Суғдсинамо»нинг дастлабки маҳсулотларидан биридир. Филм муқаддас оила мавзусига бағишланган. Режиссёр Муҳиддин Музаффар мавзуни очиб бериш учун халқ ривоятларидан усталик билан фойдаланган. «Сайҳун қизи» филми эса, Тожикистон халқ шоираси Фарзона ҳаёт ва фаолиятига бағишланган.

«Суғдсинамо» жамоаси ёш бўлишига қарамай, аллақачон, кино оламида танилиб қолди. Суғдлик киночилар суратга олган тўлиқ метражли бадиий филм – «12 йил интизорликда» Хўжанд ва Душанбе кинотеатрларида намойиш этилди. Бу филмда оддий тожик қизининг бошига тушган машаққатлар, унинг кучли иродаси, оилавий зўравонликлар ҳақида ҳикоя қилинади. Осим Орифпурнинг айтишича, мазкур филмни суратга олиш учун юздан ортиқ оила ҳаёти ўрганилган ва таҳлил қилинган. Филм сценарийси Бахтиёр Каримов қаламига мансуб.

Ҳозирда ёш киночилар янги филмни суратга олиш режаси билан банддирлар. Мазкур филм ёзувчи Сорбоннинг «Тор дара» («Тангно») асари асосида дунёга келади.

 

«Қадимий Суғд» сайёҳларни чорлайди 

«Суғд вилоятида сайёҳлик соҳасини ривожлантириш учун кенг имкониятлар мавжуддир. Айниқса, экологик ва тарихий-маданий туризм йўлга қўйилса, кўплаб чет эллик сайёҳларни жалб қилади».

Тожикистон Ёшлар, спорт ва сайёҳлик қўмитаси раиси Ахтам Абдуллозоданинг бу сўзлари «Қадимий Суғд» деб аталган маданий-сайёҳлик фестивали иштирокчилари томонидан қизғин олқишланди. Мазкур фестивал Хўжанд шаҳридаги Камол Хўжандий номли боғда бўлиб ўтди. Фестивал Тожикистон мустақиллигининг 25 йиллигига бағишланди.

Фестивал қатнашчилари вилоятда туризм ривожланаётгани ҳақида ҳикоя қилувчи кўргазмалар билан мароқ ила танишишди.

Тожикистоннинг такрорланмас, гўзал табиати чет эллик сайёҳларни мудом жалб қилиб келган. Жаҳон томи – Помир, Искандаркўл, Ромит, Тожик денгизи, ўйнаб оқар дарёлар… Тожикистондаги хорижий сайёҳлар кўришни орзу қиладиган хушманзара жойларни санаб, адоғига етиш қийин. Худди шунинг учун ҳам, Тожикистон Республикаси Ҳукумати  сайёҳлик соҳасини ривожлантиришни иқтисодий сиёсатнинг энг муҳим йўналишлардан бири сифатида эълон қилди. Таҳлилларнинг кўрсатишича, айниқса, экологик, тоғ, спорт, маданий-тарихий сайёҳликни ривожлантириш мамлакат иқтисодига ижобий таъсир кўрсатади.

Фестивалда қатнашган Суғд вилояти раиси ўринбосари Назира Ғаффорий, Хўжанд шаҳри раиси  Шарифзода Шариф Файз туризмнинг мамлакат хазинасини бойитиши билан бирга, хорижлик сайёҳларнинг Тожикистондан катта таассурот билан қайтишларига, ўз юртидан фахрланадиган ҳар бир тожикистонликнинг эса, Ватан ободлиги, кўркамлиги йўлида янада кўпроқ ғайрат билан меҳнат қилишига ҳисса қўшишини айтишди. 

 

Сифатсиз дориларга қарши

Вилоят дорихоналари ва уларнинг омборларидан 900 хилдан зиёд дори сотувдан олиб қўйилди. Фармацевтика фаолияти давлат хизмати бошқармаси ходимлари текширишлар давомида дорихоналарда истеъмол муддати ўтиб кетган, сифатсиз ё стандарт талабларига жавоб бера олмайдиган дори-дармонлар сотилаётганини аниқлашди. Бу дорилар нобуд қилинди. Мазкур амалиёт салоҳиятли комиссия аъзолари иштирокида ўтказилди.

Вилоят раиси матбуот хизматидан хабар қилишларича, аҳоли қўлига муддати ўтган ё сифатсиз дорилар тушмаслиги учун тегишли органлар томонидан назорат мунтазам олиб борилади.

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Савринисо МИРҲАЙДАРОВА: - ЯНА 10 ФАРЗАНДИМ БЎЛСА, ВАТАН УЧУН ҚУРБОН ҚИЛАМАН

 

Восе ноҳиясининг Восе шаҳарчаси, Рустам Холалий кўчаси. Ватаннинг шижоатли фарзанди, генерал-майор Рустам Амакиев яшаган хонадон сари йўл олганмиз. Йўл-йўлакай фарзандини йўқотган онанинг йиғлаши кўзим олдига келиб, ўзимга-ўзим Рустамнинг онаси ҳозир йиғлаши ва унга тайёр туришим кераклигини айтаман. Менга ноҳия ёшлар билан ишлаш ва спорт бўлими мудири раҳбарлигидаги бир гуруҳ ёшлар ҳамроҳлик қилишмоқда. 18-рақамли уй ҳовлисига кирдик. Хоксоргина уй-жой, ток ишкоми тагида бир аёл ўтирибди. Бизни кўрган заҳоти тожикона одоб

Муфассал...

Миллат пешвоси Антониу Гутерриш билан учрашди

 

21 март куни Ню-Йорк шаҳрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон 2018-2028 йиллар - «Сув устувор тараққиёт учун» халқаро амалиёт ўн йиллиги бошланишига бағишланган тадбир очилиши доирасида Бирлашган Миллатлар Ташкилоти Бош котиби Антониу Гутерриш билан учрашди.

Мамлакат Президенти муҳтарам Эмомали Раҳмон Антониу Гутерришга

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
512165

ӮҚУВЧИЛАР СОНИ

2355985
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1053
2104
3157
2334650
49822
62133
2355985

Сизнинг IPнгиз: 3.231.228.109
Бугун: 22-10-2019 10:56:12

ҲАМКОРЛАР

 

 

   

2015